مسلسل مهمات سرية ... الحلقة السابعة الحزء الثاني ....
نزلت مي التلفون بشوي وسكرت الخط ... ودارت روحها اتغني ... دست تلفون تحت المخدة عالكنبة ... فجاة جي جنبها اليا وقالها - يسعد مساك
مي - ومساك
الياس - غمضي عيونك
مي - غمضت 🙈
الياس - خليك مغمضة ...
مي - به
الياس - ماتشوفيش اه ... لين نقولك
مي - به ..
{يارب ان شاء الله مايعاودش مهند يااارب .... يارب استرني على الاقل لين نكلمه ونقوله ع كل شي قبل مايكشفني هالياس ... يارب }
*ناض الياس وولع الشمعة اللي باسم مي ... وحطها قدامها عالطاوة*
الياس - معش تخنسي
مي - هههه والله ماشفت
الياس - به ...
*وطلع السنسلة بجنب الشمعة ..كيف مي بتنحي يدها جاها وقالها اتلفتي انتي لا يؤتمن لكي قتلك ماتشوفيش
مي - ههه ضربني الفضول قلت بالك بيقتلني والا حاجة
الياس - وهوا اللي بيقتل ايقولك غمضي عيونك 😧 ...
مي - وين نندري انا
الياس - اصبري خليك متلفتة وغنيلي اغنية اللي كنتي تغني فيها
مي - ابدا ... صوتي مش حلو
الياس - غني
مي - لا
الياس تعصب - غني قتلك
مي - باهي باهي ... مين بيعيش اكثر من عمروه من عارف قدروه علشان ياحبيبي نضيع يوم ف البعد
ليه يازمان كان الي يشوفنا يحلف بحياتنا وان احنا لبعض ... .
جي قدامها ومسكلها يدها ودارلها لفة زي راقصات الباليه وكملها عالاغنية - ايامنا ساعات وتفوت ياام نعيش يانموت
مي - ازاي ساكتين ...
وفي هاللحظة كانت يدين الياس الزوز ع خسرها ... وهيا يد على الخسر الياس والثانية وراء رقبته ... وقعدوا يشوف لبعض ... والهبة الشمع تتلئلئ ف عيونهم ...
الياس - تعرفي فاش خاطري
مي - اه شنو
الياس - خاطري شي يوم نلقى شعرك مسرح ومش مشفشف
مي - هههههه
بعدت عليه وانتبهت لطاولة ولقتها مزينة وشمعة ب اسمها والميدالية وحلويات وشوكلاتة ...
مي - ياربااااااه كان نقولك قداش ليا كعش كليت شوكلاتة
الياس - يعني هوا هذا اللي لفت انتباهك شوكلاطة بس ؟
مي - ههههه ماهو نحبها ....
*قعمزت قبالت الطاولة وقعمز بجنبها ويشوفلها كيف فتحت التشوكليت شدلها يدهتا وخداها منها ... طرف طرف وحطهولها ف فمها .... كلاته مي ... وابتسمت لطعمها الفاخر ...
الياس - معناها عجباتك
مي - اتهببل ....اممم جبت بسبوسة
الياس - قلت اكيدة مش حتاخد بخاطري واديرها فاجبت معاي
مي - تبي الحق و
الياس - اكيد
مي - شركة القهرباء
الياس - ههههههه فوى قهرباء
مي - والله بجد لانهم قهروني ... القهرباء ماتبيش تاخد بخاطرك ... قاعدة ف الكوشة من بكري نستنى ف الضي يجي ...
الياس - حرموني منها ... لكن احسن مافيش ضي ... بش اسمك نور عليا
مي - كيف يعمي
الياس اشرلها وانتبهت اخيرا لشمعة اللي بأسمها ...
مي - اممممم حلوة ياذيب ...
الياس - عجباتك
مي - هلباااا ومضوية هكي مع هربة الضي
الياس - ستني ....
*مد يده لضاوية وسكرها وقالها - خليها هيا بس على ضوء اسمك ...
