بارت (١٨)
انا العراق
للكاتبةة : براء_كريم
_______________
تعالي ننتظر معاً اذان الفجر
نتسارع لصلاة قبل ظهور خيوط الشمس
أعلم أن مذاهبنا مختلفة
لكن عقيدة قلوبنا واحدة
__________
نوران//
_انه عندي خطة سمعي ... وانه احجي دك موبايلي فتحت الجنطة شفته منتصر تأفافت وفتحت الخط بعدني ما كايله الو اجاني صوته يرعدد
_انتييييي ويييين
فزيت كمت وكفت وكتله
_نصيي صووتك شبيك
_سألتج انتي وين
_بلبيت بعد وين
_منو وصلج
_حصلت خط ويه ... بعدني ما مكمله وكال
_وانه حمار عندج اكعد انتظر حضرتج وادور عليج ما الكاج من حصلتي غيير دكوليين لو حضرتج غبيه ما تفهمين
حسيت شرارة الغضب تتطاير مني شلون يتجرأ يحجي وياي هيج
_ انت منو سمحلك تحجي وياي بهاي الطريقة
جمان كامت وكفت يمي وكالت بصوت خافت
_شكوو
اشرتلهه بايدي حركة مقصدها انتظري
_ولجج بعد الجج عيين وتردين وين جان هذا لسانج من حصلتي خط وما اجيتي كلتيلي
_انه كتلك جاي ادور خط
_ اييييي وكتلج ماله داعي ومن حصلتي ما اجيتي كلتي ما فكرتي شكول لجدج من يسألني عنج وهو مأمنج يمي
_شوف انه بلغت جدي حصلت خط .. وانه ما اسمحلك ... بعدني ما كملت كلام وياه سد الخط بوجهي نزلت الموبايل وباوعتله وصححت مااا عندده ادب قليل ذوووق
جمان بقت واكفه مصفصفة ما فاهمه شيء كلتلي
_منوو هذا ولج
رجعت كعدت ع الجرباية وانه احس راح انفجر من العصبيه تنهدت وكلتلها
_الغبي منتصر بعد منو
لفت شعرهه واجت كعدت يمي
_لييش شكوو شبي
جريت حسرة وحجيتلها كلشي .. من كملت كالتلي
_اكللج شيء بس مو تزعلين
_شنوو
_انتي غلطتي من ما كلتيله حصلت خط وبنفس الوقت هو هم غلط لان ما يحقله يحجي وياج بهذا الاسلوب
_يووولي جمان انه ما عولت لكيت خط حتى افتك منه
تنهدت وكالت
أنت تقرأ
انا العراق
ChickLitرواية واقعية تحكي عن جزء من معاناة الشعب العراقي بعد عام ٢٠٠٣ حيث تعاني عائلة البطلة من الهجرة بسبب الضروف انذاك وتعاني من مرارة الغربة وفي اسوء تلك الضروف تقع في حب شاب موصلي الاصل ...