تكملة البارت السابع.....
دخلوا الصالة وراحو ناحية الدرج..... لكن نداء ابو فهد استوقفهم....
ابو فهد : وين تعالوا العشا خلاص 10 دقايق وجاهز
شوق رفعت عينها لعمها لكنها غلطت بالعنوان والتقت بعين فهد اللي كان يناظرهم بنفس الابتسامة اللي قبل شوي... نزلتها على طوول بحيا.... والاحمرار زاد عليها لدرجه انها حست بتوهج حارق في خدودها..
ياربي فيها عشا بعد.... يعني بتم مقابلته بعد اللي صار..
اووووف وش هالورطة كله منك ياندى بس انا اوريك....
قطع حبل أفكارها صوت ندى : لا يبه معلش... احنا شبعانين اليوم.... ماكلين بالسوق قبل مانرجع
ابو فهد : هز راسه بهواكم اجل
هالمرة شوق هاللي سحبت معها ندى لفوق بعد ماسمعت اذن عمها لهم
دخلوا الغرفة
شوق تتنهد : ياربي مابغينا نخلص
ندى : شفتي شلون فكيتك من هالورطة.... ادعي بسلامتي
شوق : اي الحمد لله.... ماتوقعت ان لقائي معه بيكون بذاك الشكل اللي يفشل.... واي الله يخسني...!!
ندى : لايفشل ولا شي.... انتي اللي ماخذه الأمور بصعوبة
شوق قاطعتها : لاتذكريني خلاص ابي انسى....
ندى غيرت الموضوع : هههههههههههه... ها وش اخبار الملابس.... كلها اوكي؟
شوق : اي الحمد لله مضبوطة كلها
ندى : حلو....
ومشت للكومدينة ودخلت الدفتر وصكته...
انتبهت لها شوق : الا قوليلي وش سالفة هالدفتر
ندى : الدفتر؟..... ا...
شوق بابتسامة : ومب الدفتر بس.... الصورة بعد....
ندى : اي صورة
شوق بص عين : علي انا!!!... الصورة اللي كانت معك.... كانت صورة رجال
ندى ارتبكت : وانت وش دراك انها صورة رجال
شوق : اقولك شفتها
ندى هزت راسها : امممم.... تبين تشوفينها؟
شوق بحماس : اكيد....
رجعت فتحت الدرج وطلعت الدفتر وخذت الصوره منه
ندى : خذي..... وشوفيها بنفسك
خذتها شوق وجلست تتأمل فيها..... بعد فترة من التأمل....
شوق : من هذا؟
ندى رفعت حواجبها : ماعرفتيه؟
شوق : لا.... بس كأني شفته قبل
ندى : طيب.... وش رأيك فيه؟
شوق : تقصدين شكله يعني؟
هزت ندى راسها وتمت تناظر شوق تنتظر منها جواب
شوق : مرة مرة حلو... وسيم.... خشمة حلو.... عيونه حلوة.... وحواجبة بعد.... يعني ملامحة كلها على بعضها جذابة... بس قوليلي من هذا؟
ندى : ماعرفتي للحين؟
شوق بتفكير : شفته قبل بس وين......
قاطعتها ندى : هذا أحمد
شوق نظرتها مستغربة : اي احمد؟.... ام احمد ولد خالتك... زاد شفته اليوم بس مدري ليش ماركزت عليه..
هزت ندى راسها : وفيه شي يميزة بعد....
شوق التفتت لها بحماس : وشو؟
ندى : صوته.... صوته مرة حلو... يجنن اذا غنى معد ودك انه يسكت....
شوق بلهفة : قد سمعتي يغني؟
ندى : كذا مرة.... حتى عندي شريط مسجل فيه صوته ومدخل عليه موسيقى بعد...
شوق : والله؟!...... من وين جبتيه؟.....
ندى بتردد : امممممم.... بقولك بس لا تعلمينها...
شوق مستغربة : من؟
ندى بخبث وهي تطلع لسانها : سرقته من نوف بس لاتقولي لها....
شوق فتحت عيونها عالاخر :........ياحرامية....!!
ندى بلا مبالاة : ايه قولي اللي تبين... بس اذا سمعتيه بتعرفين انه يستاهل اني اسرقة
شوق بحماس : وينه وينه.... شغليه خلينا نسمعه...
على طول قامت وراحت طلعت الشريط من الكومدينة وحطته بالمسجل وشغلته... تسللت موسيقى رومانسية لأغنية ندى تموت فيها.... بعدها بلحظات انطلق صوت كله عذوبة وأحاسيس.... :
أنت تقرأ
غارقات في دوامة الحب
Romanceطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
