بارت (30)
انا_العراقللكاتبةة: براء_كريم
_________________________
كم متعب هذا الوطن يا الله؟
كانت الملائكة بحاجة لدمائه
لتسقي وردة ذابلة
نسى ان يسقيها ادم في الجنة قبل ان يهبط_____________________
رزان//
جفلت مكاني شجاي يحجي هذا معقولة صدك يحبني !! بقيت مصدومة ما اعرف شكله سحبت ايدي منه بسرعة وطلعت من الغرفة بدون ما احجي شيء .. طبيت لغرفتنه وشمرت روحي جوه الفراش .. ضليت اتكلب اريد اشيل كلام ايهاب من بالي ما اكدر زين اذ هو صدك يحبني ليش ما يكل لامه احب رزان .. وانه وانه احبه لو لا ... اووف ياربي شلون بلوة هاي .. حتى استحي اباوع بوجهه بعد .. ليش تستحين رزان شبيج قابل انتي شمسوية .. بقيت كلساع اطفر بفكرة الى ان نمت .. كعدت ثاني يوم حركة جمان بلغرفة .. رفعت الغطه عن وجهي وباوعتلهه بنظرة تساؤل
_شبيج
ابتسمت وكالت _هاي منتصر عدنه وتوه رحت سلمت عليه وسالته اذ حصلي شغل لو لا .. وطلع محصلي بشركة اتصالات ..
كمت كعدت وانتجيت ع الجرباية خليت ايدي ع حلكي وتثاوبت وبعدهه كلتلهه
_اي زين شوكت تداومين
_ما اعرف هو كالي انه اردلج خبر شوكت ترحين يقابلوج
بعدهه عافتني ونزلت وانه كمت غسلت ومشطت شعري وعدلت فراشي وطلعت من الغرفة صار بوجهي ايهاب ابتسم وكال
_صباح الخير يحلو .. وغمزلي
دنكت راسي ونزلت كانو ما سمعته .. طبيت للمطبخ اخذت بيضة وكعدت اطكهه .. اجه وكف يمي وكال
_الكلام الكلته امس حقيقي ومن قلبي وانه شاريج فكري زين وانتظر جوابج .. حتى قبل لا اروح نخطب
وخرت من يمه بسرعة ياربي شلون سالفة هاي والنوب شجاوبه لحظه يعني هو هسه جاي يخطبني .. سمعته كال
_حس يا اخي حس .. تراا بس هلاسبوع وارجع لامريكا
غصبا عني ابتسمت وهو طلع ... مااكدر اردله جواب وانه ما اعرف بنفسي احبه او لا امس اولت امس جنت اضوج منه صح انقهرت من عرفت عساس رايد ايلاف بس ما ادري هذا القهر لانو احبه او لشيء ثاني واساسا انه لحد هسه ما مصدكه هو يحبني تصرفاته وياي قبل ما دل ع هذا الشيء .. تنهدت وكعدت ع الميز اكل
ايهاب//
مرت ايام ما احجي بيهه ويه رزان جنت رايد اعاقبها بس قلبي جان يرفرف عليهه .. ومن تجي بدون ما تنتبهلي اباوعلهه ... وبيوم شفتهه تبجي من عرفت انو امي عبالهه رايد ايلاف عرفت هي عدهه مشاعر اتجاهي بس ضامتهن او اصلا ما حاسه ع نفسهه كدرت اشوف الالم الي بداخل عيونهه .. بنفس اليوم بعد ما جنت طالع ويه منتصر رجعت للبيت لكيتهم يتعشون كالتلي بيبي تعال اكل ويانه كلتلهه متعشي .. جذبت عليهه لان جنت جايب عشه الي ولرزان .. صعدت فوك ضليت احجي ويه ضرار .. مر الوقت وانه انتظر اسمع فتحت باب غرفتهم بلكت هي تطلع ماكو .. اخر شيء اندك الباب كلت يمكن امي فتحته وانصدمت بايلاف ضاربه المكياج حباية ونص ومطلعه نص شعرهه .. بلعت ريكي ونزلت راسي وكلتلهه
أنت تقرأ
انا العراق
ChickLitرواية واقعية تحكي عن جزء من معاناة الشعب العراقي بعد عام ٢٠٠٣ حيث تعاني عائلة البطلة من الهجرة بسبب الضروف انذاك وتعاني من مرارة الغربة وفي اسوء تلك الضروف تقع في حب شاب موصلي الاصل ...