مهمات سرية ( روايات ليبية )

حلقة 6🔥

مهمات سرية ج2 الحلقة السادسة ...

فرج     - امتى بتخليني نمشي فحالي ياودي ...
عرجونة - مازال .... ياسين ... انتا ياسين البلي
ياسين   - نعم نعم  ...
عرجونة - زود عس على هالشيباني ووكله واهتم بيه واعطيه ادويته  ... هذا كنز رد بالك عليه
ياسين  - قصدي عرفتوا منه اللي تبوه خلاص خلوه
*قرب منه العرجونة وقاله - معش تسأل اسئلة ماليهاش داعي ... بعدين احنا مانخلوا حد فحاله طق ف الراس ومات تم
ياسين  - اوك اوك خلاص معش نسئل
<><><>

ال اكس - ياحمار هذا براديو هذا ؟؟؟
سمير    - حيه والله حسبته الا هوا يشبهله الزفت
ال اكس - خلعتني ... بعدين البراديلو مايجيش اهنا ومن سابع المستحيلات انه يبان.... وكان جي اعرف انه جاي بش يقتل ويمشي
سمير    - ياساتر
ال اكس - نطمح وكلي طموح انولي زيه ... اقوى راس مافيا فيك ياليبيا ويتنحى البراديلو ويبدى ال اكس مكانه والكل يحسبله الف حساب
<><><>
الياس - روحوا اليوم مافيش اي حاجة ...غدوة ان شاء الله نبدو خدمة
مصعب - باهي به .. هي ساويكم ...
*طلعوا جماعة الياس وطول انقض الياس عالخزنة وفتحها لقي حاجات و اوراق وفلوس واجهزة تعقب ... قام كل الاوراق حطهم ف شنطة ولقي هلبا مفاتيح سيارات .. خدي واحد منهم ومشي للقراج ... فتح الارم سيارة ... ومشالها وكانت سيارة لبوة وطلع ماشي ل علي *

<><><>
هيثم - غير اصبر ياسفيان
سفيان - وين نصبر المراة قريب تهبل على بوها
هيثم   - كلها مسئلة ايام ونحصلوه
سفيان - باهي معقولة ماحددتوش المكان ! وحتى ولو كيف بتحددوه
هيثم  - معلقين املنا ع اتصال ... رامي خلى جهاز يرصد مكالمات الرقمين هادو وان شاء الله خير
علي    - اطمن تو نتكتكوها مليح غير ايجي لياس بس
سعد   - باهي ياجماعة لينا قريب اسبوعين مانقذنا حد معقولة هكي
رامي  - ماه لهيينا ف البوس تاعب
علي    - ولى حاله باهي توا ...
هيثم  - به وينه خيره ماجاش معاك
علي   - قالي بنمشي مشوار وتو نلحقك ...
هيثم  - ان شاء الله خير ... مايكون مشي يدو ف ال اكس
علي  - وين بيدوره ... ماعنده وين بيلقاه ...
الياس - السلام عليكم
الكل - وعليكم السلام
علي - توا كنا ف سيرتك
*سلموا عليه كلهم وفرحوا بيه وتحمدوله بسلامة ... وحكاله علي شن اخر المستجدات ف موضوع خال سفيان ... *
الياس - ماعرفتوش الارقام لمن يتبعوا
علي   - لا الحق ماجتش فبالي
سفيان - نبوا حد ف الشركة
سعد    - انا عندي
الياس - لكن المشكلة ان الخاطفين مايستخدموش ف ارقامهم
هيثم  - ايه ديما شفرات ب اسم شخص مصري
الياس - قليل النادر اللي يستخدم رقم ب اسمه .. نحتاجو متعقب مكالمات
رامي  - ومنين بنلقوه هذا
علي   - ممكن نقدر نأمنه
هيثم  - ومن وين
علي   - شنو نسيت اني كنت نشتغل ف الاستخبارات عندي مصادري الخاصة
الياس - لكن المشكلة ان نبوا نخلوا الشخص يتكلم دقيقة كاملة شن بنقولوله هي
سفيان    - لكن اتصلنا حيكون فيه تهديد على حياة خالي زي ماقلت بنخلوه دقيقة يتكلم بش يتحدد مكان المتكلم ...
سعد - به وين الخطر
سفيان - قصدي حدها بنتصلوا بيه ويقولنا غالط وبنسكروا ... لو عاودنا حيشك ف الموضوع
الياس - مزبوط .
علي   - فعلا وكان شك حيغير رقمه
الياس - الا اذا
الكل   - الا اذا شنو
الياس - الا اذا كلماته بنت
علي    - ومنين بنلقوها البنت
الياس - امممممم ....  خلوا الموضوع عليا غير امن الجهاز ياعلي وبعدها ساهل
علي   - تمام ... وين مشيت امالا قتلي مشوار مامشوار
الياس طلع باكو دخانه وولع سبسي وقالهم - مشيت استوليت ع مقر الكابو 😏
هيثم - هههههههه
رامي - افندي الياس 😀
سعد - الياس علم دار هههههههه
الياس - 😬
علي - هههههه حي عالجوووو ههههه والله ماخطرت فبالي ديروله موسيقى متع 007 عميل مزدوج😂
سفيان - هههههههه اكيدة يبي يتخلص من المافيات
الياس - 😤😤😤😤😤
علي   - هئ احم .... ايه به قولنا
الياس - مانيش قايل شي @$## انت وياه سفيان بس اللي لقطها عالطاير  الباقي روس تبن ...
سعد  - ههههاااي ولع عمي الراجل ... نبصروا نبصروا
هيثم  - هههه شهادة لله تخيلتك هكي ماشي ف الشارع ووراك المافيا متعك والمشهد يتحرك بالبطيئ 😂
الياس - والله انوضلك راه ...
هيثم  - ههه هلاص سكتت🙊
*سكت الياس وسرح قعد يسترجع ف كلام علي اللي قالوله على خال سفيان وعلى المكالمة اللي صارت تبع الخاطفين ... والكل يشبحوله يحسابوه قاعد متعفلق منهم*
(زعما كيف بنوصل ف البوس اللي خطفني ؟ هوا علي يعرف المكان تبعه ... لكن نهد عليه هكي بالك جموعتي تعتبر اقل من مجموعته ... ياويلكم مني يامافيات الهم جايتكم ايام لا تقرا ولاتكتب ... عندي مخطط فبالي حنفذه عاجلآ ام اجلآ )