انا العراق

بارت ٢١

بارت (٢١)

انا العراق

للكاتبة: براء_كريم

______

جمان//

كلام امي دخلني بحالة صدمة .. كافي شكد تريد تتحمل يا قلبي .. انه وايهاب!! مستحيل ومهيمن وحبي اله المطلوب مني انسه كلشي وبهلسهولة هو انه فكره وانو راح وعافني ما استوعبتها وعقلي لازال يرفضها وقلبي اصلا ما يريد يفكر بهلشيء وباعد هلفكرة عنه .. بس صدك محد يحس باحد إلا الي مجرب هلشعور .. فزيت ع صفنتي ع صوت امي الي تردد لسامعي عبالك سم ..

_سمعتي مثل ما كتلج اريدج تهتمين بروحج هلفترة ايهاب ماكو احسن منه وفي حال اجه وشافج ووافق توافقين انتي وان فكرتي بلرفض عمري ما اسامحج

نزلت راسي وانه اتوسل ب دموعي لا تنزل .. كامت امي راحت وانه فقدت السيطرة ع دموعي صارت تتسابق بلنزول .. ماحجيت ولا رديت عليها لان امي تغيرت مو هاي امي الي تخاف عليه من نسمة الهوى ... حضنت رجليه واختنكت بعبرتي وينك بابا محتاجتك اكثر من اي وقت ليش رحت ليش عفتنه هيج .. لو جنت موجود ما جنت راح تقبل اتزوج شخص ما اريده.. كمت توضيت وفرشت سجادتي وكعدت اقره قران واندعي ... ياربي ارشدني للطريق الصحيح .. كملت لميت سجادتي .. وبقيت افتر بلغرفة واكول لنفسي لا جمان الزواج مو غصب اذ صارت صدك وايهاب راد يخطبج ارفضي وخلص كلشي ينتهي عمو موجود واكيد ميقبل ع شيء غصباً عني حاولت اطمن نفسي .. بس امي الي دكلي ما اسامحج لاا لاا هذا مجرد حجي هي لان مقهورة مني لهيج حجت هيج .. زين اذ سوتها صدك لا لا مستحيل امي ماتغصبني ع شيء ما اريده .. اي هاي قبل جمان مو هسه .. امج هسه ما تطيقج .. نزلت دموعي خليت ايديه ع راسي كافي اريد اقطع التفكير انه بيدي وصلت نفسي لهاي الحالة انه بيدي اذيت نفسي .. بدون شعور فتحت الكنتور وطلعت الكتب والدفتر مالت مهيمن شككتهن بعدهه سحبت العطر ردت اشمره بس بأخر لحظه ترددت كعدت بلكاع ضليت ابجي المطلوب مني هسه شنو المطلوب اوثق بيك وماادري انت رحت وعفتني صدك لو اكو سبب وره رحيلك .. المطلوب اوثق بحبك الي بس شلون وانت ما خليتلي سبب اتمسك بي رحت وما خليتلي اي شي يدل ع وفاءك وحبك الي ..

رزان//

رحت لبيت جوارينه وزينتلهم البيت ل ٣ كمت بدلت ملابسي بحمامهم وعدلت نفسي طلعت وكعدت بصف بيبي ومرة عمو جانت الحفلة حلوة والعروسة طالعه تجنن ومبين العريس جداً سعيد بيها .. تقريبا الساعة ٤ ونص استاذنه وكمنه وبلاحرى انه الي لحيت ع بيبي نرجع بحجه انو تعبانه بس لا انه بالي كله يم جمان .. اخذت فلوس شغلي ورجعنه للبيت .. اول ما طبيت تلكتني امي وخالتي احجونه شلونها الحفلة وشلونها العروسة عفت بيبي ومرة عمو يسولفولهم وصوبت انظاري لنوران الجانت كاعده يمنه بس صافنه تقربت منها وهمست

_شبيج

رفعت راسها وكانها توها انتبهت ع صفنتها وابتسمت ابتسامة خافته وكالت