غارقات في دوامة الحب

البارت العشروون

في بيت ابو فهد مثل ماهو..... نجلاء للحين تلعب مع نايف بلاي ستيشن والبقية يسولفون... كانت نجلاء تضحك وتسولف مع نايف وتستعيد بكل نزال وسباق بينها وبينه حياتها الماضية واللي ولت قبل سنة.... شوق وندى يراقبون السباق ويشجعون ويتناقشون ويتجادلون..... بعد ساعه من المكالمة نجلاء لفهد.... دخل فهد البيت رايح للصالة....
فهد : السلام عليكم
الكل عدا نجلاء ونايف مندمجين باللعب :وعليكم السلام..
عمر من سمع صوت اخوه رفع راسه عن العابه المنثورة حوله.... ابتسم وقام يركض له....
فهد فتح له ذراعينه : اهلا.... اهلا بولي العهد من بعدي....
شاله ورماه في الهوا.... وعمر ميت من الضحك.... حطه عالارض وهو يلتقط أنفاسه
فهد : منى روحي جيبي كأس موية بارد.... ميت عطش....
قامت منى رايحة للمطبخ.... وهو راح جلس جنب امه ومد يده الصحن التمر اللي قدامها.... رجعت منى وكأس المويه في يدها....
خذه وشربه كله على جرعتين.....
ام فهد : هو فهيد..... شوي شوي منت صاحي.... تبي تموت.... البارد ماينشرب مرة وحده بهالطريقة.....
فهد وهو يحط الكأس بالصينية... : تعرفيني يمة..... ماحب اشرب الموية الا بهالطريقة...
التفت لاخته نجلاء اللي معطيته ظهرها ومستمرة باللعب....
كانت من يوم مادخل مالفت له ولا كلمته ولا عطته بال..... كأنه موب موجود....
فهد : هيه يام الشباب.....
نجلاء :..........
فهد : ياراعي البورش...؟
نجلاء :...........
فهد : يا ام عبد العزيز؟
نجلاء :............
التفت لأمه مستغربة: يمه وش فيها ذي؟....... لا تصير انصهقت وانا مدري....
ورجع التفت لها : يامرة سعود......
ونفس شي ساكته.... وفي داخلها بركان ثاير من الغيظ.... بينفجر في اي لحظة....
فهد قاصد يستفزها : اقول ياوخيتي..... ترا كبرتي على البلاي ستيشن.... وش بيقول سعود عنك إذا دري.... يافضيحتي!!!...
ماامداه يكمل الا نجلاء لافه له وفي يدها المخدة اللي كانت جنبها.... رجمتها في وجهه..... لكن هو بسرعه قدر يمسكها قبل ماتوصل له....
قعد يضحك على شكلها.... ونجلاء هبت في وجهه.... قالت بعصبية.... واصبعها موجه له : انا ماقلت لك لا اشوف وجهك قبل ماروح.... يالدب... ظل فهد بمكانه ساكن وابتسامه هادية مرسومة على وجهه..... وقال موجه كلامه لامه بس عيونه على أخته.....
فهد : يمة
ام فهد : هلا
فهد : من متى وانا دب؟ .... مادريت....
ضحكت ام فهد واللي معها ماعدا نجلاء على اسلوبه.... اللي قامت والغيظ يفور من عيونها.. شوق كانت تتابع كل حركات فهد وكل كلمة منه.... ماقدرت تبعد عينها عنه مع انها كانت تضحك معهم عاللي تشوفه منه وهو يغيظ نجلاء.... بداخلها تحس باحساس غريب ماحست به من قبل....
قامت نجلاء من مكانها وهي مليانه غيظ : هين يافهيد.... إن مادقيت على سعود الحين واخليه يجي ياخذني ماكون نجلاء....
وبسرعه راحت خذت جوالها الموضوع فوق الطاولة....
فهد بتهكم : لاتتعبين نفسك.... يمكن مايصير فاضي لك.... وبعدين تلقينه طالع ومستانس لا تخربين عليه....
نجلاء بغنج ودلع : اذا مافي لي بيفضى لمين؟..... مو مثلك انت....
دقت بسرعه... وحطت السماعه على اذنها... مادق دقتين الا ولقت رد...
سعود بلهفة : هلا.... والله وغلا...
بعيووووووني..... هلا بحبي...
ضحكت نجلاء بخجل واصبعها في فمها... وبهمس تحاول أن أحد مايسمعها : هلا حبيبي...
ابتسمت ام فهد لما لاحظت تبدل مزاج نجلاء اول ماسمعت صوت سعود.... وحست بسعاده كبييييرة تغمرها....
الله يهنيك ويوفقك ياحبيبتي....
اما من ناحية فهد فظل يناظر اختة وهي تضحك بنظرات استغراب.... البنت انقلب حالها مرة وحده في لحظة!!!... كل هذا من تأثير سعود
نجلاء : اكيد.... ولهانة..... يومين ماشفتك... بصراحه كثيرة علي...
ملت ضحكة سعود مسامع نجلاء اللي غصب عنها ضحكت معه...
سعود : وانا اكثر ياعمري.... احسها شهرين مو يومين....
نجلاء وهي تتنهد : اذا انت شهرين.... انا وش اقول....
سعود بحنية..... : حبيبتي.... في شي مضايقك؟
نجلاء وهي تناظر فهد بنظرات فيها شوي من العتاب : وانت وش يدريك ان في شي مضايقني؟
سعود : افا حبيبتي.... انا حبيبك.... اعرف حتى لو من صوت انفاسك.... انت قلبي شلون ماعرف.... ها قولي وش مضايقك؟
نجلاء ونظراتها على فهد : اخوي العلة.... فهيد
ضحك سعود.... وباستغراب : ههههههههههههه.... ابو فيصل؟
نجلاء : من غيره عله على قلبي.... ياليت تجي تاخذني وتفكني منه... ماتحمل اشوفه في وجهي لحظة وحدة....
سعود : هههههههههههههههه.... ليش ياساتر.. ؟... وش مسوي؟
نجلاء بدلع ورجاء : سعووود تكفى تعال خذني الحين.... بعدين اقولك.... ترا بنجن اذا قعدت عنده أكثر من كذا...
سعود : لا لا خلاص ولايهمك... كلش ولا حياتي... نص ساعه وانا عندك...
نجلاء : اوكي وانا انتظرك....
ماحست بفهد اللي قام من مكانه وسحب التلفون من يدها وحطة على اذنه....
