طبعا هذي الرواية باللهجة السعودية ومن اروع الروايات
و بالنسبة الي صار اكثر من مرة اقرأ بيها
واتمنى ان تعطوني رأيكم بيها واذا فهمتو هذي اللهجة وحبيتوها
رح اكمل باقي الحلقات وهي تكون وعدد حلقاتها (109)
في وقت كان قبل منتصف الليل بساعة .... رياح نهاية الربيع هبت وهزت معها الأشجار الخضرا والأزهار الملونة اللي كانت من اجمل أحياء الرياض وأرقاها .. في وحدة من البيوت اللي كانت في الظاهر تشبه القصور .. وفي وحدة من غرف الدور الثاني .... مدت يدها لدرج التسريحة .. وطلعت جميع المكياجات اللي فيه وبدت تلون وجهها على حسب ذوقها وتفننها ... كانت لها لمسات حلوة لانها كانت متابعة لمجلات الفاشن والموضة واساليب التجميل ... ظلت نص ساعة تلون وجهها وتمسح وتعيد المكياج بأشكال ثانية ...ما كان عندها مناسبة اوشي بس لانها كانت تحس بالفراغ (يعني ملل) ... وبطبيعتها الأنوثية كانت تدور وتبحث عن أشياء تبرز انوثتها وجمالها الناعم .. ونفس الوقت تمرن يدها على وضع الميك اب ... اول شخصية تبرز بهالقصة هي (اسمها ندى) (ندى هي البنت الثانية في عائلة ابو فهد عمرها 19 سنة وهالعائلة مكونة من 8 افراد ابوها وامها ولها اختين بتتعرفون عليهم من خلال القصة وايظا هذي البنت ذات شخصية رومانسية بطبيعتها وحالمة ولاتخلو طبعا من المشاغبة والمشاكسة ...) في اثناء اندماجها في خلط الالوان ورسم الشدو كانت مشغلة المسجل على اغنية (كل القصايد) وتغني بنعومة وصوتها معه .. رن جوالها اللي كان موضوع قدامها قدامها عالتسريحة ... تركت اللي بيدها وقصرت على صوت المسجل رفعته شافت الاسم وردت ندى : هلا نوف نوف : هلا والله .. كيفك ؟ ندى : تمام ... انت شخبارك ؟ نوف : كويسة تنهدت ندى بضيق ورفعت الريشة تكمل الشدو نوف: شفيك؟ ندى : .......... زهقانة.. نوف: ليش عسى ماشر ندى : ابد .. بس احس اني مخنوووقة نوف : هههههههه... اذكري الله ندى بملل : لا اله الا الله .. ليش تضحكين؟ نوف: اضحك عليك .. دايما على هالحال .. خلاص حبيبتي بكرة تبدا الدراسة .. ومعد لاقية وقت تفضين فيه... ندى : ..... اخ ... وهذا اللي مزهقني زيادة ... بكرة جامعة نوف : اما انا متحمسة .. بكرة بروح الجامعة ... والله ماصدق طبعا نعرفكم على نوف ( هي بنت خالة ندى واصغر منها بسنة يعني 18 سنة .. بما انها اقرب وحدة لندى بالسن فهم متفاهمين وعلاقتهم متينة نوف بنت منطقية جدا وعلى درجة من الذكاء وما تحب حركات الحب وهالخرابيط اللي تكون في هالسن سن المراهقة وما بعد المراهقة ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
