انا العراق

بارت ٢٠

بارت (٢٠)

انا_العراق

للكاتبة: براء_كريم

_______

كلام امي دخلني بحالة صدمة اريد استوعب ما اكدر ضليت اهز براسي واكلها

_لااا شلون راح لااا اكيد ما راح وعافني

هزت بايدها وكالت

_هذاا الكسرتي ثقتي بيج علموده راااح هسه نطه المفاتيح لجدج

عفانتي ونزلت وانه احس رجليه بعد ما يحملني كعدت بلكاع مصدومه واكول لا لا مستحيل مهيمن ما يتخلى عني اكيد اكو شيء غلط بلموضوع .. تقربت مني رزان رفعت راسي ليفوك وكالت

_جمان لا تنقهرين

شمرت روحي بحضنها وبجيت وكلتلها

_رزان انه اعرفه مستحيل يتخلى عني مهيمن وعدني وما يكسر بوعده ..

سكتت ما ردت عليه بس ضلت تمسد بشعري بعدهه لزمت راسي بكفوف ايدها وكالت

_راح انزل افهم الصار ..

هزيتلهه راسي ورجعت للخلف انتجيت ع الحايط وخليت راسي بين رجليه مستحيل مهيمن يروح هو كالي راح اخطبج لا مستحيل عافني بس علمود عركتنا هذاك اليوم لا هو لو علمودها جان طلع من زمان بس اكيد هو يعرف بيه احبه ولمصلحته هيج حجيت .. بقيت كاعدة ابجي وانه اكول مستحيل حواسي كلها مو راضية تصدك .. بعد مدة اجت رزان لزمتني من ايدي كعدتني ع الجرباية وكعدت بصفي وكالت

_جماان حجي امي صحيح مهيمن راح وحتى جدو سأله ليش راح تروح ما منطي سبب وبعدها سأله وين راح تكعدون ما قبل يكله وين ..

بقيت صافنه بكلامها هزيت راسي بلنفي وكلتلها

_لاا لاا اكيد اكو شيء غلط

تنهدت وكالت

_هذا الصار جمان هو صدك راح

رزان//

بعد الكلام الكالته امي ...نزلت حتى اتاكد واعرف بلي صار .. وطلع كلامها صحيح بعدما سألت جدو وكال

_والله يا بنتي الولد راح بدون ما ينطيني سبب ولا يدليني المكان الي راح يكعدون بي حتى من كتله ابقى لباجر ونشيل وياك غراضكم وهم نشوف المكان كالي لا ورفض وكال انه مرتب كلشي بس اجيت علمود اودعك واشكرك.. وجان مبين ع الولد ضايج

ماعرفت شكول بعد كلام جدو الي اثبت صحة كلام امي .. بلغت جمان بلصار وشفت ملامح الصدمة مرسومة ع وجوها ما كدرت اسويلها شيء لان مابيدي اسوي شيء غير اواسيها بكلماتي ... بعدها نزلت جوه حتى احجي ويه نوران واشوف رأيها بلصار .. رحت كعدت بلغرفة شفتها مبدلة وجاي تشد شالها لانو اليوم تشيل الجبس كعدت ع الجرباية وكلتلها

_نوران سمعتي بمهيمن راح

باوعتلي بلمرايا ورجعت دارت وجهه تكمل شد الشال وكالت