فخد : لا يالحبيب... مالك حق تأخذها قبل بكره العشا.... اندر ستاند؟
سعود : مين؟.... ابو فيصل؟.... هلا والله شخبارك؟
فهد بجدية مصطنعه : لاتقعد تتمصلح شخبارك وشلونك؟.... نجلاء مهيب طالعه من هنا قبل بكره.... انت فاهم.
وقفت نجلاء في وجه اخوها ويدها على خصرها... وباستهزاء : احلف ياشيخ؟
مارد عليها وظل يسمع سعود...
سعود بابتسامة ساخرة : لا والله مافهمت... ممكن تفهمني....
فهد : كلامي واضح.... نجلاء مالها طلعه الا سيدا عالمطار......
نجلاء : لا حبيبي مو على كيفك...
سعود اللي سمع نجلاء قال : شف عاد.... انا جاي الحين اخذ زوجتي.... برضاك او بدون...
فهد : خلاص تعال...... وشوف من اللي بيفتح لك الباب؟
سعود : فهيد لاتضايق نجلاء بشي... والا ترا الرشاش معي.... اعتبر ان اليوم اخر يوم بحياتك...
فهد التفت لاخته : شفتي الحبيب وش يبي يسوي؟..... يبي يذبحني بالرشاش...
نجلاء : ياليت والله.... خله يفكني منك... سحبت التلفون من يد اخوها بالقوه : هات اشووووف
رجعت السماعه لاذنها... وقالت بدلال ذوبت قلب حبيبها : سعوووووووود....
سعود : يابعد قلب سعود... لبيه...
نجلاء باندفاع : لبا قلبك... تكفى بليز تعال خذني.... ماعليك منه.....
سعود : وانا اقدر اقول لا؟.... خلاص الحين جايك طيران.... كم نجلاء عندي انا.... همممم؟
نجلاء ضحكت بعد ماارتاح قلبها : خلاص اوكي...
سعووود : مع سلامه حبيبتي
نجلاء : مع السلامة
سكرت منه.... والتفتت لاخوها بنظرات بارده وراحت جلست جنب امها...
ندى : صدق بتروحين؟
نجلاء : اكيد.... اجل اخلي سعود بيجي عالفاضي... اكيد بروح معه...
فهد يكلم امهة: يمه بتخلين بنتك تروح... وهي بكرة بتسافر معه....
نجلاء : وانت وش عليك؟.... اسوي اللي يريحني...
ام فهد : بكيفها.... خلها تسوي اللي يريحها.... عالاقل تلقة احد يهتم فيها.... مو مثلك انت اخوها ولا كأنك اخوها.... لا انت راضي تجي تجلس معها ولا انت راضي انها تروح...
فهد : طيب وهذا انا جيت.... وش تبي بعد..
نجلاء : مابي منك شي.... تقدر ترجع تطلع اذا تبي....
ظل الوضع في جدال وحوار...
كل اللي صار من فهد كان مزح منه.... لكن الظاهر ان نجلاء ماعجبها هالمزح وزعلت من جد... فهد استغرب من اخته.... ليش هالزعل... وظل يحاول يراضيها لكن هي ماهي راضية..
نجلاء : خلاص فهد مابي اجبرك انك تقعد في البيت... اذا تبي تطلع اطلع...
فهد : نجوووووولة وش فيك؟.... ترا ماسويت شي يستاهل هالزعل....
نجلاء : ماسويت شي.... بس خلاص عاد..
فهد : شفيك نجلاء.... كنت امزح معك والله
نجلاء تبي تفتك من هالنقاش : خلاص فهد مازعلت رضيت عليك.....
فهد وهو يقرب من اخته وعيونه بعيونها : مو مبين بعيونك ياحلو....
ابتسمت نجلاء غصب عنها ودفت اخوها من صدرة.... : اووووف منك انت... مدري من طالع عليه....
فخد : هههههههه.... طالع على مين يعني.... على هالملاك اللي قدامي... نجولة....
تحركت ندى بمكانها من اللي تسمعه.... وقال خاشة عرض : بدينا بدينا... وانا ؟
فهد وهو يناظرها بطرف عينه بسخرية : وش انتي قدام هالحلو اللي جالس قدامي....
ندى تنرفزت من نبرة السخرية في كلامةة: فهيد حدك عاد.... ماسمحلك.....
فهد : تسمحين ولا ماتسمحين..... انتي ماتمثلين ولا نقطة في بحر حلاوة نجولة...
ضحكت شوق وحطت يدها على فمها....
التفتت لها ندى بحمق... : على ايش تضحكين يالحمارة... ؟؟؟
والتفتت لأمها : يممممة شفتي وقاحته...
ردت نجلاء : لا عاد يافهد الا ندى... ماسمحلك..
فهد : وش عليكم انتوا هذا رايي
نجلاء : رايك خله لك.... الا اختي عاد لا تغلط عليها...
فهد :حاظر... مادام انتي اللي طالبة... على هالخشم...
ربع ساعه ودق الجرس... كانت نجلاء بغرفتها لبست وخلصت... ونزلت بسرعه ماتبي تتأخر رجلها... نزلت بالصالة لبست العباية وطلعت بعد ماحبت راس امها...
لقت اخوها فهد واقف يكلم سعود عند الباب... وصلت عندهم...
فهد : ايه عاد يابو عبد العزيز.... وين ناوي تودي اختي...
نجلاء : وانت وش دخلك... وش هاللقافة...
فهد : خايف عليك يا وخيتي....
سعود : وش تخاف عليها منه بالله.... والا انا ماني برجال... طول وعرض ومامليت عينك...
فهد : لا والله مالي عيني ونص... بس بصراحة امي عازمتك عالعشا.... تقول مادام انك وصلت لباب البيت لازم تتعشى...
نجلاء : عن الخراط عاد.... امي ماقالت لي شي وانا نازلة...
فهد : شافتك مستانسة مابغت تخرب عليك...
سعود وهو يبتسم : والله يابو فيصل انا وعدت نجلاء.... اذا هي تبي تكنسل الطلعة ماعندي مانع.....
فهد التفت لاخته وتم يناظرها بنظرات تعمد انها تكون محرجة لها قدام زوجها....
فهد : انا مدري ليش انتي متحمسة هالقد....
سعود مهو بطاير قدامكم العمر كلة.... سوي فيه اللي تبين...
انحرجت نجلاء وتمت تشوف اخوها بنظرات صامتة بدون كلام...
