الساعة 6 المغرب..... كانت ندى جالسة في غرفتها.... كل ماله وشوقها يزيد لشوفة بنت عمها..... صلت المغرب ودخلت الحمام تاخذ لها شاور.... بعد نص ساعة طلعت ولبست ملابسها.... كان ودها تسشور شعرها لكن مافيها حيل... أفكارها تجيبها وتوديها وخيالاتها عن بنت عمها ماخذه وقتها كله..... في هذي اللحظات... دق جوالها على نغمة ( كل يوم في عمري)......
راحت شافت الشاشة لقت اسم نوف ابتسمت وردت...
ندى : هلا والله وغلا....
نوف : اهليييييين بالقاطعه... وش هالقطاعه يالدبا.....
ندى : هههههههه..... هلا هلا نوف.... توني شايفتك امس..... كيفك؟
نوف : الحمدلله تمام.... شخبارك انت؟!
ندى : انا الحمد لله بصحة وعافية....
نوف : وينك... من تركتك بالجامعة امس مادقيتي... خير مريضة.....
ندى : لا والله انا بصحة.... بس انشغلت شوي....
نوف : علي انا هالكلام؟.... احنا أمس ماخذين جداول يعني ماعندك دراسة ولا شي.... وش بتنشغلين فيه بالله؟!.....
ندى: انشغلت بوناستي...
نوف : باهتمام... خير وش اللي مونسك لهالدرجة.... لاتقولي فهد لاني ماراح أصدق.....
انسدحت ندى عالسرير وجلست تلعب بشعرها اللي كان رطب : لا وييييييين...... فهد اصلا انا قاطعه الأمل فية من زمان..... هو أساس النكد اللي انا فيه.....
نوف : هههههههه.... لاتبالغين.... المهم قولي وش سر هالفرح اللي طلع فجأة.....؟!
ندى : اممممممم........ بقولك مع اني دارية انك راح تتفاجئين مثل ما انا تفاجأت.....
نوف : قولي تراك حمستني....!!
ندى : طيب.... انت تعرفين ان ماعندي اعمام صح؟
نوف استغربت سؤالها : ايه ماعندك اعمام..... بس ليس هالسؤال؟!!
ندى: لأنوووووو.....
نوف باهتمام بالغ : ايوا.... كملي....
ندى تبي تطفشها: لأنوووووو.....
نوف : ايه قولي خلصيني...
ندى : طلع عندي واحد...
نوف :..............
ندى : ندى : هههههههههههه نوف وين رحتي؟!
نوف بهمس : عيدي اللي قلتيه قبل شوي....
ندى : عندي عم.... وبنت عم بعد....
نوف بانت عليها العصبية : ندى انت تمزحين معي ولا شلون.؟!!!
ندى : لا والله ماامزح..... انا توني دارية امس.... بس انه توفى قبل شهر أو أكثر شوي..... الله يرحمه.....
نوف :..................... الله يرحمه.... طيب وبنته.... وش صار عليها.....
ندى : مو بهذا سر وناستي!!!
نوف : سر وناستك؟!
ندى : امممممممم...... راح تعيش عندنا.... ابوي راح للدمام من الصبح عشان يجيبها.... كلها ساعتين ثلاثة الا وهم واصلين.... الله والله اني مشتاقة اشوفها.....
نوف : ليش هي عايشة في الدمام؟!!
ندى : ايه عند خالة أمها من توفى عمي..... بس قولي الصراحة نوف مب مفاجئة انك تكتشفين ان عندك بنت عم بعد هالعمر؟......
نوف : والله هي من ناحية انها مفاجئة فهي مفاجئة وكبيرة بعد.... بس ماقلتي لي كم عمرها؟.....
ندى : ابوي يقول انها بعمري او اصغر مني بشوي.... يعني قولي انها بسننا انا وانت....
نوف : يعني هي راح تعيش عندكم على طول...
ندى : اكيد... لأنها مسكينة مالها اهل غيرنا ولا ولي الا ابوي من بعد عمي الله يرحمه.....
نوف : الله يعينها ان شاء الله.....
ندى : اقول نوف.... غيري السالفة لانو اذا تميت اتكلم عنها.... بشقق نفسي.... مااقدر اصبر....
نوف : هههههههههههههه.... اوكي وش تبين اقولك....
ندى : وش اخبار اختك امل وحملها....
نوف تضحك : ههههههههههه.... ياحليلها....
ندى : ليش وش فيها.....؟!
نوف : جتنا امس..... لو تشوفينها بكرشتها..... تموتين عليها.... كبر بطنها عن آخر مرة شفناها فيها.....
ندى : ههههههه.... والله ودي اشوفها من زمان عنها.....
وكملوا سوالف.... وبعد ساعة الا ربع.....
نوف : اقول ندى ترا خسرتني..... لي حول الساعة وانا اكلمك....
ندى : ويعني....
