غارقات في دوامة الحب

البارت العاشر

البارت العاشر...........
فهد : ههههههههههههههه.... والله؟
لا عاد مو لهالدرجة...... خلاص بدون زعل....... بعدين أقولك متى....... هههههههههههههه....... اه ياقلبي..... معد يتحمل اكثر.....
شوق كانت تتسمع.... وعلامات الاستغراب على وجهها.... في احد يكلم بالتلفون بهالوقت...... ومن قاعد يكلم بهالطريقة!!!!
حست نوبة الكحة بترجع.... حطت يدها على فمها لاتطلع  وراحت ركض نازلة للمطبخ..... طلعت لها مويه باردة من الثلاجة وشربتها..... خذتلها كأس ثاني فيما لو رجعت الكحة لها وهي نايمة......
طلعت من المطبخ ورجعت راقية فوق......
فهد : يابعد عمري..... خلاص حبيبتي شذى مابقى على الأذان الفجر الا ثلث ساعه......
اخليك تنومين......
باي حبي....
سكر وقفل جواله..... حط يده ورا راسه وجلس يفكر..... قطع عليه تفكيره صوت صادر من برا الغرفه.... استغرب وجود احد صاحي بهالوقت...... رجع الصوت يتكرر.... صوت كحات متتالية.... قام يشوف مصدر هالصوت..... فتح الباب..... لف وجهة يمين وشمال..... انتبه لها بين الظلام متسنده عالجدار وتكح باستمرار... وواقفه على الباب غرفة ندى.... مشى لها بهدوء.......
فهد : شوق.... وش فيك؟
اهتز الكأس في يدها..... رفعت راسها له لكن بسرعه نزلته......
فهد : في شي يعورك؟
ردت عليه بصوت مبحوح واشبه بالهمس : مافيني شي
فهد : متاكدة
هزت راسها علامة الايجاب.... وقالت له : تصبح على خير..... ودخلت الغرفة وسكرت الباب....
هز كتوفه بلا اهتمام ومشى لغرفته.... رجع ينسدح عالسرير.... سكر النور وغط بسابع نومه
.................................
في اليوم الثاني.....
كانت ندى جالسة في بلكونتها على وحدة من الكراسي الموجودة ومتسندة على ظهرها باسترخاء وممدة رجولها عالطاولة قدامها.....
تتصفح وحدة من المجلات.... انتبهت لاصوات مجموعه رجال من الحوش.... قامت تطل تستطلع الأمر..... التفتت بسرعه لشوق اللي كانت داخل الغرفة تناديها.....
ندى : شوق شوق..... تعالي شوفي من البلكون...... طلعت شوق لها : وش اشوف؟
ندى : شوفي غرفتك وصلت......
شوق : والله؟
جت تركض....
شوق : الله مرة حلوة...
ضربتها ندى على كتفها....
ندى : اي حلوة انت بعد....... كلها خشب مفكك مابعد ركبوها......
ردت لها شوق الضربة : وانت وش دخلك غرفتي واعجبتني.....
ندى : الله يكملنا على عقولنا
شوق : انطمي
وراحت عنها طالعة من الغرفة....
ندى : تعالي وين؟..... العمال راقين فوق.....
شوق باستهبال : بستقبلهم.... واعلمهم وشلون يرتبونها وينظمونها....
ندى : يالخبلة..... قولي لفهد وفهد يعلمهم.....
وقفت شوق في مكانها..... رجعت تركض لندى....
شوق : اذا فهد هو اللي بيشرف عليهم.... قولي له انت وشلون ترتيب الغرفة بيكون.... علمتك من قبل......
ندى : وانت ليش بتخافين من فهد لهدرجة.... شايفته بعبع بياكلك....
شوق : لا بس دايما احاول اتجنب المواقف البايخة معه..
ندى : وانت متى اخر مرة شفتيه عشان تصير لك هالمواقف اللي تحكين عنها..... ياتشوفينه ياعالغدا ياعالعشا...
شوق باندفاع : ايه وآخرها امس بالليل
ندى فتحت عيونها على آخرهم : وش صار امس بالليل...؟!
شوق : شوي شوي على عيونك لاتتفتق.....