اما سعود فضحك..... مد يده ومسك يد نجلاء.... والتفت لفهد ومسكه بيده الثانية من قفاه ودفه...
سعود : اقول ضف وجهك وورنا عرض كتافك ورح افتح باب المجلس....
فهد وهو يعدل ملابسة... : اذا هذا بيتي وتعاملني بهالطريقة.... اجل لو اني في بيتك وش بتسوي...؟
ضحك سعود غصب عنه... وراقب فهد لما اختفى داخل البيت....
التفت لنجلاء بابتسامة عذبة : شخبارك حبيبتي... ؟
ابتسمت نجلاء بعذوبة اكثر : تمام.... انت كيفك؟
سعود : مرتاح بشوفتك ياعمري.... ها تبينا نطلع؟
نجلاء : انا ودي بصراحة بس مدري عن امي... اخاف اكسر كلمتها....
رفع سعود يدها وباسها بكل حب : لاتخافين ان مطلعنا اليوم.... قدامنا العمر كله.... مستعد اسويلك اللي تبين....
ضحكت نجلاء بعذوبة وقالت وعيونها بعيونه : عارفة انك مارح تقصر..... ومستعد تسوي المستحيل علشاني....
خلونا من هالرومانسية الحين وادخلوا لا ياكلكم البعوض....
قال فهد هالكلمات وبسرعه رجع داخل.... لانه عارف ان تم واقف بتجيه الجزمة في وجهه...
اما الزوجين فضحكوا وتبعوه لداخل....
نجلاء تركت زوجها في المجلس وراحت تفصخ عبايتها.... وتشوف امها وش ناوية تسوي راحت لقتها بالمطبخ...
نجلاء : يمة..
ام فهد : هلا
نجلاء : الحين ليش ماقلتي لي انك ناوية تعشين سعود عندنا... ومخليتيني البس واتجهز...
ابتسمت ام فهد بحنية وقالت عيونها على شغلها اللي قدامها : كنتي متنرفزة وما حبيت انرفزك زيادة.... وبعدين انا قلت لفهد اذا رضت نجلاء انه يقعد ولامب لازم... ليش انتي مب راضية؟
نجلاء : لا عادي.... الضيقة راحت خلاصة...
مرتاحة الحين الحمد لله
رفعت الجوهرة عيونها لبنتها وقالت مبتسمة : صوت سعود بس هو اللي خلاك ترتاحين... ولا في شي ثاني...
احمر وجه نجلاء بسبب الطريقة اللي كانت تكلمها فيها امها...
نجلاء : يممممة.... وش هالكلام.... تراني استحي....
ضحكت امها : وانا صادقة.... ماقلت شي غلط صح كلامي ولا لا؟
ماردت نجلاء ومشت طالعه من المطبخ....
وأم فهد ضحكت ضحكة كلها فرح وسعاده... الله يديملك هالسعادة ياحبيبتي طول عمرك ويحفظك من العين ومن الحساد....
انضمت ام فهد لسعود وفهد بالمجلس.... وبعدها بشوي جابت نجلاء القهوة بنفسها وقدمتها..... بعد ساعتين وقبل ماينحط العشا بنص ساعه وصل ابو فهد لبيته ودخل الصالة لقا ندى وشوق ومنى جالسين يسولفون والتلفزيون مفتوح... سلم عليهم...
ابو فهد : شخبار حبيباتي؟
الكل : الحمدلله....
ابو فخد : الا كأني شايف سيارة سعود عند الباب....
ندى : الا يبة.... في المجلس مع امي وفهد ونجلاء...
هز راسة وراح ماشي للمجلس.... ودخل
ابو فهد يرحب : ياهلا ولله بابو عبد العزيز... أسفرت وانورت....
قام له سعود متقدم بابتسامة : منور بأهله عمي... تسلم... شخبارك أن شاء الله بخير... وحب راسه
ابو فهد : بخير الحمد لله.... انت شخبارك وشخبار الوالد؟
سعود : الوالد بخير ويسلم عليك تسلم ماتقصر
بعد سعود عن مكانه عشان يجلس فيه عمة.. أما هو فراح وجلس جنب نجلاء...
ابو فهد : ها مازلت معزم تاخذ بنتي وتسافر بكرة....
ضحك سعود وقال : الود ودي ياعمي اني اقعد شهر زيادة..... بس وش اسوي الظروف ماتسمح.... انت عارف طبيعة شغلي.... بس نجلاء اذا تبي تجلس اكثر على راحتها.....
والتفت لها مبتسم... : ها شرايك؟
والتفت ابو فهد لبنته بابتسامة هو بعد : ها نجلاء ودك تجلسين؟
نجلاء فهمت من كلام سعود انه يتغلى عليها... قالت : بصراحة يبه... انا حياتي انربطت بسعود.... ومحد يقدر يفكني منه غير الموت...
ضحك ابو فهدة.... كان متوقع الرفض من بنته... وسعود نفس الشي ارسل لها نظرة ذات مغزى... شوي وحطوا السفرة العشا.... تعشوا.... بعدها بنص ساعه طلع سعود راجع لبيت اهله....
****************
في اليوم الثاني.... كان صباح جميل.... الجو كان يحمل نسمة برودة غير اليوم اللي قبله... ولفحة هوا تهب بين لحظة والثانية.... في كافتيريا الجامعه بعد المحاظرة الأولى.... كانت شوق جالسة ومعها نوف ونوال كالعادة... وكان مبين عليها ملل وشوية عصبية على غير عادتها...
نوال انتبهت لوجه شوق المتغير : اووف اووف... وش في الشوق اليوم ماده بوزها شبرين ونفسها في خشمها...
تنهدت شوق بدون نفس.... كانت هيئتها تشير فعلا للملل والضيق.... يدها تحت خدها وعيونها عاللي رايح واللي جاي : مافيني شي...
نوف : شلون مافيك شي.... الا فيك شي ونص....
خشت نوال عرض : حبيبي قرب بص وبص بص...
نوف تكمل : زعلان ازعل ازعل نص نص...
نوال : لأحسن هبعد...
نوف : ابعد اه ونص...
نوال +نوف : وحتبقى انت اكيد خسران...
شوق بدت تتافف : اووووففف منكم!!!.... ترا مني بىايقة لكم الحين.... والله نفسي في خشمي....
نوال : ليش عسى ماشر.... شوق يالله عاد بلا دلع قولي وش فيك...
