مهمات سرية الحلقة الرابعة الجزء الثالث ....
متابعة ممتعة 😘
طلعت عيشة من فم الباب وقتله - ها لياس
الياس - تلفونك يشرين
عيشة - منو
شاف لشاشة الاتصال وقالها - رقم غريب
عيشة - ماعرفتاش لمنو رد رد مدامه رقم غريب
سكرت عيونها مي وطحنت سنونها ف بعض ... وجبهتها اتعرقت برغم الجو بارد ... شاف الياس ل مي العين بالعين نظرة شك و رد -
الو
لحظات صمت ومازال الياس يشوف ل مي ... وجاه صوت الطرف الاخر - ايوه
الياس - ها مني
مهند - ايوه محمد شن الجو ...
الياس - غالط ياخوي ...
*ومع كلمة غالط ياخوي وضح على مي علامات الارتياح بعض الشئ و حاولت بقدر الامكان انه مايبانش عليها هالكم الهائل من الارتياح*
مهند - ماشي الحال ... سامحنا ياسي
الياس - ولا ايهمك ... سلام
(فيه ان .... مي ولى وجها احمر ... في خلال مانتكلم مع الرقم الغالط ... وعلامات الارتباك معبية وجهها وارتياحها بعد كلمة غالط يأكد صحة كلامي ... لالا ماتشكش يالياس ربما توترت من سؤالي ليها ... لكنه سؤال عادي ... ماتشكش يالياس وسكر الموضوع عارف روحك لما اتشك اتولي اخييييه عليك جحيم اسود وبينفتح عليها ... فوت الموضوع البنت مش ناقصة ونزيد نغبرها عليها ... )
<><><>
رامي - اهلين ابتسام ...
ابتسام - رامي ارجوك معش تتصل بيا .....
رامي - ههه عارفك اتبصري ... اسمعي ... غدوة بإذن الله بنجيك نخطبك من بوك .... سامخيني مش زي عاداات الناس نجيب امي وهكي ... زي ماتعرفي انا ماعندي حد في هالدنيا الا ربي... وعائلتي هيا انتي ... انتي امي انتي بوي انتي اختي وحبيبتي وحتصيؤي خطيبتي و زو...
ابتسام - رجاء ماتكملش .... انا وانت مش لبعض ...
رامي - لا لبعض ... الو ... الو
ابتسام - حقا رامي
رامي - نعم
ابتسام - تتذكر الصورة اللي صورتهالي في الجامعة المدة اللي فاتت
رامي - اما صورة
ابتسام - صورة تحت لشجرة ف مكانا ... قدام كلية العلوم
رامي - ايه خيرها ....
ابستام - لمن عطيتها رامي
رامي - ماعطيتها لحد ... خيرك ابتسام ... معقولة بنعطي صورتك
ابتسام - شن نوع لاب متعك
(حيه عليا ... شكت فيا الباين)
رامي - لونوفو ... علاش شن فيه ... هوا صح نقالي طاح مني المدة اللي فاتت
ابتسام - فيه صورتي
رامي - ياودي لا ماعتقدش ... خيرك تبكي ابتسام
ابتسام - لا اكيد فيه صورتي ... انا مش عارفة كيف خليتك تاخدلي صورة بنقالك .... بسببك خسرت هلبا حاجات في حياتي
رامي - هدي بالك سومتي ... هيا صورة وكان فيه حد بينشرها راهو نشرها من زمان
ابتسام - كله منك الله لا يسامحك يارامي ......
رامي - المهم غدوة جاي بنخطبك وخلاص ماتعكريناش مزاجنا توا على خاطر صورة ...
ابتسام - لا ماتجيش
رامي - تي علاش
{بما انه يبيني وبما ان اللي صارلي كله من تحت الصورة اللي خلاها في نقاله ينبغس عليا انوافق وحتى بعدين يطلقني مش مشكلة المهم ماحدش يقول ماعندهاش شرف . }
رامي - الوووز
ابتسام - باهي موافقة ...
<><><>
أنت تقرأ
مهمات سرية ( روايات ليبية )
Romanceعلاقة حب تنشي في حادتة غريبة و خطيرة قصة ليبية تجمع بين التشويق و الحب و الاتارة و الغموض تعتبر من روائع الروايات الليبية للكاتبة : لوزة
