غارقات في دوامة الحب

البارت السادس

البارت السادس......

في صباح يوم السبت..... الساعه 7:30 كانت شوق واقفة قدام التسريحة تحط لمسات تجميل بسيطة صباحية بعد ماخلص لبس.....
طلعت ندى من الحمام بعد مالبست هي بعد......
ندى : الله الله.... اي دي الحلاوة.... تصدقين ملابسي طالعة احلى عليك
شوق : ايه عاد لاتبالغين......
ندى : ماابالغ..... والمكياج محليك بالمرة.....
بينهبلون عليك البنات.... اقري المعوذات لا يصكونك بعين
شوق : تسلم عيونك.... تحرجيني ترا
ندى : يالله ننزل..... ترا تأخرنا
شوق : يالله..... Let's go
خذوا عباياتهم...... ونزلوا..... بالصالة تحت كان أبو فهد جالس.....
ندى وشوق : صباح الخير
ابو فهد بحنيته المعتادة : هلا هلا  بناتي..... صباح النور
شوق راحت تحب راس عمها : شخبارك عمي
ابو فهد : بخير دامك بخير
ام فهد : روحوا افطروا قبل ماتطلعون
راحوا واجلسوا كلوا فطور سريع وقاموا..... وهم طالعين   نادى ابو فهد البنات......
ابو فهد : ندى.... شوق.... تعالوا شوي
ندى : سم يبه بنتاخر
ابو فهد : تعالوا خذوا المصروف
تقدموا له وعطا كل وحدة مصروفها...
ابو فهد :...... وشوق اذا بغيت شي اطلبي لا تستحين
شوق : ان شاء الله عمي ماتقصر
خذوها وطلعوا
...................
الساعه 10 في الجامعة.... شوق ونوف توهم طالعين من اول محاظرة.....
نوف : ها وش رايك في المحاظرة.....
شوق : مختلفة عن المدرسة بكثير...... فررررررق
نوف : هذا الي انا حسيت في بعد
شوق : خلينا نروح نشرب شي ترا عطشانة....
نوف : let's go
راحوا للكافتريا وجلسوا على وحدة من الطاولات
نوف بعد ماحطت شنطتها على وحدة من الكراسي : وش تبين شوق؟
شوق : ببسي
نوف : اوكي.... بخلي شنطتي عندك انتبهي لها.... ترا الحرامية كثير!!
شوق ابتسمت : اوكي لاتخافين
توجهت نوف للكافتريا...... وشوق تمت قاعدة بمكانها تراقب اللي رايح واللي جاي.....
بعد خمس دقايق رن جوال نوف..... تم يرن ويرن وشوق ماتدري ترد أو لا
في النهاية طلعت الجوال تشوف من اللي يتصل..... ولقت اسم ندى
فكرت تسوي فيها  مقلب.....
ابتسمت قبل ماترد وهي تتخيل شكلها.....
غيرت صوتها وردت بصوت مايع : الووو.....
ندى : الو هلا نوف
شوق : اي نوف؟!
ندى بتساؤل : هذا مو جوال نوف؟
شوق كاتمة ضحكتها : لا حبيبتي..... معد صار جوالها
ندة بجدة : وش قصدك؟.... سارقته؟
شوق : وانت يهمك هالشي؟
ندى عصبت : طبعا يهمني....
شوق اعصابها بدت تفلت : الجوال صار لي.... اذا انت تبغين نوف.... ترا انا مااقدر اساعدك عمري.....
ندى تنرفزت وبصوت عالي : هيييييي.!!!..... أنت لا تقولين لي حبيبتي وعمري
شوق : يوووووه عاد ترا اشغلتيني..... ماني بفاضية للمعجبين انا
ندى : صدق وقحة!!
شوق وضحكتها على وشك الانفجار : يوووووه..... تدق تاذي الناس.... وفوق هذا تشتم......
ندى فقدت اعصابها : ماتستاهلين احد يكلمك بأدب يابنت ال........
ماقدرت تكمل لأنها سمعت ضحكة عالية بالجهة الثانية..... : ههههههههههههههههههههههههههههههه
شوق : وش فيك ندى.... مادريت ان دمك حار
ندى صرخت : شوقوووووووووو ه.... هذا انت..... هين يالدبا اوريك
شوق ميته ضحك : ههههههههههههههه
ندى : وينك فيه انت الحين؟!
شوق : ههههههه.... في الكافتيريا
ندى : هين..... جايتك الحين.... سكرت....