تنهدت شوق بملل.... واعتدلت بجلستها منتصبة ودفعت بخصلة كانت طايحة على وجهها لورا.....
التفتت لنوف : نوف تدرين مين اللي بيجون اليوم العصر؟
نوف تحمست : مين؟
شوق : مها وامها من الجيران....
ظلت نوف تناظرها لفترة بعدها ضحكت : ههههههههههههه..... بعذرك والله متنرفزة.... الله لايلومك اذا مها بتنط عليكم اليوم.....
نوال : لحظة انتي وياها وش السالفه..... وش قصة مها هذي؟
نوف ردت : هذي وحدة ماقد شفنا أثقل من دمها.... جعلك ما تشوفين مثلها بحياتك....
انسانه مغرورة... ومتكبرة وتحب المظاهر بشكل رهيب.... وماتحشم احد...
نوال : ليش هي بتجي عندكم للبيت اجل؟
شوق بضجر : ايه.... اتوقع... الا شبه متأكدة... الله يعدي هاليوم على خير...
نوف : اسمعي حبيبتي.... انسانه مثل هذي ماتستاهل انك تضيقين صدرك وتنكدين خاطرك عشانها..... ترا والله ماتستاهل...
شوق : ادري.... بس هي ماتخلي احد في حاله..
نوف : عارفة ياشوق.... حتى انا نفسي صار لي موقف معها مرتين او ثلاث.... بس نسيتها لأنها اصلا ماتستاهل احد ينزل لمستواها.... وبعدين اذا امها بتجي معها مارح تتجرأ تسوي شي او تطلع كلام... تطمني...
حست شوق بشي من الارتياح من هالكلام....
يعني مارح تحصل إساءة من مها.... اصلا البنت شكلها كارهتني من اول ماشافتني.... بس ليش؟..... مدري!!!
نوف : يالله عاد... خلونا نقوم... مابقى عالمحاظرة الا ربع ساعه.... وانسي هالبنت تراها ماتستاهل ان الواحد يفكر فيها مجرد تفكير حتى....
شالوا أغراضهم وراحوا ماشين طالعين من الكافتيريا.... وفي طلعتهم قابلوا نفس البنتين اللي شافوهم بدورة المياه قبل كم يوم (اريج ومروى).... وكانت معهم وحدة ثالثة...
نوال رافعه حواجبها : شفتي شلون يناظرون يا شوق....
شوق باستهزاء : ياي... اذوب انا من هالنظرات.... من طرف خشمهم كنا ذابحين لهم احد....
نوف : وع.... وقاحة...
شوق : طنشيهم بس.... مايستاهلون نظرتنا حتى...
مشوا جنبهم وتعدوهم بدون مايلتفتون لهم حتى.... لكن شوق سمعت كلام بينهم كان شبيه بالخمس بس قدرت تلقط كلمتين...
اقول مروى... بعض البنات شايفين حالهم ومعطين نفسهم اكبر من قدرهم....
من جد اريج... بنات معطين نفسهم اكثر من مستواهم....
ابتسمت شوق بسخرية وهي تسمع هالكلمات.... التفتت لنوال وقالت بصوت عالي عشان يسمعونها...
شوق : اقول نوال... في بعض البنات شايفين نفسهم بقووووة ويحسبووون العالم على كيف كيفها.... صح ولا انا غلطانه...؟
نوال استغربت بالبداية لكنها فهمت وهزت راسها : ايه والله بجد...... ناس فاهية.... هههههههههههههههه....
ضحكت شوق بنعومة وهي تحط يدها على فمها....
مجموعه البنات وقفت والتفتت بتعجب لشوق واللي معها.... اللي كملوا طريقهم بدون مايلتفتون لورا...
**********
مضت ساعات النهار ساعه ورا ساعه.... لما جا العصر وقاربت الشمس عالمغيب.... رقت ندى درج البيت وهي تدندن بالحأن متنوعه رايحة لغرفة نجلاء... دقت عليها الباب ودخلت... لقتها تتزين بالميك اب.....
ندى : ها نجولة خلصتي... ام فواز بالطريق...
نجلاء : دقت؟
ندى : ايه دقت وقالت إنها جاية..
نجلاء : وانت لسا بخلاقينك... ماعندك نية تنزلين...
عصبت ندى لأنها ماتحب احد يقول ميد اللي تلبسه خلاقين : هيه انتي... كم مرة قلتلك لا تقولين لي خلاقين.... انا البس احسن الملابس اللي في السوق...
ضحكت نجلاء : امزح معك ياحبيبتي والله امزح.... بس صدق الحرمة جاية وانتي للحين مالبستي...
ندى : يمدي..... كلها تنورة جينز وتي شيرت..
وغلوس وكحل.... مايبيلها.... وبعدين الحرمة مهيب مطولة..... ساعه ورايحة...
نجلاء : وشوق للحين نايمة...؟
ندى : ايه لسا مابعد قامت...
نجلاء : روحي قوميها معد الا الخير.... الساعه اربع ونص... علبال ماتجهز الا الحرمة واصلة... طلعت ندى من عند اختها وراحت لعند شوق... ودقت الباب.... بعدها دخلت وفتحت النور... ندى بصوت عالي : شووووووووووووق..
شوق تحركت تحت اللحاف :....... هممممم..
ندى بنفس الأسلوب : قوووووووووووووومي
شوق : طيب لاتصارخين.... روحي وبقوم...
ندى : منييييييييييييب...... قومي اول...
شوق : اول.... اذلفي واقوم....
ندى : شووووووووووووووق
شوق : يووووووووووووه ندى كم مرة قلت لك ماحب احد يزعق فوق راسي وانا نايمة....
ندى ماهمها : يالله قوووووووووومي الحرمة جت....
واطلعت ندى من عندها الا وهي منرفزتها لما قامت... راحت لغرفتها عشان تجهز هي بعد... مامر ربع ساعه الا ام فواز واصلة والكل كان في انتظارها... واللي كانت شوق خايفة منه صار مها بنتها جت معها بس رشا اللي ماجت... شوق وهي تهمس لندى الواقفه جنبها : ياليت رشا اللي جاية ولا انتي...
ابتسمت ندى وهمست لها : وش فيك انتي اسفهيها.... مهيب مسوية شي
قبل ماترد شوق كانت أم فواز وصلت لهم تسلم....
ام فواز : هلا والله ندى حبيبتي.... شخبارك
ندى : هلا خالتي انا بخير.... كيفك انتي؟
ام فواز : انا بصحة وعافية... من زمان عنك وليش ماتزورينا.. ؟
ندى : والله خالتي شسوي منشغلة... مدري شلون الوقت يروح مني...
