غارقات في دوامة الحب

البارت السابع عشر

تنهدت نجلاء بعدها قالت... : شوق.... انا حاسة ان ندى متغيرة..
شوق : متغيرة؟
نجلاء : ايه..... متغيرة عن آخر مرة شفتها فيها.... من شفتها أمس وانا حاسة انها مكتئبة ومب على بعضها.... وقتها قلت يمكن صدق صداع مثل ماقالت... لكن بعد اليوم تأكدت.... من بعد اللي شفته....
شوق : وش شفتي؟
نجلاء : هادية وساكته.... ومدري..... احسها حزينه!!!.... ندى في العادة اذا اجتمعنا حنا وبنات خالتي يكون لها صوت.... تكون ضحكتها مسموعه للكل..... بس اليوم.... مدري بصراحة وش اللي جايها...
سكتت شوق.... ماتدري وش ترد.... هي عارفة ان ندى متغيرة وهي أول وحدة عارفة هالشي.... بس المشكلة ان ندى امنتها على هالسر.... وطلبت تحفظة..... فمعقول بعد وعدها لها تخبر نجلاء؟؟!!....
بس نجلاء غير.... هذي اختها.... ويمكن تكون أقرب لها مني.... ياربي اقول لها ولا ماقول.... ظلت ساكته تفكر وشلون ترد....
هزتها نجلاء : شوق....
شوق : هلا...
نجلاء بعد ماتفحصت وجه شوق وانتبهت لنظراتها اللي تتحاشى انها تحطها بعينها...
نجلاء بهدوء : شوق... هذي اختي حبيبتي... ويهمني اعرف وش مضايقها....
تمت شوق بنفس الصمت...
نجلاء : صاير بينك وبينها شي؟
رفعت شوق عينها على طول... : لا افا عليك... لو هي زعلانه مني او شي كان ماشفتيها معي اليوم جالسة.... اصا مايهون علي زعلها....
نجلاء : طيب وش اللي مضايقها.... تكفين شوق قولي لي اذا كنت تعرفين....
شوق بعد ماتنهدت سكتت.... لكن هالمرة كانت نجلاء تنتظرها تتكلم......
شوق : مدري نجلاء اقول ولا مااقول...
نجلاء : يعني انتي تعرفين وش فيها؟
هزت شوق راسها وقالت بهمس : ايه اعرف... بس بصراحة ندى طلبت انه يكون سر مايعرف غيري...
ابتسمت نجلاء تطمنها : لا تخافين حبيبتي... ياما قالت لي أسرار عنها من قبل حتى امي ما تعرفها....
شوق كانت من جد مترددة.... يارب الهمني اقول ولا مااقول واخليها تروح تسأل اختها بنفسها....
شوق : ايه بس اخاف تعصب ندى علي
نجلاء : قلت لك شوق لاتخافين.... انا يهمني اعرف وش في ندى.... وبكون احرص منك على سرها...
شوق : طيب بقول....
نجلاء : تفضلي... اسمعك...
بدت شوق تلعب باصابعها ماتعرف من وين تبدأ.... قررت تقول الزبدة وتفتك...
شوق بهمس مايسمعه فهد : بصراحة نجلاء............... ندى تحب....!!
نجلاء قعدت ساكته فترة وبعدها قالت........ : كيف؟
قالتها بهمس عشان ماينتبه لها فهد اللي لازال يتفرج عالتلفزيون..... وبنفس الوقت قالتها من قلب...... مفاجئة من اللي تسمعه...
شوق : اللي سمعتيه.... ندى تحب وهذا اللي مضايقها....
للحين نجلاء ماستوعبت : ممكن تفسرين لي اكثر شلون؟
شوق : مشكله مدى انها اكتشفت ان حبها ينبع من طرف واحد.... يعني اللي تحبة عرفت انه مايحبها..... وهذا اللي محطمها ومضيق صدرها....
نجلاء بانت على ملامحها الخوف : لايكون متورطة مع واحد مكالمات بالتلفون....
شوق ارتعبت من هالكلام : لا لا وين..... لايروح فكرك بعيد.... ندى مب من هالنوع
حطت نجلاء يدها على قلبها بارتياح...
نجلاء : اشوى..... عبالي حبت واحد بالتلفون وبلشت به....
شوق : هووووو نجلاء لايكون تفكيرك باختك بهالشكل.... مافي ثقة فيها!!
نجلاء : لا والله.... ثقتي بندى اكبر من ثقتي بنفسي...... بس كلامك ارعبني.... يعني من وين بتحب ندى بغير التليفون؟
شوق : لا...... هالشخص قريب منكم مرة
نجلاء : قريب منا؟
شوق : مرررررررررة....
نجلاء بتفكير : من يكون؟.... مافي اح......
وسكتت كانوو مر على بالها خيال هالشخص.....
نجلاء بدون صوت.... وبتساؤل :.... احمد؟؟؟
هزت شوق راسها بصمت....
