مهمات سرية ( روايات ليبية )

حلقة 12🔥 النهاية 🔥الجزء التاني 🔥

مهمات سرية ج2 ح الثانية عشر والاخيرة

تلفت الياس لسيارة الحرس ويشوف فيهم كيف يطاردوا ف سيارة الطلياني .... ودقق فيها وشاف شخص وكأنه يعرفه تلفت ورجع شافله بسرعة... تأكد ان يعرفه حتى لو عاطي بظهره ... ونادى الياس بكل مااوتي من قوة بصوت عالي مملوء الم - ياسيييييين
تلفت ياسين لمصدر الصوت و شدو سلاحهم الحرس اللي كانو قدامه قعد يشوفلهم ويشوف لخوه ... ومشي يجري ويجري وسيل الرصاص من وراه ... وعلي يبي يطلع مسدسه وبيضرب لكن الحرس هلبه و يعتبر موقفه ضعيف عافس ف منطقة مش ليه ...
ياسين - الياس ... ! خ خ خوي .... طلعني من اهنا اليااااااااس
الياس ينادي والدمعة غ خده - هيز تورووزووو .....
واللي ف سيارات مايسمعوش فيه ...
الطلياني دار خدعة ف الطريق بحيث ان السيارة اللي تلحق فيه انقلبت راسآ ع عقب والثانية ... ضربت رصاص .... جت واحدة ف ياسين انتفض للخلف وجو فيه هلبا رصاصات ورا بعض لين اصبح منظره وكانه يرقص ومش قادر يطيح ... زحف العامل اللي بجنبه ودفه وطيحه على الارض ...
الياس - ياسيييييييييييييييييييين
*جري ثاني لين وصل فيه ... طاح ع ركبيه ويبكي ويشوف لخوه المعبي رصاصات ...
ياسين ... نوض سلم وخيي ... عارفك عايش ... نوض ... تكذب ع خوك وداير روحك ميت ...
*شاف علي الموقف ومعش قدر يشد نفسه ... مشي جري ل الياس وخانقاته العبرة ... على الياس وخوه .... قعمز بحدى الياس ... واضبطه والياس يبكي ويضرب ف علي على ظهره من شدة المه وقهره على خوه ... اللي ضاع وهوا ف عمر صغير
الياس - انا السبب ياعلي انا السبب ... خوي ضاع وانا بعيد
علي - مش انت يصحيبي مش انت ... هذا حد يومه ...
الياس - انا الغالط انا ... ااااه ياعلي محرها ... محرهااا خوك يموت قدام عينك محرهااااااااااا
علي - وحد الله ... وحد الله يلياس وحد الله
الياس - لا اله الا الله .... لا اله الا الله ....
علي - نوض نوض معاي نوض .... خلي ناخدوه ونروحوا من اهنا
*مسح دموعه الياس بكل الم ... وقام خوه بين يديه وهوا مقهوووور قهر تام ....
وحطه ف السيارة من الخلف
زهير - سامحونا ... ماكناش نعرفوا انكم صديق ... حتى السيارة اللي خنبت الذهب هربت ...عظم الله اجركم ف صاحبكم ...
الياس - وينه اللي قتله .... وينه
نسامو - انا قتلته ... توقعت انه معاهم مش معاكم .... انا اسف ...
*شده الياس من طرف الهركة تبعه من جيهة الرقبة وطلع سلح وتشتك تشك فتح التأمينة .... التبو كلهم شدو سلاح بيضربوا اشرلهم زهير ✋*
نسامو - تبي تقتلني اقتلني ... اطلق رصاصة وتاخد بحق خوك ... اقتلني
*قعد الياس يفنص وحواجب مقرونات طايرتله وحط فوهة المسدس على راس نسامو ..... وبيرص الزر تبع الاطلاق وعلي يترقب بصمت وقاله - لياس ... صحيبي ... مش من عادتنا نقتلوا حد ...
والياس مايسمعش فيه شن ايقول ... وبعدين ... دف نسامو لبعيد ورد سلاحه وراء ظهره وركب سيارته بدون ادنى كلمة ... عزوه جماعته كلهم والكل ركبوا ف سيارات وخدي علي فرج معاه ... ف سيارة ...
علي - خلي نسوق انا لياس
الياس - بتركب والا نمشي ...
علي - اوك اوك ...
ساق الياس ووراه سيارة وحيد
والتزموا الصمت لمدة ساعتين وقطع فرج الصمت
فرج - تعبوني ... سبوعين وهما مروجيني ... ف جرة هالذهب الاحرف ... قاتلين شيباني قبلي لانه ماقاللهمش على المكان ... والله خفت ع روحي ...
علي - به شن قصته الذهب
فرج - زمان ايام معمر ... بعثنا التروتي بش طمرنا سبايك ذهب ف الصحراء ... انا و زوز تانيين ...
علي - شدوهم والا شن صار فيهم الزوز التانيين
فرج - ايه .. خفت يصيرلي زيه ... قالي خطفوه ووقت مااعترفش قتلوه و لوحوه ف الجزيرة
واحد اسمه صلاح والثاني معش نذكره ... سبيزة تقريبآ
شد الياس فرينو قوي لين علي قريب خش ف المرش ووحيد اللي وراه قريب انضرب ف سيارة الياس وفي اخر لحظة خدي يمين ودرس ...
تلفت الياس لفرج وقاله - سبيزة ؟
فرج -ايه سبيزة ... تعرفه ؟
*عرف علي ان السبيزة هوا لقب الياس .... وتلفتله ع طول
ضرب يده تلاتة اربعة مرات الياس وعرف ان اللي قتل بوه هوا نفسه اللي ضيعله خوه وجره ف جراير مش ليه ....
سكر قبضة يده وقال - وديني ... وديني ياطلياني مانبدى قاتلك الا بيديا ... حطيح حطيح ... طال الزمان ام قصر ...