التفتت ام فواز لشوق المبتسمة : ماشاء الله ماشاء الله.... هذي شوق بنت صالح؟؟... ماشاءالله وش هالزين...
شوق : هلا فيك خالتي... انتي شلونك؟
ام فواز : بصحة وعافية.... شخبارك بنتي وشلونك...
شوق : عايشة بخير الحمد لله
جا دور مها.... سلمت على ندى عادي والابتسامة شاقه وجهها... لكن يوم جا دور شوق تغيرت نظرتها غرور والابتسامة الله الله...
شوق ظلت مثل ماهي وسلمت عليها مثل ماسلمت على امها...
بعد ماقعدوا وجابوا القهوة...
ام فواز : شخبارك نجلاء.... عسى مرتاحة ان شاء الله؟
نجلاء : بخير خالتي ام فواز..... الحمدلله...
ام فواز : يوم اني سمعت انك بتسافرين اليوم قلت لازم الحق عليك قبل واسلم.... مايصير لي شهور ماشفتك....
نجلاء : تسلمين ماتقصرين والله
كانت مها طول الوقت عيونها على شوق... وكل مانتبهت لها شوق صدت عنها بنظرات كلها غرور وشوفة نفس...
شوق في نفسها مرتفع ضغطها.... على ايش هالغرور على ايش؟!!.... ذابحة لها احد ولا وش مسوية.... اعنبوها هذي ثاني مرة اشوفها وتعاملني بهالطريقة...... ابي اعرف وش اني مسوية بس.....
ندى حست بشوق انها متضايقة فهزتها بكوعها..
ندى : يالله شوق نجيب العصير....
شوق : يالله...
قاموا مع بعض للمطبخ..... وبدت شوق ترتب الكاسات... وندى تجيب العصيرات..
ندى وهي تفتح الثلاجة : شفيك ماقلت لا تناظرينها حتى.... نظراتها لحالها تنرفز...
شوق : ودي ازنطها بصراحة.... وش اني مسوية ياربي..... هذا ثاني لقاء بيني وبينها.... لا أعرفها من قبل ولاتعرفني... ليش تناظرني كذا...؟ ؟
ندى : هههههههههههه.... متزعليش حالك باي... خلاص.... خليها تولي..... كلها ربع ثلث ساعه وهي ذالفه....
شوق وهي تحط الصينية على طاولة المطبخ بنرفزة : اووووف بس اووووف...
ندى وهي تسكب العصير بالكاسات : خلاص انا رح اشيل الصينية عنك....
شوق : وانا بشرب لي كاس موية والحقك.... يبست ريقي الله ييبس ريقها.....
شالت ندى الصينية وطلعت من المطبخ.... اما شوق فتوجهت للثلاجة وطلعت منها جيك موية... وسمعت صوت ندى في الممر اللي رايح للصالة...
ندى : هلا مها على وين.... ؟
مهاة: رايحة للمطبخ اشرب لي موية...
ندى : والعصير؟
مها : بشرب جلاص واجي....
ندى : اوكي لا تتأخرين...
شوق من سمعت هالكلام خلت ظهرها للباب ويدها على خصرها وكأس الموية بيدها....
لحظات قليله وسمعت حس احد يدخل المطبخ... ظلت واقفة بمكانها تشرب وكانها ماتحس بشي...
مها : ابي جلاص موية.... ممكن؟
شوق التفتت لها.... واشرت بيدها على درج الجلاصات بصمت.... راحت مها وفتحت الدرج وطلعت لها كأس....
مها : ووين الموية.... ؟
شوق في نفسها.... ياجعل هالعيون العمى..... الجيك شفاف قدامها ومليان.... واللي يسمعها يقول ماتدري....
شوق بنبرة باردة : وهالجيك اللي قدامك ماملا عينك؟
مها رفعت حواجبها باستغراب.... وتقدمت لها : وليش تكلميني بهالطريقة؟
شوق وهي تحط الكأس عالطاولة : اسألي نفسك؟
مها بعد ماصبت لها : انا ماسويت شي عشان تكلميني بهالطريقة....
شوق : لا ابد ماسويتي شي.....
واعطتها فرصة انها ترد..... طلعت ماشية من المطبخ.... دخلت الصالة ورجعت لمكانها جنب ندى....
ندى بهمس : لايكون صار شي؟
شوق : لا ماصار....
دقيقة ورجعت مها لمكانها بدون ماتلتفت لشوق ولا حتى بنظرة...
شوق نفسها كانت شوي وبتنفجر.... تحس بشي داخلها يتاجج من الحمق..... يالله تعرف شلون تنرفز..... هذي لو امها ماكانت فيه وش كانت بتسوي..... هذي بالنظرات بس ترفع الضغط.... شربوا العصير ومادروا بعدها الا ام فواز واقفه.....
ام فواز : يالله اجل.... اترخص....
ام فهد وقفت معها والكل بعد : وين يام فواز تو الناس.... وشو له العجلة...؟
ام فواز : ماعليه يالجوهرة.... اسمحي لي.... والله عندي مشوار ثاني ودي اقضيه..... انا ودي اقعد معكم ومع نجلاء خصوصا بس ماقدر.....
نجلاء ابتسمت : على راحتك خالتي.... إن شاء الله تزورينا مرة ثانية واكون موجودة....
شوق كانت في مكانها واقفة.... حست براحة غريبة يوم شافت ام فواز وقفت.... وان مها خلاص بتذلف عن وجهها... لكن فرحتها ماكلمت يوم سمعت خالتها ام فهد تقول....
ام فهد : وانت مها شرايك تقعدين عندنا...؟
شوق حست بالغصة تسري لبلعومها وتستقر... حرام عليك ياخالتي حرام عليك..... انا ماصدقت.... بتبلشني فيها مرة ثانية ارتسمت ابتسامة على محيا مها... كعلامة رضا انها فعلا ودها تجلس.... بس امها ردت عنها
ام فواز : لا يام فهد اسمحيلي.... مها لازم تروح معي... مرة ثانية ان شاء الله
ام فهد : وراه عاد يامنيرة.... البنت شكلها ودها تجلس.... خليها تجلس توسع الصدر مع ندى ونجلاء وشوق.... حياها الله....
شوق كانت تدعي ربها بقلبها....
