مهمات سرية ( روايات ليبية )

حلقة 1🔥 الجزء التاني 🔥

مهمات سرية الجزء 2 الحلقة الاولى

ملخص عن الجزء الاول ...
الياس Boss فرقة الانقاذ .. جماعته علي وهيثم وسعد ورامي ..
الياس انجبر انه يتزوج مي بسبب انها اقتحمت فيلا تبعه بالصدفة وسمغت كلام ينبغي ماتسمعاش كون انه مجرم... وكذلك بسبب انه جماعته الثانية اللي يشتغل فيهاا ...  حسن الملقب بالكابو يبحث علي مي بسبب الشنطة ....
رامي عنده حبيبته ابتسام بسبب الاب توب ابتسام ضاعت من قبل ضاوي اخ حسن دار فيها حاجات مش تمام بكل وهيا لازالت ف صدمة ....
زينة اتقدملها فيصل واللي حتتورط في فخ من قبل اماليه .... ياسين خوها خاش ف مواضيع مش مفهومة ... حتضح القدام .
ظهر سفيان بطل قصة غضب عاشق فجاة ف مهمات سرية وكذلك صلاح القيافة وولده عدنان الكوتي ...

#انتهى_الملخص#

الياس - شن اسمك انت ومن وين
شاب   - سفيان
#سفيان بطل رواية غضب عاشق😉#
الياس - به نوض نوض معاي
سفيان - لالا بندور خالي
الياس  - غير زود معاي وان شاء الله حنلقوه
سفيان - به به اوكي
ركبوا السيارة هما الزوز ... مشي مسافة بسيطة اعترضت طريقهم سيارات ...
الياس ل سفيان - خليك ف سيارة بالك جماعة نعرفهم
سفيان - اوك ...
*وبمجرد نزل الياس خبطوه ع راسه بمرتكة ... نزل سفيان وبيضرب برغم اوجاعه وضرباتواللي ف جسمه دفوه بعيييد واتكركب بعيد من كثر ماانه جسمه مضروب ....  شد راسه الياس ومدروخ ويقاوم يبي يطلع سلاحه من خسره وفباله مي انها تستنى فيه ... مي تشوف لساعتها ولقتها حداش الا خمسة وحاسة ان الياس بيخلف بوعده... وحاول تاني انه يوصل لسلاحه ومش قادر ... زادوه خبطة ثانية وحطوه ف السيارة وفت طاشو بيه وقعد سفيان فاتح فمه معش فهم شي

سفيان - ش ش ش شن ه ه ه هالحظ اللللليوم ا ا الي انننركبه ام ام امعاي ينخطف و و واللي ننننكرب م م معاه ينخطف .... ك ك كيف ال الراي تو ححسهم ايدوروا ففيه د دوارة م مش ع على خ خاطر الس السيارة ..

*وقف سفيان وشد كتفه المتوجع ورجع لسيارة ركب وسكر البيبان *
(تو كيف الراي ... خلي نشوف شن اسم عيلته اكيد مخلي بطاقة والا حاجة ... وين وين اهياه ...
الياس محمد الالماني ... وين زعما حوشه وين)

<><><>

فيصل - ها يمة شن عجباتك البنت
امه    - اي باهية ... من عيلة منو قلتلي
فيصل - عيلة اسبيزة
امه     - اشبح شن يردوا علينا
فيصل - ان شاء الله يوافقوا يمة

<><><>

{الساعة 12:15 كلب والله كلب يالياس انا الحمارة اللي صدقتك حمارةةةةة}
*ةمع كلمة حمارة جبدت مفرش الطاولة اللي مقعمزة على كرسيها ... وانقلبوا كل الصواني اللي كانوا عالطاولة ... وقفت ونحت كارونة شعرها ولوحتها وخشت لداخل وطربقت الباب ... *
{انا تضحك عليا هكي بطريقة هادي ... مغباني شن نتوقع منه غير انه يهرب من اسئلتي ... لكن به ف الجديد يالياس في الجديد ولا حنسمع منك ربع كلمة ...  }