မကောင်းတော့ဘူး!ဗီလိန်ဘုရင်မကရှုပ်ထွေးနေပီ(Myanmar Translation)

11.1 အသေခံအစီအစဥ်နှင့် Huoyang

တော်ဝင်မင်းသမီး ကောင်းလီဘွဲ့တော်အသစ် ချီးမြှင့်ခံရသည့်ညကို ပြန်သွားရင် သိန်းငှက်တစ်ကောင်က ညကောင်းကင်ယံတစ်ခွင် ပျံဝဲနေတာတွေ့လိမ့်မည်။

ဒါကို တစ်ယောက်မှ မစောင့်ကြည့်နေရင်တောင် ထည်ဝါမှုက လျော့မကျသွားခဲ့ပေ။
အသားစားငှက်က အမည်မဲ့တောင်ကြားတစ်ခုတွင်သာရပ်နားခဲ့ပြီး အင်ပါယာမြို့တော်မြောက်ဘက်ကနေ မိုင်ပေါင်းများစွာ ပျံသန်းသွားခဲ့သည်။

ကောင်းကင်က နေထွက်လာကြောင်းပြသကာ နှင်းဆီရောင်သန်းလာခဲ့သည်။

မြင်နေရသော ငှက်က လက်မောင်းဆန့်ထုတ်ထားသောလူဆီ ဆင်းသက်လိုက်သည်။

ထိုလူက ငှက်ရဲ့ ချွန်ထက်သည့်လက်သည်းအနီး ချည်ထားတဲ့ စာကိုယူလိုက်သည်။ ၎င်းနောက် ယင်းအနှစ်သက်ဆုံးဖြစ်သည့် ငှက်စာကို ကျွေးဖို့မမေ့ခဲ့ပေ။

"မင်းသား! မြို့တော်က စာရောက်လာပါတယ်!"

လက်ထောက်က ဖွဲ့စည်းပုံကောင်းကောင်းနဲ့လူဆီ ပြေးသွားခဲ့သည်။
သူက ရဲရဲရင့်ရင့် သတ္တိရှိရှိရပ်နေခဲ့ကာ ကြည့်သူတိုင်းကို အံ့အားသင့်စေခဲ့သည်။

သူက အနက်ရောင်ဝတ်စုံပေါ်မှာ ကိုယ်ကျပ်သားရေသံချပ်ကာကို ဝတ်ဆင်ထားပြီး သူ့ဆံပင်အရှည်ကြီးတွေကိုမူ ဦးထိပ်၌ ပန်းမန်ဖြင့်အလှဆင်ထားသော ရွှေရောင်ကျောက်စိမ်းဦးရစ်တန်ဆာနှင့် စုချည်ထားခဲ့သည်။

(မင်းသား ၃ဝတ်ထားတဲ့အကျီက ဒီပုံလိုမျိုးပါတဲ့)