وكملت شوق ضحكتها وكانت نوف راجعة.....
نوف : خير ليش هالضحك لحالك كنك مهبولة.....
شوق : فاتك مقلب سويته  في ندى تو
ننوف : وش سويت؟
شوق : حكت كل شي لنوف
نوف : هههههههههههه.... ندى خبلة طوول عمرها ..... خذي البيبسي
شوق : مشكوووووورة
في هاللحظة كانت ندى أشرت لها انها تسكت عشان ماتنتبه شوق جت ورا شوق وشدت أذنها......
شوق : اي!!!!
ندى : مرة ثانية لاتمثلين علي هاللعبة فاهمة
شوق ضحكت : هههههههههههه..... طيب بس بعدي عورتيني
جلست ندى عالكرسي : وانا وش جيتوا لي؟
نوف : جبنا بيبسي زايد اذا تبين
ندى : ايه اكيد ابغى
نوف : عندك محاظرة ثانية يامدى؟
ندى : لا..... وانتوا
شوق : حنا عندنا محاظرة ساعه.... من 11ل 12
نوف : من بتقعدين معه لين نخلص
ندى : بدق على خلود وابتسام.... كانوا معي اليوم بالكلاس
رفعت جوالها ودقت....
ندى : الووو.... هلا ابتسام... شخبارك..... تمام الحمدلله.... وين انتوا الحين..... اها...... خلاص لاتطلع ن منه..... انا جايتكم على ساعه 11.... اوكي...... باي.
جلسوا يسولف م لما جت ساعه 11.... وقاموا شوق ونوف لمحاظرتهم..... أما ندى راحت لصديقاتها....
..........................
عالغدا الساعة 2:30..... كانت أم فهد تبي تفتح موضوع فهد اللي مضايقها من كم يوم مع زوجها...... كان هالشي فعلا مضايقها لان انعزال فهد عنهم قلبت نفسيته فوق تحت..... حتى أنه معد صار يحب يقعد في البيت.....
كانت تبي تفتح معه الموضوع من زمان لكن  الحين بما ان البنات مو بموجودين ولسا مانزلوا..... وفهد طالع برا كالعادة....
ام فهد : اقول ابو فهد
ابو فهد : نعم
ام فهد : شف حل لولدك فهد.... مايصير كل يوم ذاب عمره عالناس ويتغدا برا..... كان ماعنده بيت...!!
ابو فهد بعد صمت للحظات... : تصدقين عاد اني قاعد افكر بالموضوع من كم يوم....
ام فهد : كاسر خاطري.... كل يوم طالع في هالظهرية بعد عمري....
ابو فهد : وانا بعد  حاس فيه
ام فهد : طيب وش الحل.... ؟!
ابو فهد : انا فكرت... ولقيت الحل... بس القرار يرجع فيه لشوق....
سمعوا حس البنات في هاللحظة جايين نازلين من الدرج.... دخلوا عليهم وسلموا... وقعدوا...
ابو فهد : ها بناتي.... شخبار الجامعه اليوم
شوق : حلوه
ابو فهد : عسى ارتحت فيها...
شوق : الحمد لله
وفي نص الغدا......
ندى : اقول يبه
ابو فهد : لبيه
ندى : اليوم... نبي نروح للسوق نشتري ملابس للجامعة لشوق....
ابو فهد بابتسامة : والمطلوب مني؟!
ندى بخبث : we need some money
ابو فهد مبتسم لشوق : وليش شوق هي الي ماتطلب..؟!
ندى وهي تناظر شوق : هاللي قالت لي اطلبي لأنها توها تستحي
شوق ضربتها بكوعها....
شوق : ترا والله عمي.... ماجبت لها طاري اي شي.... هي اللي جابت هالكلام من عندها
ابو فهد : وانا وش قلت لك الصبح؟.... ماقلت لك إذا احتجت اي شي.... تعالي انت الطلبيه مني
شوق انحرجت : كنت ناوية بس ندى سبقتني....
ابو فهد : المهم ياشوق... بعد العصر تعالي ابغاك في موضوع... ومنها تاخذين اللي تبين للسوق
شوق : ان شاء الله
**********************
في بيت ابو احمد...
دخلت نوف المطبخ اللي كانت امها جالسة فيه تشرف على الترتيبات النهائية للغدا......
نوف : يمه.....؟
ام احمد : هلا....
