مهمات سرية 💣 الحلقة التالثة
وخر الزيرو وتقدم بيهد الباب بكتفه مانفتحش معاه .. . وخر ثاني*
رامي - حيه وصلوا ف باب حجرتنا ....
*واتقدم للمرة الثانية وهد الباب الزيرو وانفتح ع وسعه
لقوا الدار فاضية وستار الروشن يتحرك من الريح ....
الزيرو - فاضية الحجرة
* لاحظ x الستار يتحرك فاتقدم وقال - لا مش فاضية .... هربوا من الروشن ....
*وطبس من الروشن ولقاهم راكبين سياراتهم
<><><>
علي - فيسع اطلع من اهنا ياوحيد
وحيد - هيا هي ....
علي - والله ياهيثم انهنيك ع عقلك ديما اتفكرلي لما الياس يبدى مش موجود
هيثم - هههههههه
وحيد - بجديات مافكرتش ف طلعة من الروشن ياعلي ؟
علي - والله راحت عن بالي مرة واحدة ... من كثر ماخايف ع الياس
هيثم - سترنا ربي ان احنا ف الدور الارضي كان هذا راه ماعرفناش نطلعوا من اهنا .....ايوا سفيان ... اهو بيخطم عليك رامي بياخدك من الباب الخلفي
سفيان - اوكي انا واقف قدامه
*نزلوا جماعة x ووقفوا قدام المصحة ويطلقوا ف الرصاص بشكل عشوائي ... طبس علي واللي معاه روسهم ...وعفس وحيد بنزينة ومشي دعس ف الطويل *
علي - بالله عليك
وين كنت لما خشوا للمصحة وييين ؟
وحيد - منو انا ؟
علي - امالا من
وحيد - كنت ااا الحق هكي لهيت شوي
علي - ف شنووو
وحيد - كنت نقرا ف حلقة هكي
علي - تو وقته هذا 😬
وحيد - 😶
<><>
رامي - وئ سفيان ... هيا اركب فيسع
سفيان - هي هي ...
<><>
سمير - نلحقوهم ؟؟
ال اكس - ايه اركب السيارات انت وياه فيسع
<><>
علي - باهي بعدنا بما فيه الكفاية ...
وحيد - لا اونه فيه سيارات ورانا
علي - ايوه رامي ... خود طريق تانية احنا يلحقوا فينا
رامي - اوكي
هيثم - توهم ياوحيد ...
وحيد - يستر الله اهو بنخش لزنقة هادي وتو نتوهم ان شاء الله
<><><>
صالح - شنو ناضت تاني؟
#نسيت شن اسم ام ابتسام الحق ماراجعتش بس ان شاء الله يطلع هدى كان ذاكرة ماخانتنيش😁 *
هدى - ايه كانت متكوبسة ...
صالح - اتكلمت والا مازال
هدي - اخخخخ لا ماتكلمتش ...
اااخ ياحليلي بنتي ضاعت ياصالح
صالح - لا حول ولا قوة الا بالله حسبي الله ونعم الوكيل في اللي كان السبب ... الله لا يربحهم
هدى - كيف انديروا قولي
صالح - واللها ماني عارف ....
هدى - ياخوفي يسمعوا بينا الناس
صالح - لالا منين بيسمعوا ...انتي ماتحكيش لحد حتى لخواتك
هدى - ماحكيت لحد وماحد يندري ... حتى اتصلوا بيا امبكري قتلهم كانت عند صاحبتها وتلفونها مطفي شحن .....
صالح - لا به مليح
هدى - وانت لمن قلت
صالح - خوي عبدالله بس
هدى - لواه قلتله لواه ... تو يقول ل عواطف مرته
صالح - لالا ماعتقدش ايقول...
أنت تقرأ
مهمات سرية ( روايات ليبية )
Romantikعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
