الحلقة الثالتة الجزء التالت
شاف الياس لشاشة العرض وحس بشئ غريب وقف مكالمة اللفعة وقعد يشوف لشاشة الى ان بانله شخص راقد وراء براميل القمامة ...
الياس - مصعب .... يامصعب
مصعب - نعم نعم
الياس - تره اطلع للباب الخلفي وشوف شن قصة الراجل اللي راقد هذا ... تلقاه ورا البراميل
مصعب - باهي هي ....
*رص البطمة تاني واستأنف مكالمة اللفعة ... الرايج يبي يهد عليك ... وكلمني وعطيته مكان وهمي ... بش تعرف بس اهو مارخيتش بيك .. دورني ياراس ...
الياس - مصح وجهه الرايج الكلب ... انت بتهد عليا ياسكرجي يامعفن ... وين رقم الافينو .. وينه ...
*خدي المذكرة من الدرج وبدي يدور في رقم الافينو الى ان لقاه *
{خلي نقوله على عملته وقت خطفله بنته .... وخليهم يلهوا ف بعضهم فخار يكسر بعضه }
الياس - ايوه نعم
الافينو - نعم من معاي
الياس - الذيب ...
الافينو - تي من الذيب ... اه .. عرفتك عرفتك.. اسمع مش فاضي انا ...
الياس بكل ثقة - فاضي مش فاضي بتسمعلي
الافينو - تي كيف تكلمني بطريقة هادي ! من اتكون انتا راك خاش عالكار جديد
الياس - هدي نبرة صوتك وبلاش تلعليع
الافينو - مانيش سامعك ... غير نفضالك بس اندور مقرك ونمسحه مرة واحدة
الياس - اوكي خلاص ديرها ... هه وبهكي مش حتعرف من اللي خكف بنتك وحاول يقتلها ... والا ماتهمكش بنتك
الافينو - اه ... شنو ... منو قول ... والنبي قول سولتك بالله
الياس - شنو قبل شوية كنت اتلعلع و اتقولي مش فاضي ...
الافينو - بالله عليك قول ... نجيك وين ماانت ... خلينا نتلاقو
الياس - لا مش فاضي
الافينو - ماديرش فيا هكي ياذيب ماتخلينيش نتغوط خليني نتلاقوا
نفث الياس دخانه وقاله - به به ... تعال ف مكتبي ...
الافينو - تعال انت
الياس - الملزوم يتعب
الافينو - وكانه كمين
الياس - ابدا ... تقدر تجيب قوتك معاك
الافينو - اوكي اوكي عشرة دقايق وانكون عندك .... ومافيناش غدر اه ...
الياس - عيب التريس ماتغدرش
الافينو - اوك جايك
*سكر الياس الخط وخش عليه مصعب - اللي راقد ف البوابة الخلفية ماعنداش وين يرقد ... يحكيلي ف ظروفه قتله اتسهل ف حالك مش ناقصني صداع عالصبح ...
الياس - برا ناديه فيسع ..
مصعب - شن تبي فيه ياراجل
الياس - تي برا
مصعب - هي هي ....
{انوريك شن شكله الهدان ياكلب يارايج .... مصح وجهه فعلا ... }
مصعب - اهواه يافندي
الياس - قعمز ...
شاب - خليني نمشي فحالي مش قصدي اني نرقد اهنا ... انا غلبان
الياس - به قعمز .... واحكيلي شن قصتك
شاب - ظروفي تعبانة ... كنت اندور ف حكاك المشروب ف الكناسة حشاك ... بش نبيعهم ... البلاد هادي معش خلتنا نخدموا زي الناس ... اخ وخلاص سامحنا غير من الصقع لقيت روحي متكمكم وراقد بحدى مكتبك
الياس - به هدي بالك وقولي...كم يطلعلط من لمان حكاك المشروب
شاب - الكيسة ب دينارين ونص . ومرات انحصل ومرات لا ... انعول ف خوتي يتامى ...
الياس - شن اسمك ...وعمرك
شاب - عادل . عمري 31 عام
الياس - باهي ياعادل انا ندور على شاب بواب
مصعب - وشن حاجتنا بالبواب واح..
قاطعه الياس وقال - حتى كلمة !
رد مصعب على مضض - اوكي ..
الياس - ايه ندور ف شاب بواب و
عادل - انا راضي ..
الياس - غير اسمع المرتب
عادل - مش مهم اكيد اكثر من دينارين ونص
الياس - خلاص تمام مرتبك حيكون 600 ف الشهر
عادل - بارك الله فيك ...
فتح الدرج الياس وطلع مبلغ ومده لعتدل وقاله - وخود المبلغ هذا مبدئيا ومن غدوة داوم اهنا
عادل - بارك الله فيك وكثر الله من امثالك ... ربي يحفظك ياسي ... سلام عليكم ...
مصعب - شاب للقهوة والشاهي معاك لكن بواب والمكان معبي تريس مايجيش
الياس - هههههه القهوة والشاهي اختصاصك يابت ياعدلات
مصعب - 😒 تو ندورلي مقر ثاني نخدم فيه ... قعدنا للهزوة
الياس -برا كان حصلت من هوا اللي بيعطيك مبلغ 2500 ف الشهر.... هذا من غير كل مكان نهدوا عليه تاخد ف غنايمه ومانكلمش فيك تغمج وتاخد ماغير حساب هه
أنت تقرأ
مهمات سرية ( روايات ليبية )
Romanceعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