اي توسع الصدر ياخالتي حرام عليك؟!!... هذي الا تنكد الواحد وتنرفز اللي ماينتنرفز.....
ام فواز : لا يام فهد معليه.... مرة ثانية ان شاء الله......
ام فهد : على راحتك اجل.... بنتك واللي تبينه سويه....
أطلقت شوق تنهيدة مسموعه للكل تنم عن الراحة اللي اختلجت في صدرها.... الكل التفت لها مستغرب وهي ابتسمت على حركتها.... ضحكت ندى وضربتها بكوعها... وقالت بهمس : هههههههههه.... الله يفشلك وش هالحركة... بيقولو ذي ماتبينا.....
شوق ترد بهمس : شسوي طلعت مني من دون ماحس... ماقدرت امسكها....
ندى : هههههههههههههه.... الله يقطع بليسك.....
لفت شوق عينها لمها.... لقتها تناظرها بعصبية وحقد واضح...... طنشتها وكانها ماشافت شي.... مها فهمت سر هالتنهيدة وان شوق ماتبيها تجلس..... بس هين ياشوق انا اوريك....
طلعت ام فواز وتبعتها بنتها ووراهم ام فهد ونجلاء..... أما ندى من طلعوا الضيوف جلست عالكنبة وهي ماسكة بطنها من الضحك.... وشوق ضحكت معها....
ندى : ههههههههه حسبي الله على بليسك ياشويق.... شسويتي البنت زعلت مرة وحدة.... هههههههههههههه
شوق : بالطقاق اللي يطقها..... وش علي منها انا..... خل تزعل وتطق براسها مليون جدار والله العظيم...
ندى : ههههههههههه... اللي يشوف نظراتها يقول ماكلين حلالها.... يوووووووه من زمان ماشفت مها معصبة بهالطريقة..... العادة هي اللي تعصب بالواحد....
شوق جلست وهي تتنهد : اخ...... واخيرا بردت قلبي منها...
ندى : ههههههههههه..... ماخبرتك حاقدة.....
شوق : انا ماحقدت.... بس بصراحة البنت تطلع الواحد من طوره..... وتخليه يكرهها غضب عنه....
ندى : وفي هذي صدقت.....
دخلت نجلاء... : وانت ياندى لمتى بتتصرفين مع هالبنت بهالطريقة....
ندى وقفت ضحك.... وناظرت شوق باستغراب... ورجعت لاختها وهي تقول : وش سويت ماسويت معها اي شي...
نجلاء : يكفي ان البنت طلعت شايله بخاطرها.... هي جاية تجلس معك وتسولف وانتي تنفرين منها....
ندى : ايه هاللي جنت على نفسها... (وبفلسفة ) على نفسها جنت براقيش.... اصلا هاللي تنفر الواحد منها لاتسولف على سنع... ولا تعرف حتى تجامل.... كل همها المظاهر.... حتى اسألي شوق وش سوت معها....
التفتت نجلاء لشوق بتساؤل..... سكتت شوق ماعرفت شلون ترد...
شوق :.... بصراحة يانجلاء ندى معها حق.... البنت تنرفز الواحد.... يكفي النظرات اللي كانت تناظرني بها وحنا جالسين قبل شوي....
نجلاء : ليش؟.... وانتي شسويتي لها عشان تتصرف معك هالتصرف....
شوق : ابد ماسويت شي.... البنت كرهتني من يوم مالتقيت فيها بالحفلة.... على ايش ماادري
ندى : سمعتي.... حتى اختها رشا اللي هي اصغر منها اعقل منها....
نجلاء : حتى ولو.... تعاملي معها زين وهي بتتغير مع الوقت...
ندى بتهكم : اي تتغير واللي يرحم والديك.... هذي لها ثلاث سنين من سكنوا بهالحي.... وتصرفاتها طول هالفترة وحدة.... ماتغيرت.... ماكانت تجي لبيتنا الا عشان تنرفزني...
نجلاء : ايه ياندى بس البنت تحبك وتبي صداقتك.....
ندى : ايه وانا ملرفضت صداقتها... طول الثلاث سنين وانا متحملتها.... بس هي مصرة على اطباعها واسلوبها.....
شوق : اسمحيلي يانجلاء بس البنت انا ما تحملتها ساعتين..... كثر الله خير ندى يوم انها تحملتها ثلاث سنين...
نجلاء جلست عالكنبة وهي تتنهد... : بس البنت مسكينه....
ندى : لا هي بمسكينه ولا شي.... الا هي عقربة...
ضحكت نجلاء ومعها شوق عالتعليق....
نجلاء : هههههههههه...... حرام عليك... عقربة مرة وحدة....
شوق : ههههههه.... يا ويلك لو تسمعك قايلة عنها كذا....
ندى : خلاص عاد فضوا هالسيرة....
نجلاء رجعت تقوم : يالله انا راقية اجمع باقي اغراضي واحطها في الشنطة.....
شوق وراها : اجي اساعدك...
انسدحت ندى عالكنبة وركزت عيونها عالتلفزيون وقالت : لا تعالي وش هاللقافة.... خليها تضف أغراضها على كيفها...
مسكت نجلاء يد شوق وسحبتها معها : وش عليك انت يلمسونة.... هي تعرض خدماتها مو بانتي اللي بس تتسدحين وتاكلين.... حركي شوي لا تدبين....
ندى وهي تصارخ لاختها اللي وصلت لنص الدرج مع الشوق : انا ماني بدبا يالدبا....
نجلاء من بعيد : انا مادبيت.... اصلا وزني من تزوجت واحد ماتغير...
ندى بخبث بارد : ايه نشوف..... كله كم اسبوع ونشوف البطن يكبر... (وبخبث ) بدق على سعود واقوله لاتخلي اختي الا لما تحمل.... وبقوله ان حنا مانبي نشوفها المرة الجاية الا وبطنها شايل بيبي..... بعد انا ابي اصير خاله... نجلاء وقفت مكانها من الصدمة.... وفكت يد شوق الميته ضحك على ندى المجنونه.... ونزلت الدرج ركض وراحت ناوية على ندى اللي من شافتها قامت منحاشة.... وهي تصارخ... الملاذ الوحيد اللي قدرت توصله ندى هو الحمام..... دخلته وقفلت على نفسها... نجلاء ماقدرت تصيدها..... كان وجهها احمر... وانفاسها تتسابق.... وقلبها يدق....
نجلاء : هين ياندى.... انا اوريك.... بالله عليك هذا حكي ينقال....
