"At kung umabot tayo hanggang dulo
Kapit lang ng mahigpit
Aabutin natin ang mga tala ~"
Masayang-masaya si Jessica habang patuloy na nilalapatan ng viral na dance step ang sikat na kanta ng paborito niyang singer. Napakalakas ng volume niyon na halos yanigin ang kanilang buong tahanan. Wala ang kaniyang mga magulang kaya naman malaya siyang gawin ang gusto niya- at ito ay ang pagsasayaw.
Agad na niyang inilagay ang maliit na kamera sa bintana na nakatapat sa kaniya. Handa na siyang irecord ang kaniyang pagsasayaw at i-flex sa kaniyang mga followers.
"Hi my youtube followers here we go! Inspired by Sarah G."
Aniya saka na muling ipinagpatuloy ang pagsasayaw.
Subalit napatigil nang kaniyang matanaw mula sa bintana ang napakakapal na usok.
Nabitawan niya ang kaniyang cellphone. Kinabahan.
"Ang ningning ng yong mga mata'y hinahanap ko sa mga .. TALA....
............. TAAL.
