على الساعة سبع ونص نزلت ندى جلست على طاولة الاكل مع امها
ندى: اجل يمه وين ابوي
ام فهد: ابوك وصل منى ونايف للمدرسة وراح لشغلة
ندى: ليش وش عنده رايح بدري اليوم؟
ام فهد: والله يابنيتي مدري كل اللي قاله لي ان عنده شغله ضرورية يبي يخلصها عشان يقدر يرجع عالغدا
وفي هاللحظة نزل فهد متكشخ وجلس معاهم عالطاولة .. وخذاله كوب نسكافيه
ام فهد: ورا ماتاكل يافهد .. ما يسدك هذا
فهد: لا يمه ماشتهي
ام فهد: مايصير عاد لازم تاكل
فهد: والله ماشتهي يمه ... ان جعت باكل من الكافتريا الجامعة ...
( فهد 22سنة في سنة ثالث بجامعة الملك سعود .. اللي يشوف عمره يقول اخر سنة لكنه في دراسته متاخر لانه اعاد سنة بالثانوية
هذا فهد شخصية مختلفة جدا جدا مايشبه لأي احد حوله ... سواء في كلامه في تصرفاته او اي شي يخصه هو منفرد فيه ومايشبه اي احد ... لدرجة اني انا نفسي اعجبت فيه .. كما ان فهد يمتلك سحر خاص مقرون بجاذبية قلما يمتلكه غيره بكتفي بكلمة " مختلفة " وانتوا اللي بتعرفون وش معنى كلامي من خلال الاحداث .. مثل ماقلت لكم فهد له دور كبير في احداث قصتي ايظا ... وله نصيب من عنوانها ...)
اذن فهد احد شخصيات الاساسية والبارزة ... واحد العناصر المهمة اللي تقةم عليها القصة ...
فهد خلص كوبه التفت لندى ..
فهد: ندى يالله قومي
ندى : لحظة تو الناس خلني اكمل فطوري
فهد: لا تكملينه .. قومي يالله
ام فهد: خلها ياحبيبي تاكل .. تو الناس
فهد: وش تو الناس يمه .. ان ما تاخرت هي انا بتأخر والشباب ينتظروني ... ندى يالله
ندى: خلاص طيب لا تعصب
رجعت كوب نسكافيه عالطاولة بعصبية وقامت
طلع فهد وركب سيارته .. ندى لبست عبايتها ولحقته .. وهي تتحلطم ... يعني لانومي تهنيت فيه ولا حتى الفطور ...
في السيارة بعد صمت دام لمدة عشر دقائق
ندى: اقول فهد
فهد: همممممم...
ندى: متى راح تطلع اليوم من الجامعة ...
فهد: مادري على حسب ... يمكن اقعد مع اخوياي ... يمكن اطلع مبكر .. مدري
ندى: اييه ..لانك تدري ان اليوم اول يوم .. بس اخذ الجداول .. ما في محاظرات ولاشي
فهد: يعني ماراح تقعدين في الجامعة مع صديقاتك مثل العادة ؟
ندى: تصدق عاد ودي .. بس انا مانمت امس الا ثلاث الفجر .. وابي ارجع انووووم ...
فهد: كم يبيلك يعني ..؟
ندى : يعني قول ساعتين على بال مااسلم على البنات واخذ الجدول واجلس معاهم شوي
فهد: خلاص اجل لما تخلصين دقي علي في هاللحظة شهقت ندى شهقة خلت فهد يرتاع صدق...
فهد وهو معصب : عمى ان شالله خير وش فيك...؟
ندى وهي حاطة يدها على فمها: نسيت .. جوالي
فهد عقب مااسترخى شوي : مالت عليك انت وهالجوال .. ماله داعي هالشهقة عاد .. حشى كنك بتموتين
ندى بدلع : ليييييييش ... خايف علي ..؟
سكت ومارد عليها.. وناظرها بنص عين
ندى: والحين وشلون ...وشلون ادق عليك
فهد: مادري دبري عمرك
ندى بمزح: طيب عطني جوالك
أنت تقرأ
غارقات في دوامة الحب
Lãng mạnطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
