انا العراق

تكمله بارت ٢٥

تكملة بارت (25)

انا_العراق

للكاتبة: براء_كريم

____________________________________

اصبريلي ما ضل شيء

وتغفه رموشج برموشي

_______________________________

رزان//
انصدمت من الشفته ضليت ارجف وما اعرف شكتب كبل رحت ع رقم ليال اتصلت عليها اول مرة ما ردت رجعت اتصلت مره ثانية اجاني صوتها وكالت

_الوو

_الووو ليال هذا مقلب موو

_شنوو يا مقلب

بلعت ريكي وحجيت بارتباك _الصور الدزيتهن الجج دزوهن الي برقم غريب وكاتبين اذ ما تنطينه 15 مليون ننشرهن

ضحكت بصوت عالي وكالت _لااا مو مقلب صحيح هذا اخويه الي دزلج

صنمت مكاني وعيوني غورقت دموع وكلتلها

_اكييد تشاقين مو ليال شقاج ثكيل تراا

حجت كلام تمنيت ما سمعته منها وكالت

_انتي وحدة غبية شلون توثقين بوحدة ما شايفتها وباقل من شهر تأمنيها ع صورج .. الج مهلة يومين اذ ما دبرتي الفلوس ننشرهن

هزيت راسي بعدم تصديق واقتناع بكلامها وكلتلها

_صورتج انتي هم عندي مو دزيتيلي انتي هم

ضحكت بخباثة وكالت _مو اكلج غبية يابه هلصور تارسات النت من عقلج ادزلج صورتي .. ديله ولي دبريلنه الفلوس وهاا تراا لا عبالج اذ ما دبرتيهن ما اخلي موقع ما انشرهن بي وعندي استعداد حتى اركبهن ع شغلات حلوة وبعد انتي فهمتي .. ومثل مكتلج يومين وحنتصل بيج ونتفق ع استلام الفلوس

صحت بيها بصووت عالي _حقيييييرة نذذلة

كطعت الخط بوجهي كعدت بلكاع ابجي وادك ع وجهي انه شسويت بعمري اهلي اذ درو شيسوون بيه ومنين اجيب هلمبلغ .. شسويتي بعمرج يا رزان انتي شلون وثقتي بيها غبية انتي غبية ضليت ادك ع راسي وانه ميته خوف وما اعرف شسوي اهلي اذ درو يمكن يذبحوني وانه شلون راح اكدر ادبرلهم هلمبلغ ..

سحبت موبايلي ورجعت اتصل بيها وانه ايدي ترجف بس طلعلي جهازها مغلق شمرت الموبايل وحطيت ايديه ع راسي وضليت اهز بروحي ياربي راح اتخبل ياربي شسوي .. ياربي خلصني من هاي المصيبة .. سمعت باب الغرفة اندك مسحت دموعي وكمت وكفت عدلت نفسي وصحت بصوت خافت

_منوو

اجاني صوت ايهاب وهو يكول _انه تعاي يمنه جوه ضوجة لوحدنه

حطيت ايدي ع حلكي بمحاولة اكتم شهكاتي ياربي شسوي .. مااعرف شجاني وقتها حطيت شال ع راسي واخذت الموبايل وفتحت الباب ليكته واكف ع مسافة من باب الغرفة بس شافني رفع راسه باستغراب وكال