متنسوش الفوت ☆
و كومنت برايكم في الفصل ❤
___________________
جحظت عينا جمال بالعا ريقه هاتفا بعدم تصديق : انتي كدابه ايمان مش بنتي انتي سامعة
عديلة بخبث و افتراء : و انا قلت انها بنتك ،انا قلت انها بنت شمس
ثم وضعت يديها على فمها بصدمة مصطنعة هاتفة بكذب : هو انا مقولتلكش انه شمس مراتك كانت خاينه و انها خانتك مع سليم الشرقاوي يا بن المحمدي
جمال بعدم تصديق محركا راسه بنفي و اشتعلت عيناه بنيران سوداء: انتي كدابة ،سامعة كدابه شغل المؤامرات بتاعك ده ميدخلش عليا عايزه تكرهيني في شمس مش كده بس بعينك يا عديلة مش شمس اللي تعمل كده
عديلة بابتسامة ساخرة عالية : بتضحك علي نفسك ولا على مين بضبط يا جمال ،علي العموم انا عملت اللي عليا و عرفتك حقيقة مراتك المصونه و بعدين انت لازم تشكرني اني خطفت ايمان زمان كان زمانها متسجلة على اسمك و اسم عيلة المحمدي و هي اصلا من الشرقاوي
تشنجت عضلات وجهه وارتعش صدغه بقوه عندما جز على اسنانه مقتربا منها هاتفا بصوت خطر فحيح : انتي ايه بالضبط !! معندكيش دم مبتحسيش مش مكسوفة من نفسك و انتي بتكلمي في عرض و شرف واحده ماتت يا شيخه حرام عليكي ،عارفة يا عديلة انا بحمد ربنا و ببوس ايدي وش و ظهر عشان سبتك زمان و مكملتش معاكي انتي كنتي هتخلي حياتي جحيم
شعرت عديلة بقبضة قوية تعتصر قلبها من كلماته الجارحه تلك و همست بمرارة : تسمع عن مقولة داين تدان ،اهو الجملة دي اطبقت عليك يا جمال و انا هقولك من تاني إيمان هي البنت اللي شمس ولدتها و انا اللي اديت دكتور قرشين عشان يقولكوا انها ماتت و حطينا جثة بنت لسه مولوده كان عندها مشاكل في الرئة و اهل البنت دي افتكروا بنتهم اتخطفت بس دي مش مشكلتي الدكتور هو اللي خلص كل حاجه ،نيجي بقي عند ايه اللي حصل بعد كده
ثم زفرت زفيراً على مهلٍ هاتفه
ايمان اديتها للبنت اللي كانت شغالة عندنا في القصر هي و جوزها و خليتهم عاشوا بيها في القاهرة و طبعا خدت لهم بيت و كان ليهم كل شهر مبلغ محترم بس طبعا المبلغ ده مش ل بنت شمس ،لا ده ليهم هما عشان خدموني الخدمة دي اما بقي ايمان فهما كان عاملين معاها الواجب و زياده يعني إهانة تلاقي شتيمة تلاقي ،ضرب كمان تلاقي
لما كبرت بقى و كمان الاتنين اللي بيربوها كبروا و مبقتش صحتهم زي الاول فكرت و قلت طب ما كده الذل و الإهانة قلوا ليها بس لا لا مش هسمح ان بنت شمس اللي خانت حبيبي تعيش مرتاحة لازم تدفع تمن عمايل امها و بعدين البت كبرت و ممكن حد يجي و يملي دماغها فقلت احسن حل اجيبها القصر و اكمل انا بقي عليها و طبعا حسان الموضوع مكنش في دماغه بس انا عرفت اقنعه ابني بقي و طول السنين دي طلعت عليها القديم و الجديد خلتها تقول حقي برقبتي