ندى : قولي لي وش صار
شوق : طيب طيب بقول..... امس جتني نوبة كحة غريبة..... جيت بشرب من الموية اللي بالغرفة لقيتها مخلصة.... نزلت تحت بشرب.... شربت وخذيت كأس زيادة.... وانا راقيه فوق  رجعتي النوبة الكحة... ومن شدتها دموعي صارت بعيوني... ومعد صرت اشوف طريقي..... وبغيت اطيح فتسندت على الجدار والظاهر ان كل هالازعاج نبه اخوك.... طلع من الغرفة وجاني... وسألني اذا فيني شي او لا.... قلتله لا ودخلت الغرفة
ندى : مالت عليكي.... الحين هذا موقف محرج
شوق : ايه بالنسبة لي موقف محرج... والا واحد يطلعلي بآخر الليل... ويشوف حالتي اللي كنت عليها لا وببجامة النوم بعد... محرج والف محرج... والحمد لله انه مادرى اني تسمعت عليه بعد......
ندى : تسمعت عليه؟!!..... وش قصدك؟
انحرجت شوق : ا...... انا ملتسمعت عليه.... هو كان صوته عالي....
ندى : والله لو درى انك متسمعه عليه ياوييييلك.... فهد مايحب هالحركات
شوق ارتاعت : يووووه ندى لاتخوفيني..... قلت لك هو كان صوته عالي
في اللحظة اندق الباب..... قامت ندى تفتح وكان الطارق فهد......
ندى : هلا فهد تبي شي؟
انتفضت شوق بمكانها..... ياربي عسى ماسمع اللي قلته...
فهد : مابيك انتي ابي شوق...
ارتجفت ومعد عرفت وش بتسوي...... ياويلي وش بقوله.... اكيد عرف....
التفتت ندى لها : شوق.... فهد يبغاك....
شوق مازالت داخل البلكون.... قامت تسوي حركات بيدها يعني صرفيه... مابي اكلمه....
ندى لفهد : اذا بخصوص الغرفة انا بعلمك وشلون تبغاها....
فهد رفع حاجب : وليش هاللي ماتجي تقول؟!.... ودخل للغرفة وقف عند الباب....
فهد : شوق... تعالي ابغاك....
ندى : فهد انا اعرف وشلون هي تبغاها.....
رفع يده لها عشان تسكت... : شوق تعالي معي....
شوق بارتباك : بس... ندى تع....
فهد هو راسه بعناد : قومي انتي معي...
قامت وراسها للارض ويديها مضمومة لبعض قدامها... مشت قدامة بهدوء ولما وصلت باب الغرفة وقفت.....
شوق : والعمال وينهم...؟!
فهد : لاتخافين العمال تحت ينتظرون....
كملت مشيها لغرفته وهو وراها.... دخلت الغرفة اللي مليانه اثاث.... بعضها مفكك وبعضها مركب...
فهد : ها وشلون تبغين السرير.... والمكتب...؟!
بدت تشرح له رغبتها وهي كلها رجفة وصوتها بالكاد ينسمع.....
لما  خلصت رجعت  بسرعه للغرفة.... فتحت الباب وسكرته بقوة.... توجهت لندى اللي كانت جالسة بالبلكون تتصفح وحده من المجلات الموضه....
شوق بغضب : ندوووووه.... ليش مخليتيني اروح مع اخوك لحالي.... صدق ماتستحين على دمك!!
ندى : شوي شوي علي... انا بغيت الحقكم.... بس هو أشر لي انطق بالغرفة
شوق ويده على خصرها : ياسلام.... اخوك الظاهر يحسبني اخته الرابعه....
ندى : ايه اختة.... والا ناسية وش قال ابوي.....
شوق : وانتي ليش ما حتي بدالي؟
ندى : سمعتيني قلت له.... بس هو عيا وقال انه يبغاك انتي....
شوق : وانا رفضت.... وش صار هالاصرار؟!!
ندى : الظاهر انك نسيتي يوم قلت لك انه يعاند اللي يعانده.....
شوق : وانا ماعاندته ..... كل قصدي اني مابي اروح معه وبس...
ندى تنهدت : وانتي ليش تخلين من الحبة قبة.... عادي حبيبتي والله عادي...
شوق وهي تتنهد : الله يعينني...
