انا اول مواطن يدورله ع وطن
كزبر بجسمه البرد دفاه الكفن
وانا الي ما داخ من فره الزمن
وياما ياما عشكت صبره المحن
انا اول عصفور يميل بي الغصن
تحب نعومته السما تصيرله حصن
انا اول من عاش بيته جن بسجن
يهوه سهر ودموع عيونه الشجن
انا التحرر ومن الفرح راح لدفن
انا ذاك البقت امه محضره الحضن
#بقلمي
____________________________________
طبعاً من بلشت التظاهرات وانه الزم القلم احاول اكتب شعر ما اكدر احس كلماتي ما توصف الشهداء وقليلة بحقهم اكتب بكل المواضيع بس من اوصل لشهداء ما اكدر
بس امس بعد الصار والاحزاب بعدهم مصرين ع مرشحيهم حسيت بألم ما كفاهم الشهداء الراحت لازالهم مصرين ياذونه كلش تاذيت لان نطينه هواي ومحد يحس بينه كلمن يدور مصلحته كعدت اليوم وكلي الهام كلت لازم اكتب وبلفعل لزمت القلم وكتبت وانه بعقلي صورة الشباب الراحو والشباب الي هسه موجودين وكاتلهم البرد ...
شهدائنا تعجز الكلمات عن وصفهم هذا شيء قليل بحقهم...
حسبنا الله ونعم الوكيل ع كل ظالم
أنت تقرأ
انا العراق
ChickLitرواية واقعية تحكي عن جزء من معاناة الشعب العراقي بعد عام ٢٠٠٣ حيث تعاني عائلة البطلة من الهجرة بسبب الضروف انذاك وتعاني من مرارة الغربة وفي اسوء تلك الضروف تقع في حب شاب موصلي الاصل ...