ندى من داخل الحمام : متخوفين ترا.... ولا تتحديني أدق على سعود واقوله هالكلام....
نجلاء كانت مرتبكة حدها : ترا بتنذبحين ياندى.... إن قربتي التلفون وريتك....
تعالت صوت ضحكات ندى وتردد صداها....
نجلاء راحت ووجهها احمر.... رقت وقابلت شوق بنص الدرج اللي كانت تتابع الحوار والبسمة عليها....
شوق : اجي اساعدك....
نجلاء : لا ارتاحي...
كملت نجلاء طريقها لغرفتها دخلتها وقفلت الباب وراها.... راحت شوق للحمام اللي كانت ندى متخبية فيه ودقت الباب وهي تضحك....
شوق : هههههههههههههه..... افتحي يالخبلة...
ندى : راحت ولا لسا موجودة؟
شوق : ههههههههه.... لا راحت
ندى : تكذبين؟
شوق : والله راحت لغرفتها....
فتحت ندى الباب بحذر وطلت.... لقت شوق لحالها واقفة....
ندى : شوووق ترا ان صرتي تكذبين ياويلك..... ماعندي استعداد لقبص نجلاء اللي يعور...
شوق : هههههههههههههه.... لا ارتاحي راحت لغرفتها وقفلت الباب....
طلعت ندى وراحت للصالة وشوق وراها...
شوق : حرام عليك ولله... ماشفت نجلاء شلون وجهها انقلب....
ندى : والله؟... قهر فاتتني...
شوق : اي فاتتك.... الا حرام عليك البنت راحت فيها....
ندى : هههههههههههههههههه
جلسوا بالصالة يقلبون بالقنوات....
بعد ساعه رجع ابو فهد عشان يمديه يجلس مع بنته قبل ماتسافر..... وبعده رجع فهد عشان ما يحصل له تهزيئة او زعله من اخته مثل امس.... جلسوا بالصالة كلهم..... ونجلاء مازالت بغرفتها فوق تجمع أغراضها.... خلصت ونزلت لقتهم كلهم جالسين يتقهوون....
ابو فهد : هلا حبيبتي.... تعالي جنبي....
راحت نجلاء وجلست : شلونك يبه.... جاي بهالوقت غريبه مو من عادتك...؟
ابو فهد : جاي عشانك..... وبعدين سعود بيجي ولازم اصير موجود ولازم اسلم عليه....
نجلاء : ايه بس ماله داعي.... بنعطلك عن الشغل....
ابو فهد : خلك من هالحكي بس..... وتقهوي..
ام فهد : ها يمة خلصتي اغراضك كلها...
نجلاء : كلها..... بس ابي احد ينزلها لأنها ثقيلة وكثيرة....
قالت هالكلام وعيونها على فهد....
فهد : الله اكبر عاد وش هالاغراض... توك من ثلاث ايام عندنا....
نجلاء : بس هذي أغراض ماخذتها معي اصلا لجدة وقررت أخذها معي الحين.....
فهد : الا تبين تتعبيني....
نجلاء وهي تبتسم بدلع لاخوها : من لي غيرك ياخوي.... انت سندي...
فهد وهو مكشر لها بتهكم : لاه؟.... ووين راح الكلام عن سعود وأنك خلاص معد لك حاجة فيني....
نجلاء تتصنع البراءة : انا ماقلت هالكلام.... لا تقول كلام انا ماجبته على لساني.....
فهد : أحلفي ياشيخة.....
ابو فهد : وانت إذا ماخدمت اختك الحين.... متى بتخدمها.....
فهد : انا مادري يبه ليش انت ضدي دايما حتى لو كنت انا اللي على حق....
ابو فهد : لأنك رجال.... وتقدر تعتمد على نفسك..... أما البنات يحتاجون من يساعدهم....
ندى التفتت لشوق وتبادلوا الابتسامات بفخر واضح....
فهد انتبه لهم.... والتفت وقال : ياليت الدنيا كانت بلا بنات..... كان حنا عايشين بسلام
ندى فزت في وجهه : ها ها عاد حدك.... ماجابك الا الحريم ولانفعك الا الحريم..... انت فاهم....
فهد : انت احد كلمك...؟
ندى : لا حبيبي انا ادافع عن البنات جنسي.... وبعدين ترا الحياة مالها طعم لكم انتوا الا بالبنات....
ولو مافي بنات في الدنيا كان انهبلتوا.... انا اعرف حركاتكم انتوا ياشباب ماتطلعون تفرفرون في هالشوارع الا عشان البنات....
ضحكوا كلهم على حماسها بالكلام وطريقتها... حتى فهد ماقدر الا انه يضحك في وجهها...
فهد : ههههههههههههه.... هدي شوي!!!.... كلتيني بقشوري....
ندى : اسمحلي بس انا ماعرف اتكلم الا بالصراحة....
فترة قصيرة ويسمعون الاذان لفرض المغرب ينتشر بانحاء الكون ويذكر الناس بالصلاه.... بعده بدقيقتين قام ابو فهد....
ابو فهد : يالله فهد للمسجد....
فهد : ان شاء الله
قاموا اللي جالسين يصلون.... رجعت شوق اول وحده لقت عمر يلعب بلاي ستيشن.... ماكان يعرف.... كان ماسك يد الكومبيوتر مقلوبة ويضغط بشكل عشوائي.... وعايش جو عالاخر.... راحت له وهي تضحك.....
شوق : عمر..... وش تسوي....
عمر : العب بلثتيثن...
شوق : ههههههههه.... ياقلبي عالبلثتيثن.... اسمه بلاي ستيشن...
عمر كان مركز واللي يشوفه يقول هذا يلعب من قلبه..... راحت شوق جنبة.... ومسكت وجهه وباسته بقوة وهو مازال مركز...
عمر : وخلي.... خليني العب.....
شوق عشان تعانده مسكته ثانية وباسته بوسه طوييييييييلة وفعصته..... وعمر يحاول يقاوم يبي يكمل اللعب..
عمر بملامح غاضبة بريئة : سوووق... وخلي ولا تلا بثدم..... ثوفي.....
شوق : ههههههههههههه..... يا ينه هالفم.... يسلم لي والله...
ومسكته وباسته ثانية..... ماتقدر تقاوم.... الولد هذا داخل مزاجها ببرائته.... عمر بدا يتنرفز..... حاول يبعدها بيده.... لكن هي ماخلته وظلت تبوسه كل شوي.....
عمر : اي..... سووووق وخلي عولتيني....
