مساء الخير حبايب اجت بالي فكرة بما انو نزلتلكم مشهد عن جمان بداية القصة كلت ليش ما انزل الكم مشهد عن مهيمن هم يزيد عندكم الحماس😂☻... اتمنى ما تخبط عدكم الاحداث❤❤
________
كنت قاعد انا وعباس ببيت مهجور والدواعش يصيحو بلسماعي(السماعة)
_اخرجو ولكم الامان
وبقو يرددوها
_عباس: هاا مهيمن خلصت ذخيرتنه.. هاي النهاية يخوي ... اريد اكلك طبعا اني كلش فرحان لان راح نموت سوه والايام القضيتها وياك خلتني اعرف معنى الصداقة صدك ...
اتكأت ع الحايط ورفعت راسي لفوق وقلتلو
_وانا هم .. الظاهر الى هنا وطريقنا خلص
_مهمين خويه ابريني الذمة لانو بسببي وصلت انت لهنا لو ما اني أخطأت بلتصويب
قطعت عليه كلامه
_عباس انا معاك للموت
تنهدت وقلتلو _ يا اخي ارفع راسك انت بطل
ابتسم وطلع ورقة وقلم من جيبو وقعد يكتب ابتسمتله وقلت
_يولو غاح (راح) تكتبلها
_ايي داكتب الها ولأمي وحده
رفعت راسي وغمضت عيوني وقلت بقلبي
_ ابي .. يمي ... هذا انا قادم لعدكم خلص مابقى شيء وغاح (راح) نلتقي
اجت ببالي جمان واحلامي بأنو تصيغ (تصير) زوجتي .. نفظت هذه الافكار من عقلي وخليت ايدي ع وجهي وقلت خلص مهيمن هي صاغت (صارت) لشخص ثاني حرام عليك تفكر فيها..
سمعنا اصوات اطلاق نار ارتفعت ... عباس بسرعي ضم الورقة بجيبو واجا قعد يمي واتكأ ع الحايط..
بعدها بمدة سمعنا اصوات السيارات تقترب وقفت السيارات وصغنا (وصرنا) نسمع حركي اقدام بأتجاه البيت
عباس ضحك وقال
_يله يخوي خلينه نقره الشهادة
غمضت عيوني ورفعت راسي لفوق وصغت (صرت) اتشاهد
________
هااا حبايب هذا مشهد بسيط حتى يزيد عدكم الحماس اتمنى يكون عجبكم ❤❤
دمتم برعاية الله ❤❤
أنت تقرأ
انا العراق
ChickLitرواية واقعية تحكي عن جزء من معاناة الشعب العراقي بعد عام ٢٠٠٣ حيث تعاني عائلة البطلة من الهجرة بسبب الضروف انذاك وتعاني من مرارة الغربة وفي اسوء تلك الضروف تقع في حب شاب موصلي الاصل ...