نجلاء : والله؟
شوق : والله العظيم..... ندى بنفسها اعترفت لي....
نجلاء مازالت غير مصدقة : احمد احمد ولد خالتي؟
شوق : ايه هووو..... مافي غيره...
سكتت نجلاء لفترة سرحانه.... ياحليلك ياندى.... والله وكبرتي وصرتي تحبين!! ومن حبيتي ؟.... احمد....
ابتسمت....
شوق : هاه ارتحتي الحين؟
التفتت نجلاء لشوق وهي تحس بعطف بير على اختها : ياقلبي ياوخيتي....... ومن متى وهي على هالحال؟.....
شوق تحسب : من ثلاث ايام تقريبا..... قبل ماتجين بيوم....
ظلت نجلاء تفكر..... بعدها قالت : طيب وشلون عرفت انه مايحبها..... قولي كل شي من الألف للياء؟
شوق : بقولك.... قبل ثلاث ايام دق التلفون وردت عليه ندى.... وكان احمد هو اللي متصل... قالها انه جاي بالطريق ومعه كتاب لفهد طلبه منه...
ندى طارت من الفرح يوم سمعت انه جاي... حتى كذبت عليه وقالت له ان الخدامات ناموا ونايف نايم بعد.... وفهد كان مشغول ماذكر بالضبط..... عشان كذا قالت له انها هي اللي بتجي تاخذ الغرض منه.... ندى حبت تغتنم هالفرصة...
ماقدر اوصف لك يانجلاء ملامح اختك يوم سكرت من احمد.... كانت طايرة من الفرح تقدرين تقولين من السعادة... وتلخبطت بعدها معد عرفت وش تسوي تطلع له ولا ماتطلع.... كنت انا بنفسي اشوف الحب يطل من عيونها.... في النهاية اجبرها تروح له وفعلا طلعت له..... بعد ثلث ساعه تأخرت فيها مارجعت.... استغربت وين راحت هاذي....
طلعت اشوف وينها لقيتها بالحديقة.... جالسة ومبين عليها الحزن.... ويوم سألتها وش فيها قالت لي أحمد....
نجلاء : وش فيه؟.... لايكون قالت له احبك... وهو اعترف لها انه مايحبها....
شوق : لا.... تقدرين تقولين انه اعترف لها بطريقة ثانية وهو مايدري حتى.... وهذا اللي حطمها...
نجلاء زاد استغرابها... : شلون؟.... مافهمت
شوق : صار بينهم نقاش ماذكر بالضبط وشو؟.... بش احمد من دون قصد منه قال لندى ياعمري
قطبت نجلاء اكثر : وبعدين؟
شوق : مدري قالت لي ندى انه قالها بطريقة عفوية.... ولا حس بارتباك او شي يعني الكلمة كانت برييييييييييئة ( وكملت لها السالفه وكل شي صار بينهم) .... ومن بعدها وهي على هالحال....
نجلاء : طيب يمكن صدق احمد يقصدها...
شوق : لا لا ماعتقد.... شفتيه اليوم.... حتى ولا نظره عطاها لندى او ابتسامة تبين شي...
نجلاء : اه صح... حتى انا لاحظت انه طول الوقت يسولف معي ومع امل وفهد.... يعني ماحسيت ان في شي غير طبيعي...
شوق : حتى صديقاتها امس قالوا لي انها كانت سرحانه بالمحاضرة وشاردة الذهن... ويوم رحت اشوفها بالقاع..... وسكتت
نجلاء : ايه وبعدين؟.... وش صار
شوق : كلن شكلها يكسر الخاطر بصراحة....
حتى انا نفسي خنقتني العبرة يوم شفتها.... كانت جالسة تصيح وعيونها حمرا من البكي.... اللي يشوفها بيقول انها كانت تصيح من سنه
وكانت معها صورة احمد.... خفت عليها تجلس لحالها لانو كانت وراي محاضرة... فباليالله اقنعتها ترضى ان وحدة من البنات تجلس معها
نجلاء حست بعطف كبير على اختها كانت حاسة فعلا ان ندى متضايقة من شي بس ماتوقعت انه يكون بسبب الحب.... توقعتها تكون مشكلة في الجامعه او على الاقل مع امها...
نجلاء : ياعمري ياندى....
- وش عندكم تتساسرون من سنه؟
التفتوا لفهد اللي يناظرهم بغرابة... ردت عليه نجلاء....
نجلاء : وش عليك انت؟.... رامي اذنك عندنا... ؟..... خلك في تلفزيونك احسن
توه بيرد عليها بس قاطعة تليفون نجلاء اللي دق...
طلعتو نجلاء من شنطتها.... ويوم شافت الشاشة ابتسمت وراحت طالعه من الصالة لجهة الحديقة.... شوق ضلت ساكته.... عرفت ان نجلاء تبي تكلم على راحتها... فالتفتت للتلفزيون تتفرج....