بعد ساعه رجع الباب يندق من جديد.... كانت ندى في هالوقت بالحمام... وشوق بالسرير تتصفح مجلة...
قامت تفتح.... كان فهد واقف... لما شافته رجعت داخل الغرفة وخلت الباب مفتوح....
فهد : تعالي ماتبين تشوفين الغرفة....
شوق ببرود وهدوء : لا مو الحين... خلها لما تطلع ندى....
هز راسه وهو يحرك لسانه في فمه.... والتفت رايح لغرفته وهو يكلم نفسة بصوت سمعته شوق : لو ادري وش سر هالخوف......
طلعت ندى من الحمام : وراك مبلمة؟!.... خير صار شي بعد... ؟!
انتبهت شوق : لا ولا شي.... تعالي نشوف الغرفة بعد ماخلصوا ترتيبها....
ندى : والله خلصوها؟..... تعالي بسرعه...
راحت ركض ولحقتها شوق....
ندى : الله... مرة مرة مرة حلوة...
شوق : شفتي..... وانتي تقولين مو بصاير حلو.....
ندى : لا والله طلعت احلى مما توقعت.... يالله هنيئا....
شوق ضحكت  :  الله يهنيك.... يالله خلينا نبدي  ننقل غراضي ونرتبها ....
*******************
اليوم يوم الخميس.... يوم الحفلة... نوف توها طالعة من الحمام بعد ماخذت شاور.... تونا العصر باقي عالحفلة يمكن اربع ساعات.... بس هي حاولت تتجهز مبكرة.... فراحت لدولاب ملابسها تقرر وش تلبس... فتشت مابين ملابسها....... محتارة تلبس فستان ولا بنطلون ولا تنورة شيك..... كان قدامها عدة خيارات وهي محتارة.... تبي تكون حلوة بين البنات.... ولا سيما ان البنات اللي
بيحضرون كثيرين وكل وحده بتطلع شكل مميز اكيد...
كان من بين الخيارات فستان فوشي يناسب مثل هالحفلات... وبنطلون جينز روعه شاريته بمبلغ وقدره وللحين مالبستة.... وتنورة ميدي بموديل لونها اصفر هادي....
نوف : اوووووفف... اي واحد يناسب اكثر.... راحت للباب وفتحته : سهى.... سهى وينك تعالي...
كانت سهى ترقى الدرج : نعم شفيك
نوف : تعالي شوفي وش البس اليوم.... محتارة بين كذا لبس....
سهى : ماشاءالله من الحين بتلبسين.... تونا يابنت الناس...
نوف : لا ماني لابسة الحين..... بسشور شعري اول.... بس بغيت اقرر وش البس عشان ارتاح... دخلت سهى وتمت تتفرج عالملابس الموضوعة عالسرير : اممممممم.... انا اقول البسي الفوشي  احسن...
نوف : ماكنه فخم زيادة عن اللزوم.... ؟!
سهى : لا بالعكس.... ناعم وبسيط...
تقدمت نوف ومدت يدها للتنورة الصفرا : طيب هذي مو حلوة؟!
سهى : حلوة... بس الفستان انسب....
تمت نوف للحظات معفسة وجهها : اوكي.... انا من البداية مفكرة البسه بس مترددة...
سهى : حتى تكونين مميزة باللون...
هزت نوف راسها : وانت وش بتلبسين؟!.... عندك شي مناسب؟!
سهى : رفعت راسها تفكر... انا؟ اممممممم...
اني بلبس تنورة الاورنج الجديدة
نوف : الله.... عاد هذيك مرة رووووعه عليك...
سهى بفخر : ادري .... يالله.... انا بعد بطلع اتحمم..... تبين شي بعد.... ؟!
نوف : نو ثانكس....
طلعت سهى لغرفتها.... ونوف لبست اي شي وبدت تسشور شعرها........
.......................................
في بيت ابو فهد.... ندى في الصالة مع فهد....
ندى : يالله عاد فهد عطيني.... محتاجتها والله
فهد : ايه طيب وش تبغين فيها...؟!
ندى : ابغاها لحفلة اليوم...
فهد عقد بين حواجبة مستغرب : وش حفلته؟!!
ندى : مااقول الا الله يخلف عليك.... حفلة اليوم ماتدري عنها؟
فهد براءة : لا وش يدريني؟!....