مهمات سرية .... الحزء الثاني الحلقة التاسعة ..
لبسه الياس ... وطلع طبق للمقر ... ولما وصل فتحله مصعب وخش ... قعمز ... ويستنى ف اللفعة ... لاحظ ان درج المكتب مش مسكر كويس ... فبيسكره حسه عالق اطر يفتحه بش يسرحه ... وانتبه ان فيه سي دي مكتوب عليه خصوصي للهنقر ....
استغرب منه ... ناض للخزنة وبربش يدور ف لاب توب رامي ... طلعه وقعمز بيشوف شن محتوى السي دي ... وبمجرد حطه اشتغل طول ...
وانفتحوا عيونه عالاخير من شدة الدهشة ... وشبك يديه فبعض وسندهم عالطاولة وابتسم ابتسامة ماكرة .... على خشت مصعب جابله القهوة وقعمز .. سكر الاب توب الياس وقاله - شن فيه جديد
مصعب - شي مكسدة للوح ... شني مافيش خطفات حاجات ...
الياس - لا .
مصعب - اححح باهي ... سمعت ب عصابة البوني جايبيين صفقة كبيرة
لياس - تبع شنو
مصعب - تقريبا فلوس مزروات
الياس - ماعرفتش المكان
مصعب - لالا هكي سمعت طراطيش كلام من ولد صحيبي يخدم عنده
الياس - اعرفلي منه مكان تسليم والاستلام وكل شي ..
مصعب - زقطي عارفه مش حيقول
الياس - اجعنه ماقال وين يسكن
مصعب - شارع الوشواشة بحدى محل الروايح
الياس - وليد .... وليييد
خش وليد - ايوه نعم ...
الياس - تمشي لشارع الوشواشة .... بحدى محل الروايح ... هات صورة يامصعب
مصعب - تي شن تبيني نغدر بصاحبي
الياس - هات
مصعب - لالا اخطاني
الياس - هات قتلك ! الكلام مرة ياحيوان
مصعب - اوكي اوكي .... افتح بلوتوتك وليد ...
الياس - تعرف تبعتله صورة خوه ويطلع مش هوا انهارك اكحل ... راسك ينفصل ع جثك اليوم
مصعب - تي خيرنا ياهنقر بنبعتها الصورة متعه هاه وصلاته ...
الياس - تتمسمر غادي ياوليد لين يطلع صاحب الصورة ولحقه .... شوفه وين يمشي كان عرفت المكان يشبه المقر ديرلي الو
وليد - تم
الياس - و كان طلعوا هلبا سيارات من المقر لحقه وخليك ع اتصال معاي ... يكشفك نهارك اللي ادور فيه
وليد - كون هاني .... سلام
مصعب - ندمت اني حكيتلك
الياس - لا باهي اللي حكيتلي ... ناقصنا فلوس مزورة حق
مصعب - تي دخلنا احنا
الياس - دخلنا ونص ...
وعلى خشت اللفعة يحك ف خشمه كالعادة ....
الياس - تنسم يامصعب وسكر الباب وراك
مصعب - اوكي
اللفعة - صبااااالخييييير
الياس - الله لا ايصبحك بالخيييييير
اللفعة - له له له ماحبيتهاش منك ياهنقر
الياس - حب والا اكره ... انطمر ... اخر شي كنت نتوقعه اني نوافق اني نقابلك
اللفعة - مصلحة يحبيبي مش حب فيا ... نحلف عليك كلامي متع امس مخولك عقلك... حتى النوم مارقدت
الياس - اكيدة شغلنا كله يعتمد عالمصالح يالفعة 😉 وقبل كل شي ... ماتفكرش تغدر بيا ...لو جايب معاك سلاح وهكي... عارف انت يعني
اللفعة - هههههاااي اطمن مصلحة فيك مانقدرش نغدر بيك ... بالك بعد اتم مصلحتي
الياس - هههههههه مش متخيل اني نموت برصاصة من مسدسك .... عموما هات ماعندك ... مش ناقص نقاشاتك ...
اللفعة - اححح😧 فيه من واكلني في مليار
الياس - منين ليك المليار 😳
اللفعة - مش مهم ... المهم اني نبي نردهم ... كان مشيت انت ورديتهملي انقولك من خطفك ...
الياس - وكيف عرفت اني كنت مخطوف
اللفعة - عيب ياقدر 😉 كل الدوة عندي ...
الياس - كيف !
اللفعة - يوم اللي جيت للفندق وشفتك عرفتك باعتك الكابو ...مع هذا سكتت قلت نلقاه الهنقر ف يوم تاني كمصلحة طبعا .... المهم الضابط اللي كان جاي وجايب ورقة مهمة يتهافتوا عليها و انقتل ... فيه شخص شك فيك انك انت و خطفك ... لانه يبي قائمة الاسامي
(اللي خطفني توقعته يبي يعرف شن صار من دوة بين الاشخاص الموجودين مانحسابش ع ورقة )
الياس - شن محتواها الورقة
اللفعة - مانيش عارف ... حاجة مهمة ويتهافتوا عليها واللي خداها مايبيش حد يعرف بيها .... ها شنو موافق تمشي بش نقولك ع اسمه ...
(باهي بدل مانوافق ماه نمشي للمقر اللي خطفني ... علي يعرف الطريق .... لكن اكيد غير مكانه بعد ماانكشف وعرف اني هربت )
الياس - اوك ... تمام ... قولي الاسم
اللفعة - كان بنقولك اسم قبل مااديرلي المهمة بالك تغدر بيا
الياس - وكان بنديرلك المهمة من غير اسم في الاكيد بتغدر بيا ...
اللفعة - به نقولك ياهنقري ... خلينا نتعاملو بيتيقا
الياس - ههههه تيقا صار
اللفعة - ايه
الياس - ماتنفعش فيك التيقا انت ... ومني انا مش حنغدر بيك ... قولي الاسم وموضعك تو انتمه كلمة مني .
حط رجل ع رجل اللفعة وقاله - به ... حنوتق فيك ياهنقر .... اسم الشخص اللي خطفك ال اكس ... كان ف مقر ف شارع الشفوش ....
الياس - وتوا
اللفعة - غير مكانه ... ف مكان كدا ...
الياس - به تعرف اتحذره نهارك اكحل
اللفعة - مصالحنا مشتركة يحبيبي نحتاجك اطمن مش حنغدر بيك .. لكن ف المقابل ماتغدرش بيا ... تستهينش بالفعة ...
الياس - اتنسم بلاش دوة فاضية ... وتو نكلمك على موضوعك ف اقرب وقت ممكن
اللفعة - تمينا .... تشاواتوو
*طلع اللفعة ورن نقال الياس
الياس - ايوه نعم
وليد - اهو كيف طلع ...
الياس - به خليك وراه ... سلام
(زعما شن ادير مي .... وجعتني لما تحكي ع ايامها تبع زمان .... لازم نعوضها عاللي ماعشاتاش ... برغم تبعد فيا عنها ديما ... بس من حقها هيا ماتحبنيش ... وكذلك انا مافيش ناحيته مشاعر الحب .... لكن .. لكن فيه شئ بداخلي يجذب فيها ليها ... نضعف قدامها برغم انها مكنسة حرشة .... )
<><><><>
أنت تقرأ
مهمات سرية ( روايات ليبية )
Romanceعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