نوف : يعني ضفي وجهك وخليني اسكر لاتطلع فاتورتي بالهبل..... لكن قبل ماترد عليها ندى دخلت منى فجأة الغرفة وقالت بصراخ :
منى : ندى ندى.... ابوي دق قبل شوي ويقول انهم نص ساعة ويوصلون الرياض.....
ندى بصراخ بعد : قولي والللللللللله.... نوف نوف يالله باي.... شوق جاية بالطريق.....
( وسكرت الخط حتى بدون ماتسمع كلمة مع السلامة)......
نزلت ندى ركض في الدرج وعلى طوووول للمطبخ.... طلعت الكيكة اللي شريتها من جرير وحطتها في صينية حلوة وقعتها مثلثات وقالت للخدمة تعصر عصير...... وبسرعة رجعت فوق لغرفته وغيرت ملابسها ولبست بنطلون جينز بسيط وتي شيرت اسود..... وحطت غلوس وكحل ورفعت شعرها ونزلت....
لقت امها بالصالة قاعدة تنتظر ومعها عمر الصغيرون ومتى ونايف اللي كان قاعد يناظر التلفزيون.... واستغربت يوم مالقت فهد......
هذا وين الحين.... البنت بتوصل وهو ماجا....
سألت امها : يمه وين فهد ما رجع؟......
ام فهد : انا توني واصلة قبل شوي.... ماادري... مب في غرفته هو؟
ندى : لا.... من المغرب وهو طالع....
ام فهد : روحي دقي عليه بسرعة
ابوك وبنت عمك في اي دقيقة بيوصلون الحين
ندى : ان شاء الله....
وقامت بسرعة للتليفون ودقت على رقم فهد.....
كان فهد جالس بأحد المقاهي مع احمد واثنين اسمهم عبدالله وحسين اللي تاركينهم من فترة يلعبون بلياردو.....
فهد كان جالس يسولف مع احمد لما دق جواله... رفعه وشاف رقم البيت....
فهد... هذا رقم البيت.... لحظة احمد.... ورد الووو
ندى : هلا فهد.... وينك انت الحين....
فهد : طيب مافي سلام.....
ندى : فهد تراي ماني رايقة لك قل لي وين انت الحين
فهد : انا مع احمد والشباب في مقهى.... ليش....
ندى : وش اللي ليش؟! ابوي وبنت عمي بيوصلون في اي دقيقة وانت حظرتك في المقهى....
فهد تنهد وقال : والمعنى....
ندى : شف!!... يعني ماراح تجي تستقبلها معنا
فهد : مدري بشوف....
ندى بدت تتنرفز :شلون يعني بتشوف.... اقولك بيوصلون في اي لحظة.....
فهد : اهووووو..... خلاص قلت لك بشوف.... يالله تبين شي بسكر...
ندى اللي تنرفزت حدها : لا مابي شي مع السلامة.... وسكرت الخط
رجعت ندى سماعة التليفون مكانها بعصبية..... اوف هذا مايحس.... مايقدر المسؤولية... وش اقول لامي الحين والا لأبوي.... بيزعلون اكيد.....
في هاللحظة سمعت بوري السيارة ابوها داخلة للبيت.... ماصدقت نست كل ضيقتها وركضت للباب...... فهد من سكرت ندى السماعة بوجهة سأله احمد....
احمد خييير وش صاير.....
التفت لأحمد : هذي ندى
احمد : ادري انها ندى سامعك تقول اسمها.... بس وش تبغى منك؟....
فهد : تسألني متى بجي عشان استقبل بنت عمي....
احمد مستغرب : بنت عمك؟؟!.... أي بنت عم؟!!
فهد : اوووووو وه..... اثرني ماقلت لك....
احمد : خير.... وش اللي ماقلته لي؟ وخبره فهد بالسالفة كلها....
احمد : وانت من صدقك منت رايح تتقبلها؟!!
فهد : والله ياأحمد ماني تارك وناستي عشان اروح اسلم..... إن ماسلمت عليها اليوم قدامي بكرة وبعد والايام كلها....
احمد : صدق انك بارد وماعندك دم فهد وهو ياخذ رشفة من كوب القهوة اللي قدامه : للبنت قاعده في مكانه مهي طايرة....
.........................
اما في البيت ندى كانت على نار تنتظر.... وعيونها معلقة على باب الصالة تنتظره ينفتح في اي لحظة....
ندى : يالله يالله يالله يالله.....
ام فهد : هو ندى منتي بصاحية.... البنت جايتك الحين.... اركدي....
ندى : ماقدر ياناس مااقدر.... حسوا فيني!!
بعد لحظات انفتح الباب اخيرا......
ودخل منه ابو فهد والتفت للي وراه بابتسامة وقال : ابو فهد : ادخلي حبيبتي.... البيت بيتك.......
انتظروا التكملة في البارت جديد بااااي
أنت تقرأ
غارقات في دوامة الحب
Romansaطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
