غارقات في دوامة الحب

تكملة البارت العاشر

تكملة البارت العاشر....
العيال راحوا ينامون وعمر مع ام فهد توجهت لغرفة عند رجلها اللي وصل قبلها بدقايق
رفعت ندى ساعتها لقتها الساعه 12 الا خمس.... استغربت.... مها واختها للحين جالسين ماراحوا.... المشكله ان بيتهم قريب ليش مايروحون....
رشا باين عليها ماله وودها ترجع للبيت بس اختها اللي شكلها ماعندها نية...
ندى تهمس لشوق بصوت مانتبهت له مها : الحين هاللزقة هذي ورا ماتذلف لبيتهم.... الحفلة خلصت وش يقعدها... ؟
شوق بهمس : وانا وش دراني انتي ابخص بها
ندى : مها
مها : سمي
ندى : دقي على اهلك لايصيرون قلقانين عليكم الحين...
مها : لا لاتخافين.... انا قايلة لهم يمكن نتأخر
ندى التفتت لشوق اللي رفعت يدها علامه انك انت اللي تصرفي معها......
ندى : اختك رشا شكلها تعبانة بعد عمري.... فيها النوم....
مها : لا ماعليكي منها.... هي تحب تجي هنا واصرت انها تجي معي للحفلة
تنهدت ندى.... وش اللي بيفكنا من هذي الحين..... موبعيدة تسهر عندنا للفجر بعد
جربوا يمثلون عليهم أن فيهم النوم وقاموا يتثاوبون.... لكن البنت مهيب حاسة بشي... ومطنشة
ع الساعه 12:10 دخل فهد البيت رايح للصالة
فهد : احم... ياولد
على طول مها ورشا خذوا طرحهم وتغطوا بها...
ندى : ادخل فهد
فهد : السلام عليكم
الكل : وعليكم السلام
مها بصوت مايخلو من النعومة : شخبارك فهد
فهد : الحمد لله.... (وعقد حواجبة يحاول يتذكر هالصوت وطريقة الكلام )  شخبارك مها وكيف حال الوالد...؟
مها : بخير... الوالد بخير ويسلم عليك...
فهد : الله يسلمك ويسلمه...
التفت فهد لندى وشوق اللي كانوا جالسين بجهة ثانية يتكلمون ويناظر ن التلفزيون وباين عليهم انهم طفشانين من البنت.... ضحك في نفسة  حتى شوق شكلها ماحبتها....
فهد : تصبحون على خير
الكل : وانت من اهله
طلع راقي لغرفته
فكت مها الغطا وعلى طول التفتت لشوق وقال لها بنبرة تحمل قليل من الاحتقار
مها : انتي ماتتغطين عن فهد؟
انتبهوا لها كلهم... والتفتوا لبعض مستغربين من طريقتها بالكلام........
ندى ببرود : وانتي وش شفتي؟!
مها : شفتها كأنها اخته.....
شوق بدون نفس : وانا قلت لك من قبل اني مثل اخته...
مها : وانتي شلون ماتستحين؟
جت بترد شوق لكن ندى قاطعتها : وانت وش دخلك... هذا شي خاص فيها انتي مالك دخل اهتمي بامورك ولا تتدخلين في خصوصيات العالم...
مها : لا بس استغربت... وشلون تطلع له بهالشكل!!!
ندى بنبرة جافه : خلي رايك لنفسك.... مانحتاج له... ولو سمحتي مها.... انا وشوق فينا النوم ونبغى ننوم ونرتاح.... بتدقين على اهلك وتروحون لبيتكم ولانرقى ونخليكم بالصاله لحالكم.....
مها : لا خلاص بنروح للبيت.... يالله رشا لبست عبايتها ودقت على أهلها عشان يرسلون لهم السواق يجي ياخذهم.... وما مر خمس دقايق الا والبيت فاضي.... اخيرا
ندى بعد ماسكرت باب الصالة : اوووف.....
ماشفت بنت أثقل من دمها....
شوق : يالله رفعت ضغطي.... هي كل يوم تجيكم؟!
ندى : لي حوالين اسبوعين ماشفتها ولا سمعت صوتها.... وبيني وبينك ياليتها ماتجينا ابد ...
شوق : مابغت تطلع صدق لزقة.....
ندى : خلاص طنشيها وخلينا نطلع ننوم.... احس اني بطيح عليك من التعب....
شوق  بمزح : تبيني اشيلك؟
ندى : والله؟!!!... بس اخاف تتمصعين
شوق : وانت صدقت؟.... مابعد مليت من عمري انا
ضحكت ندى ومسكت يد شوق ومشوا راقين الدرج.... في نصه وقفت شوق : ندى...
التفتت لها : هلا
نزلت شوق راسها بنظره حزينة ولمعه غريبة في عيونها والم عميق : مدري وش اقولك
ابتسمت ندى بعطف.... وحطت يدها على كتفها : قولي وش عندك؟
رفعت شوق راسها ودمعه حارة تسيل بهدوء على خدها : مااعرف شلون اشكرك.... فاجأتيني بصراحة.... عمري ماتوقعت نفسي اكون غالية عند أحد لهالدرجة... ابوي وامي راحوا وتركوني.... مدري وش اقولك ياندى مدري....
رجعت نزلت راسها ودموعها تتساقط منها بهدوء... زادت ابتسامة ندى وضمتها...
ندى : بليز شوق لاتبكي... لا تزعليني...
بعدت شوق عنها ومسكت دموعها بسرعه
رجعت يديهم تتشابك وكملوا طريقهم للغرفة.....

انتظروا في بارت جديد.....