مهمات سرية ( روايات ليبية )

حلقة 5🔥

مهمات سرية ...الجزء الثاني الحلقة الخامسة
وان شاء الله تنال اعجابكم 😍

طلع حسن من العيادة ومشي دعس للمقر خدي الشاشة من خزنة ضاوي وشغلها ... وضغط ع رقم 1 .... طلعله المكان بالتحديد وطلع دعس ...  ولما وصل للمكان ... طلع من سيارته ... ويتحرك ف الاتجاهات ... وكل مايتحرك ف جيهة تضعف نبض اشارة رقم 1 ولما يقرب من جيهة محددة اتزيد تضوى .... وتضوى ...وتضوى ... قام راسه قري اسم المحل ... صالة الامير لكمال الاجسام .... خش حسن ... وعلي كان  واقف عالكاسة ويكتب ف المدكرة الحسابات قام راسه ونزله ... بعدين قامه تاني بسرعة ولقي حسن
<><><>

الزيرو    - lx  ... الكابو طالع بروحه ماغير مجموعة
ال اكس - لوين ؟
الزيرو    - في شارع الطابونة لحقته وتوا خش لصالة
ال اكس - تي انت احسن واحد يازيرو ديما تجيبلي ف الخبر القنين ...  خليك غادي هاني جاي .
زيرو   - تم
<><><>

ماتوقعش علي باي شكل من الاشكال ان حسن يكون عنده في الصالة ...
وجوا فباله هلبا اسئلة ... هل شك في الياس ... هل عرف بالفرقة ؟ ... واستدرك نفسه وقال - تفضل استاذي ... بتسجل اشتراك شهري والا يومي ....
*نحى حسن نظارته وقعد يتفقد ف ارجاء الصالة بعيونه ... وعلي يدعي انه جاي كازبون مش جاي دوارة على حاجة معينة ...
حسن - الصالة هادي لمني؟

*حس علي انه مش جاي كازبون ... فاسحب الدرج بشوية وحط يده على المسدس .. وجاوبه - ليا ياخالي ... اي خدمة ..؟
حسن - لا ولا حاجة ... حبيت ندير جولة هكي يمكن نسجل فيها ... نهارك طيب ..
علي   - نهارك اطيب ياسي ...
*وبمجرد طلع حسن نحى الستار علي  وشافه ركب سيارته ... وجت العين ف العين ابتسمله حسن وغمزله وسكر باب سيارته ودعس بنزينة..  
خلى علي كل شي من ايده ومشي جري للحجرة الداخلية
علي  - رامي ... رامي وينك ... اكيدة ف تلحمام هالدعوة .... خلي نقيم كل شي ونحطه ف الريفودجو
<><><>
حسن - ها ضاوي ... ايوه تسمع فيا
ضاوي - نسمع فيك
حسن  - لقيته مكان الهنقر ...
حسن  -  شوية ونكلمك فيه سيارة ادعك فيا ... اوك تشاو .... خيره عمه هذا .....
*وضايقوا السيارات حسن في الطريق لين اجبروه يوقف ...
(منو هادو.. وشن يبو مني ... )
*فتح حسن قجر السيارة وخدي مسدس ... واستنى لين الشخص اللي في اللبوة نزل ... وانصدم انه
ال اكس  .. خو واحد من الروس
نزل حسن وحط مسدسه ف خسره ...
<><><>

* ضاوي كان مستلقي ... ومغمض عيونه .... وفجأة حس بحد يقرتب منه فتح عيونه ولقي المخدة غمتله  على وجهه والشخص اللي بيحاول يقتله ....  وضاوي يفرفش الى ان انقطع عليه النفس و هدت حركته تمامآ ...

<><><>

*اتقدم ال اكس ووراه مجموعته قريب 17 النفر ... ووقف قدام حسن
حسن - شنو امالا بديت قاطع طريق ..
ال اكس  - ههههه ..  عندي سؤال واحد بس .
حسن   - مهما كان سؤالك مايجيش تقطع طريقي بشكل هذا ... عندي مقر تعال فيه واسئل
ال اكس - ههه هههه هههههههه بش تغدر بيا مثلا ؟ زابطك يالكابو وزابط كيف اتفكر انت غدار درجة اولى
حسن    - اوكي اوكي ... شن سؤالك
ال اكس - الهنقر ... قتل البكنوني في الفندق يومها ؟ فهل انت باعته؟
حسن   - لا
ال اكس - اما بش تقنعني انه مشي من راسه ياودي لا
حسن    - مرات يدير ف مهام من راسه لحسابه الخاص ...
ال اكس - حسن شايفني عيل ونرضع ف صبعي؟
حسن   - قتلك مانندريش عليه .. يخدم لحسابه الخاص ..... يعني علاش بنبعته للفندق بش يتصنت ع الاجتماع مثلا
ال اكس - ريت كيف ... قلتها بلسانك انا ماجبتش سيرة الاجتماع بكل... على قد مكرك يالكابو على قد غبائك
حسن حس بتهديد ... فافكر انه يقتل ال اكس و يرجع لسيارته العازلة لرصاص ... وبمجرد طلع سلاحه ... عطاه سميرة رصاصة استقرت في راس حسن فتح عيونه حسن وطاح جثة هامدة ... وركبوا سياراتهم ومشوا .
الزيرو - نمشطوا سيارته
ال اكس - لا اكيدة عنده جهاز تعقب ف سيارته وانا مش خاطري نتشابك مع الضاوي لربما يعرف مكان الهنقر وايقولي .