الجزء الثالث الحلقة السادسة
*جي القرسون وحط القهوة قدام الياس ويديه يرعشوا وحط قدام صابر ومشي *
كمل صابر دوته وقال - كل شي ليه ثمن ..هادي كلمتك تقريبآ ... وثمني التسجيلات والحاجات اللي شادها عليا
(الافينو قاله واضحة العملية )
*اتعفلق وخدي الفنجان وارتشف رشفة وشاف لصابر لقاه مبتسم
(لالالا فيه شي غلط غمزة صابر للقرسون بعد ماقاله واحدة وسط وواحدة مرة😉 و القرسون وقت جي يديه يرعشوا ... وحط القهوة قدامي انا قبل مايحط قدام صابر برغم صابر هوا اللي طلب .... فيه ان ...سم يعطيه سم)
*وعلى طول خدي كينكسات من عالطاولة وحطهم ف فمه لين امتص جميع الرشفة اللي شربها واشر لصابر ياويلك 👌 واشر ل مصعب و لؤي يقعدوا جنب صابر 👇 ... مصعب صوب سلاحه على فلكوس وفلكوس نفس الشي ... والموجودين في المطعم خافوا ... خدي الياس شيشة الميا ومضمض فمه ومعش عرف وين يحطها ... فالطلع على برا المطعم تفها ورجع ...
الياس - يلي ماتتحشمش على وجهك بتقتلني ب سم ...
صابر - س س سم شنو ياذيب ... ههه خيرنا عاد ...
*خدي الفنجان تبعه وحطه قدام صابر وقاله - اشرب .... اشرب منه
صابر - تي شن نشرب وانت شارب منه ذوقيآ ماتجيش ياذ..
قاطعه - اشرب قتلك
*قلب صابر الفنجان عالجنب لين انسكب وقاله - مانيش شارب ... وحول عليا رجالتك ...
*طلع سلاحه الياس كاتم صوت من تحت الطاولة وهوا يشوف لصابر وطلق طلقة استقرت ف ركبة صابر ... فتح عيونه صابر عالاخير واتوجع بصوت واضح فقاله الياس - هالمرة ف ركبتك وصوبتها من غير حتى مانشوف.. لكن المرة الجاية لو فكرت تلعب عليا حنجيبهالك ف مكان ثاني 😉
صابر - وااااطي !!!!
الياس - من يومي يابرو 😉
*وقف الياس مع جملته الاخيرة وخدي قوانتيات الجلد ولبسهم فقال صابر - اقتلووه
طلع سلاحه شخص وطبعا الياس اسرع منه ... والثاني كذلك ... فالباقي وخروا
صابر - حتندم ياذيب حتندم
لياس - هههههه هلبا قالوها قبلك وها انا حي ارزق بفضل الله والحمدلله ....
*تلفت الياس ووليد ولؤي متلفتيين بعكسه ويمشوا و يوخروا مغطيين الياس خايفين عليه من رصاصة غدر الى ان طلع وركب سيارته وركبوا كلهم في السيارات*
<><><>
عفاف - فرح زودي خلي نساعدوا خالتي في الضمان
فرح - بري لزينة
عاف - زينة قالت راسها مصدع شوي
فرح - به بري تو نلحقك ...
عفاف - اوكي .
<><><>
عيشة - مي ..
مي - نعم
عيشة - شنو مافيش حويجة؟
مي - حاجة شنو
عيشة - عيل مثلا ...
مي - لا ... واصلا انا والياس كل واحد ف دار اما عيل هذا اللي بيجي
عيشة - ايه استغربت لكن مابيتش ندخل قلت فبالي مرات الياس هكي طبعه يبي دار بروحه .... لكن زودوتها وصار الوقت اللي لازم ندخل ....
مي - اححح ... هو هكي يبي
عيشة - سلم بنتي ... اشقي براجلك ومعش تكابري .... الراجل زي الطفل يبي من يهتم بيه ويقوله كلمة طيبة ... يابنتي انا مش حندوملك كوني مع راجلك وكونيله كل شي ... يابنتي تشوفي في حالنا ماعندناش ظهر ... وسندنا في هالدنيا الله ثم الياس ....
مي - ان شاء الله خير يمو
عيشة - لحلحي روحك وعبي هالحوش صغار بدل قعدتك هكي
مي - مفكرة نكمل قرايتي ... غير ايروح تو نغحله الموضوع
عيشة - وهوا وقت قراية توا ! هه كان بتكمليها راك كملتيها من زمان مش ااا ...
مي - يمة صبح وخلوقي ضايقة ومش خاطري في نقاشات خليتي نتسمسم هالقهوة من سكات
عيشة - تسمسمي صدق فيك الراجل مكنسة حرشة حتى الكلام ماينفعش معاك
مي - 😳
(اخيه الوضع بيني وبين الياس ... معش حتى نتلاقوا زي قبل ... ديما وهوا مشغول ... عمل ... مش فاضي ... الحق الحق استفقدته .. استفقدت حضنه ... الفترة هادي حسستني بأن ناقصتني حاجة .. مانكدبش على روحي الباين ان الياس لمس قلبي ومن داخل ... انا غبية بجديات .. انا لما نكون معاه ننسى نفسي ... ننسى كل شي نتمنى نقعد ف حضنه على طول ... عيب عليا اني صديته .. عيب بجد .. نقوله لين نحبوا بعض نكذب على نفسي ونقنع ف نفسي بمهند اللي حب من طرف واحد ... وطول عمري نجري ف جرته ونستنى فيه يشوفلي بش نفرح وفرحي بيه وهمي وطفولي ... بعثلي ربي راجل كويس ومحترم وايصلي كل وقت ف وقتها وبدل مانشكر طول الوقت نتبتر عالنعمة ... فيه اللي ازواجهم يضربوا فيهم وتقولك انحبه ... صدقت امي ... فعلا نكذب على نفسي انا .... انا .... ح . ح .... حبيته )
*نزلت دمعة من عين مي مسحتها وابتسمت*
<><><>
فرح - هالفاشل هذا ... معقولة يحب زينة لهذه الدرجة ... خلي نبعثله مسج . تعبيرات باهيات .. ~ حطيتني في قائمة الرفض هه عادي اصلا انت ماتهمنيش مش تحساب روحك بكل حتى صوتك ايعفلق ... يافاشل .. المفروض اسمك فاشل مش فيصل ..
{ايه نكتبله اسمه بش يقول هادي مني .. هه خليه يقعد يتصل ويقول هادي مني ههه ايواه تم الارسال }
فرح - حييييي عليا بعثله يافيصل من شفرتي انا .... غبارتي السودة وووووه ووه ان شاء الله مايقولش لزينة عليك موقف كله من ماما كنطتني شن هالهم هذا .... مش متعودة ع شفرتين ف جهازي ياريتني درت الغاء تفعيل لشفرتي الهم الاحرف ....
أنت تقرأ
مهمات سرية ( روايات ليبية )
Roman d'amourعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
