انا العراق

قائدتنا

السلام عليكم حبايبي

ادعو لقائد ثورتنا الناصرية الوضع جدا تعبان بيهه وقمع مستمر

واكيد لمجد الحضارات بغداد

الي اريد افهمه ما شبعو من دمنه مو قلوبنه احتركت ؟!!!

ماادري ليش احس انو محافظات العراق تتسابق بيناته كل وحده تريد تثبت لثانية انها تحب العراق اكثر فتقدم شهداء ...!!!

ياربي ينصرنا .. بنات الي من الناصرية لا تقصرون بدعمهم اكل شرب بطانيات

وبلنسبة للبقية المحافظات نفسس الشيء وخصوصاً البصرة بنات الشباب كلشش محتاجين دعم بعد ما احتركت الخيم لا عدهم فراش لا بطانيات لا اكل تخيلوو امس شفتهم ياكلون خبز يابس تكطع قلبي وكاتلهم البرد !!!...

انه وصلت وباجر باذن الله هم اوصللهم بس اعداد هواي والي جاي نوصله ما يكفي والله

حتى وان برصيد تدعموهم الي ما يكدر اكل او هيج اشياء

ترا الرصيد يفيدهم يشتركون نت ويوثقونه الاخبار وكذلك يخابرون ع جماعتهم اذ صار هجوم لا سمح
الله

هذا الحجي مو بس للبصرة لكل المحافظات الي تكدر خل تحاول تدعمهم ..

والي دكول شلون اوصللهم او شيء تراسلني خاص وانه اتكفل بلسالفة ...

ناصرية بصرة اكدر اتكفل بسالفة التوصيل فقط
لانو عندي تواصل ويه اشخاص من قلب ساحة التظاهر وناشطين هم

حتلو انتن وصديقاتجن من كل وحده الف الف والله يفيدهم  ..
والي ما تكدر دعائج الهم لا تنسيهم
__________

وهسه نرجع لرواية

راح اخذ رايكم

تردون اختم القصة ببارتين واختصر الاحداث؟

او تنتظرون من يتحسن الوضع نستمر؟

القرار الكم اخذ ع راي الاغلبية

دمتم برعاية الله