انا العراق

البارت الاخير

البارت الاخير

انا العراق

للكاتبة : براء_كريم

_______________

رزان//

_شلون ما انخطبت لابن خالج لعد ام مهيمن من اجت خطبت جمان ليش كلتلهه انه محجوزة لابن خالي واريده

سحبت نفس اكتم عصبيتي واطول بالي وياه وكتله

_ماكو هيج شيء محد اجه خطب جمان وجمان طول هلسنتين جانت تنتظره لمهيمن كلهه جانت دكلهه عافج وتخلى بس هي بقت متامله يجي يوم ويرجع

ضيق عيونه وكال _ماكو هيج شيء مهيمن ما تخلى عنهه هي الرفضته

استغفرت وكتله بقلة صبر _انه مو مجبورة اقنعك واخليك تصدك بس هذا الي صار واذ كان كلامك صحيح معناها ام مهيمن جذبت ع مهيمن ولو ما اعتقد الكلام صحيح

وعفته ورحت وداخلي يغلي شلون اعذار يالله اقبح من الافعال .. اجرت تكسي ورجعت للبيت وانه مقررة مااحجي لجمان انو رحت لان ما اريدهه تنقهر من وره اعذار مهيمن التافهة يريد يشككهه بنفسهه ويذب الصوج بيهه كوه والله يالله

عباس//

بقيت صافن ع كلام هاي لبنية دخلت للبيت شفت مهيمن متمدد بلصالة تنهدت وكعدت كباله يا ترى احجيله الي كالته او لا زين لو افرض انو كلامها صحيح يعني شنو يا اما مهيمن بلفعل تخلى عن البنية وهلشيء مستحيل لان شفته طول ما اني وياه ما راح اسمهه عن لسانه ومو بس هيج دوم يروح لبيتهم يتامل يشوفهه .. زين مهيمن ما تخلى بقى الخيار الثاني انو ام مهيمن جذبت عليه بس شنو مصلحتهه تسوي هيج وهي جانت تحب ابنهه وهو ابنهه الوحيد وحسب كلام مهيمن انها جانت مسانده حبهم .. فزيت من صفنتي ع كلام مهيمن

_يولو اشنو قالت رزان

تنهدت وكلت خل اكله احسن بلكتن يطلع حجي البنية صحيح وينجمع بحبيبته

_مهيمن البنية دكول اختهه ما رفضتك وبقت تنتظرك

عدل كعدته بسرعة وركز بكلماتي بعدهه كال

_اشلون يعني ما انا اغشعت حلقتا بايدها اشلون بقت تنتظرني

تنهدت وكتله _والله ما اعرف هذا كلام اختهه ودكول هي ما انخطبت لابن خالهه بعد سنتين من انتظارها الك انخطبت لواحد تشتغل وياه وكالت امك ما جايه خاطبتها ولا شيء واني بعد ما اعرف كلامها صدك او جذب واذ جذب شنو مصلحتها تجذب واساسا ليش اجت حيرتني وكلت اكلك وبعد انت اعرف

حسيته انصدم من كلامي وانتجه ع الحايط ورفع راسه ليفوك كانما يراجع نفسه والمواقف الصارت بعدهه رجع باوعلي وكال

_يمي راحت وخطبتها انا متاكد هي قالتلي انها راحت

عم السكوت للحظات بعدهه كتله _زين ليش ما تحاول تحجي ويه البنية وتسمع منهه يعني انت كلت هي من شافتك اجت وحجت وياك وعاتبتك يعني اني اكول اذ البنية مخطوبة ومن زمان ليش تجي تعاتبك وتجيب مشكلة لروحها ونتيجة كلامها وياك حسب حجي اختها فصخت خطوبتها وهم اذ هي غدرت بيك شلون تجي هي تفتح موضوع العتاب