غارقات في دوامة الحب

تكملة البارت الثامن

تكملة البارت الثامن.....
ام فهد : والله ياأحمد.... اول مرة اسمعك تغني وفاجأتني بصراحة.... وين هالمواهب مدري عنها انا....
احمد : ههههههههه ..... عاد البنات ماقصروا دخلوني جو معهم.....
نوف : روووووعه روووووعه احمد..... تكفى اغنية ثانية.... وحدة ثانية....
احمد : لا خلاص انا تعبت.....
سهى : صراحة فلللله..... مو بناقصنا غير الطيران والاورغ....
نوف : ياالله عاد احمد لاتكن علينا بصوتك....
احمد يضحك على أخته الطماعه : انا معطيك وحدة من اشرطتي فيها عشر اغاني.... روحي اسمعي....
ندى في هاللحظة جمدت..... والتفت لها شوق مبتسمة بخبث.....
نوف بحسرة : يوووووووه ياأحمد..... هذاك الشريط ضاع..... مدري وين راح؟
شوق تهمس لندى بخبث : اعلمها وين الشريط؟
ندى : بذبحك.....
نوف : يعني مارح تغني....
احمد وهو قايم : مرة ثانية أن شاء الله..... يالله انا بطلع..... سلام...
أشر لهم كلهم بيده.... وطلع
قعدوا وحلفت عليهم ام احمد مايطلعون لما يتعشون .... وفعلا تعشوا وراحوا للبيت
دخلوا شوق وندى الغرفة وكل وحدة غيرت ملابسها ولبست بجامه نوم... وراحوا للسرير وانسدحوا.....
كانت شوق خلال الظلام تحس ان ندى صاحية لسا مانامت .... وتحس بها في تفكير عميق..... شوق بهدوء اشبه بالهمس : ندى....
ندى : همممم....
شوق : وش قاعدة تفكرين فيه؟!....
ندى : في ولا شي....
شوق : الا.... تفكرين...
ندى : عادي.... افكار ماقبل النوم.....
صمتت ندى للحظات...... بعدها  بدت تغني نفس الأغنية اللي غناها احمد اليوم : ينولد حبك وحبي..... واعشقك يارووووح قلبي... انتا بس طولي بالك..... كل شي بوقته حلو...... ياأحمد......
نطقت باسمه بتلحين نفس لحن الأغنية..... ابتسمت شوق...... ياحليلك ياندى..... كانت منسدحة علي يسارها ومعطية ندى قفاها.... وندى منسدحة على ظهرها وعيونها مرتكزة عالسقف خلال الظلام....
كانت تفكر..... تفكر باللي صار اليوم في بيت خالتها.... والنظرات اللي اسرتها من عيون أحمد وهو يغني.... حست في نظراته عمق غريب.... وصوته بدا لها احلى بمليون مرة من المرات اللي سمعت له فيها.....
خافت للحظات انه هالشعور من النظرات يكون من اوهامها ولا له أي صله بالواقع..... لكنها تذكرت سعادتها اللي اول مرة تحس فيها وهو يناظرها بذيك النظرات اللي ذوبتها بمكانها....
تمت في تلك اللحظات تتمنى هالثواني تدوم وتدوووم وتدوم وتروي عيونها وقلبها من نظراتها وكل شي فيه.....
ابتسمت.... وصاحبت هالابتسامة دمعه خفية سالت بهدوء لما بللت المخدة برفق.... حست برطوبتها رفعت يدها ومسحتها..... ليش هالدمعه الحين.... هل هو فرح.... ولا خوف.... ولا..... مالقت كلمة ثالثة تعبر فيها عن اللي داخل قلبها..... يمكن تكون وحدة من الثنتين.... فرح او خوف....
يا ترا.... فيه تعبير ثالث  ممكن يعبر عن هالدمعه..... اخ.... احبك ياأحمد.... ليتني اقدر اقولها لك.... وارتاح من خوفي اللي بقلبي....
تذكرت فجأة البيت الي غنى فية
( واوعدك كلمة احبك.... منها مايمل قلبك.... انتا بس طولي بالك ).... اوكي ياأحمد.... انا رح أطول بالي واشوف.... تصبح على خير حبيبي....
غمضت عيونها بهدوء لما نامت بسلام....

انتظروا في بارت جديد.......