نوف : ليش حاطين سفرة في المجلس الرجال....
اشوف الخدامات قاعدين يودون الاكل هناك...
ام احمد : احمد عازم فهد ولد خالتك عالغدا...
نوف : غريبة !!
ام احمد : خير....!!
نوف : من زمان فهد ماتغدى عندنا... اخر مرة كانت يمكن قبل ثلاث سنين....
ام احمد : والله خبري خبرك.... احمد دخل علي اليوم وقال لي أن فهد جاي اليوم عالغدا...
هزت رأسها وتوجهت للثلاجة وطلعت لها جيك موية بارد صبت لها في كوب وراحت جلست على كرسي....
ام احمد : وليش انتي واختك مانزلوا تساعدوني!!
نوف : وش يدرسنا... وبعدين الغدا نفس كل يوم... فهد مو بغريب عشان نسوي له وليمة...
ام احمد : الا شخبار الجامعة اليوم.... ماكلمتيني عنها..
اول بتموتين تبين تروحين للجامعة..
نوف بعد مااخذت رشفة من الكأس : مدري يمه.... اول يوم مقدر اقولك رأيي.....
ام احمد : اخذتوا شي اليوم؟!
نوف : محاظرتين... دكتورة وحدة من المحاظرات تلوع الكبد...!!
ام احمد بابتسامة : وليش ماعجبتك يانسة نوف؟
نوف : مغرورة.... رافعة خشمها علينا كننا عبيد عندها مو طالباتها....
ام احمد : ههههههههههههه..... هذولي دكاترة جامعة مو بمدرسات مدرسة....
نوف : لا واللي يزيد الطين بلة انها عندنا اربع محاظرات بالأسبوع.... يعني بتلوع كبودنا منها....
ام احمد شالت الصينية السلطة ومدتها لبنتها : خذي نوف وديه لسفرة الرجال...
حطت نوف الكوب عالطاولة.... خذت الصينية وطلعت متوجهة للمجلس... قابلت احمد بوجهها....
نوف : خذ هذي السلطة...
احمد أخذها منها : مابقى شي غير هذا... ؟!
نوف : باقي الفطاير والعصير...
احمد : اوكي... قولي لأمي بسرعه... فهد ميت جوع....
نوف مسكت فمها بسرعه من الضحك : مايستحي على وجهه... طرار ويتشرط.... يجي لبيتنا ويقول سرعوا بالغدا... صدق ولد خالتك هذا مدري شلون طالع..!!
احمد وهو يشوتها بس بخفة.. وابتسامة : اقول انطمي.... وبعدين انا اللي عازمة...
نوف راحت راجعة للمطبخ وهي تضحك...
نوف ويديها على خصرها : ماماتي.... السيد فهد يقول سرعوا بالغدا...
ضحكت ام احمد : هههههههههههه.. بعد عمري جوعان..
نوف  : الا مايستحي يتطلب وهو في بيتنا..
ام احمد : نوف وش هالكلام... ولد خالتك ومثل ولدي...
رجعت تلف لبنتها وهي شايلة صينية الفطاير بعد مارتبتها : خذي ودي هذا..
خذتها وطلعت به... ولقت اخوها ينتظرها عند باب المجلس...
نوف : باقي العصير بخلي الخدامة تجيبه
خلصوا كل شي وارسلوه لسفرة الرجال...
ام احمد : نوف روحي نادي اختك سهى... قولي لها الغدا...
انصاعت نوف وتوجهت لغرفة اختها ودقت بابه اللي كان مقفل : سهى.... سهى... سهى..... هوو..... سهى وصمخ.....
سهى همهمت : نعم نوف... وش تبين؟!!...
نوف : قومي يكفي نوم.... يالله الغدا....
سهى : مابي خلوني نايمة....
نوف : ماماتي تقول صحيها...
سهى : قولي لها مشتهي... بعدين....
سكتت نوف عنها... كل شي ولا النوم عند سهى... لذا تركتها ونزلت تتغدا مع امها....
******************
في بيت ابو فهد.... بعد العصر
في غرفة ندى.... حيث كانت شوق تقلب وحدة من المجلات بتوتر...
شوق : اقول ندى وش تتوقعين عمي يبيني فيه؟!
ندى بلامبالاة : روحي له.... وتعرفين
شوق : يووووه.... يابردك يالباردة
ندى كانت تقرأ في رواية من رواياتها كالعادة : وانا وش دخلني.... يبيك انتي ولا انا!!