مي - الله الله الذيب طلع شاعري😏
الياس - وعلاش لا يامريشة ...
مي - هههه به به ماتلهينيش بالمواضيع يلا قدملي تفسيرات
الياس مسكلها خصلات شعرها زي العادة وقالها - شن تحبي تعرفي
مي - من انت
الياس - انا انت
مي - هههه بجد نحكي
*خدي الياس قطعة بسبوسة ... ولف دراعه على كتافها وحطلها البسبوسة ع شفافها ونتشتها ونتش الباقي وقالها - محلاها البسبوسة ... بحلى شفايفك
مي - عندك علم انك محتال الياس
الياس - وعلاش
مي - مراوغ بشكل كبير
الياس - ماه سئلتيني سؤال تعرفي اجابته انا الياس
مي - عرفني بنفسك انا مانعرفكش ... مانعرفش حتى عمرك اصلك فصلك مانعرف هليك شي
الياس - عمري 32
مي - شيباني غبارة فشكارة
الياس - 😑
مي - بطولت عمرك ...
الياس - سلمك طرابلسي الاصل ...
مي -بالجودة ... مجرم او لا
الياس - لا
مي - واالي سمعته يومها
الياس - تمويه ...
مي - كيف
الياس - نشتغل معاهم ويحاسبوني نشتغل معاهم بقناعة بينما انا لغرض فبالي
مي - باهي انت تتبع فرقة الانقاذ الياس او لا
*نفخ الياس الشمعة وقتله مي - لالا نخاف من الظلام ولع حاجة ...
الياس وين مشيت ... الياس بلاش برادة والله نخاف .... من الظلام
وفجاة حست بحضن يعتصرها اعتصار تام قبضات محكمة الاغلاق تنهدت مي وثتله - لا هالمرة لا ... بصدق نبي اجوبة ... مانبيش هكي ف كل مرة
الياس حطلها صبعين ع شفايفها وقالها - اشششش .... انا لما نكون معاك نضعف مش عارف شن يصيرلي ...
مي - الياس ....
الياس - اوكي اوكي شن تحبي تعرفي ....
مي - انت نع الفرقة والا لا
الياس - اوعديني ان كل اللي حنقوله حيكون سر بيني وبينك
مي - وعد ...
الياس - ايه مع الفرقة ...
مي - يعني انت تنقذ ف الناس
الياس - ايه
مي - ههههههه انت هههه مش متخيلة ههههههه وووك بطني من الضحك ...
الياس - 😒
مي - اسفة اسفة ماتعصبش ... بس مش قادرة نستوعب ... باهي بما انك متع فرقة علاش درتلي هكي وشنطة شن فيها
الياس - انتي بتقعدي سؤال وراء سؤال ... عرفتي اني مش مجرم والاه
مي - ايه
الياس - اذآ هذا اللي يهمك اي تفاصيل تانية مافيش داعي منها ...
سرحت مي شوي ...
{معقولة طلع مش مجرم وانا طول الوقت كنت حاطاته فبالي انه مايصلحش .. }
* فتح الضواية الياس قطع سرحتها وطلع مشط من الكيسة ... وفتحلها توكتها وبيسرحلها شعرها *
مي - لهدرجة شعري معقدك
الياس - ههههه قلتلك خاطري نشوفه مسرح .... يلا تلفتي ... حنديرهولك حاجة قنينة
مي - ههههه حسستني انك كوافير
الياس - لا بس ....
*اذكر الياس شى من ماضيه
¤خيرك تبكي
¤نلعب مع بنات جيرانة يضحكوا عليا على خاطر شعري مشفشف وقالولي مانبوش نلعبوا معاك يامشفشفة
¤به وين امي اديرهولك
¤ ماما مريضة وراقدة
¤به هاتي نديرهولك
¤انت ماتعرفش الياس حيضحكوا عليا تاني
¤غير اصبري تو نديرهولك حاجة قنينة وتولي احلى بنوتة
أنت تقرأ
مهمات سرية ( روايات ليبية )
Romanceعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