رفع يده وقرصهاةفي خدها بقوه.... صرخت شوق....
شوق : اي...... عمر عيب عليك تضربني
عمر : وخلي عني خليني اللعب.... ها ثفتي ثدمت....
شوق : هههههههههههه.... اللي يشوفك يقول مرة فنان في هاللعبة.... اصلا انت من بديت تلعب وانت تصدم في كل شي....
عمر قطب مابين حواجبة.... والتفت لها : انا ما اثدم..... انا اعلف اللعب مثل نايف...
شوق حبت تطفشه : لا..... انت ماتعرف تلعب.... انت كسلان.....
عمر صرخ في وجهها : الا... انا اعلف العب.... شوق بأسلوب استفزازي : لا.... ماتعرف..... وطلعت له لسانها....
عمر صرخ : الا.... انا اعلف.... انا اعلف.... انقهر من جد...
شوق ببرود تبي ترفع ضغطة اكثر : لا ماتعرف.... انت كسلان....
عمر من قهره... رفع يده وبااقصى قوته ضرب بها فخذها.... ماعورتها الضربة بس انها قالت..
شوق : اي...... عمور ليش تضربني.... عيب عليك...
عمر والدمعه بعيونهة: لاتدولين ماعلف.... انا اعلف احثن من نايف.....
شوق : قلتلك ماتعرف... شف سيارتك كلها مكسرة عشانك تصدم فيها....
عمر في هاللحظة فقد اعصابة.... قذف يد الجهاز اللي معه بعيد..... ورمى نفسه على شوق يبي يذبحها
حركة عمر خلت شوق تنسدح بالأرض وهو فوقها يبي يبرد كانت ميته ضحك
شوق : هههههههههههههههههه.... عمر وخر عني.... ههههههههههه.... عمر..!!!
عمر معصب حط يده على رقبتها : انا اعلف.... تثمعين.... اعلف العب احثن من كل الناث....
(يقصد ناس... ههههه)
شوق طلعت دموعها منها : ههههههههههههه.... لا ماتعرف.... عمر وخر عني.... بموووووت....
عمر : لا... قولي اول اني اعلف...
شوق : ههههههههههه.... لا..... نايف احسن منك... ههههههههههههههههه
عمر لحظتها فلتت اعصابة نهائيا وحاول يضرب ويبكس.... بس شوق كانت تمنعه.... ومن كثر الضحك بدت تخور قواها....
شوق : ههههههههههههههه.... عمر ابعد مااقدر اتنفس.... ههههههههههههههه
عمر وهو يصر على أسنانه : احثن.... لانقولين عمر مايعلف....
شوق غمضت عيونها بقوة وراحت في نوبة ضحك ودموعها كانت تسيل مثل الأنهار
شوق : ههههههههههههه....... عمر تكفى وخر.... ههههههههههههههههههه......
عمر؟!..... وش قاعد تسوي...؟!!
التفت عمر لاخوه فهد اللي كان واقف يناظرهم باستغراب.... عمر من شاف اخوه سألت دمعه من عيونه.... وظل قاعد على شوق اللي كانت تضحك بشكل هستيري وماهي قادرة تسيطر على نفسها....
شوق : عمر.... تكفى وخر بموووووت....
ههههههههههههههههههههههه
فهد : عمر وخر عنها...
عمر شد قبضته على رقبه شوق اللي ماكانت تضرها بس كانت تدغدغها.... ومصر انه ياخذ حقه...
فهد : عمر.... قلت لك وخر عنها....
عمر ببرائة الدنيا كلها : لا .... ليث تدول انت كثلان وماتعلف تلعب.... انا اعلف العب... ثح ؟
ودموعه في هاللحظة زادت.... كان يحس بالاحباط.... وينتظر جواب من اخوه يرفع من معنوياته شوي....
فهد باستغراب : وين تلعب.... ؟
عمر وهو مبرطم : في البليثتيثن.... ثح انا اعلف العب؟!....
فهد ضحك : ومن قال انك ماتعرف تلعب ياحبيبي...؟.....
عمر وبرطمه ممدودة لشبرين قدام : سوق تقول.... تقول نايف احثن منك...
شوق : هههههههههههههههه....
عمر بلييييز وخر بليييز....
كانت شوق منحرجة من الوضع اللي كانت عليه.... بس ماكان في يدها حيلة..... عمر مستلمها صح.... وفوق كذا الضحك اضعفها....
فهد : طيب وخر عنها وتقولك تعرف تلعب...
عمر وهو يشوف شوق بنظرات زعلانه : لا.... خلها تدول اول....
فهد التفت لشوق : قولي له شوق اللي يبي وفكي نفسك منه.... عمر مازال مصر على را
شوق : ههههههههههههههههههههه
فهد ضحك معها غصب عنه.... التفت لاخوه مرة ثانية : عمر قم عنها وتقولك.... قم لا تموت...
عمر مازال مصر على رأيه : احثن...
شوق حست نفسها بتموت وماهي قادرة تتحمل..... تبي تتكلم بس الضحك مأثر عليها....
فهد : عمر!!.... وبعدين معك؟
عمر ودموعه تقطر منه : لا أ......
شوق : هههههههههههه.... فهد تكفى.... وخره عني..... هههههههههههههه استجاب لها فهد على طول.... راح لاخوه وشاله.... لكن عمر عنيد.... ظل متمسك في شوق غصب عنها ضحك على اخوه : ههههههههههه خلاص عمر فكها.... في هاللحظة تفجرت دموع عمر وصار يصيح بصوت عالي : مابي..... مابي.... خلها تدول خلها تدووووووووووول.... لا مابي
شوق : هههههههههههههه...
سحب فهد اخوه بقوه وقدر يفك يدينه اللي كانت متمسكة بشوق بطريقه عجيبة.... ياس عمر ولف يديه حول اخوه وجلس يبكي على كتفه....
شوق ماصدقت... اعتدلت جالسه.... وهي مازالت تضحك.... شوي شوي هدت وهي تتنفس بقوه....
فهد مازال حاضن اخوه : عمر.... انت بطل لا تصيح....
عمر : لا.... انا اعلف اللعب... مابي....
قدرت شوق تقوم واقفه وهي في داخلها ميته من الحرج بسبب الوضع اللي اجبرها عمر انها تكون فيه قدام فهد...... راحت ماشيه لوحدة من الطاولات وخذت كلينكس.... وبدت تمسح دموعها...
فهد مازال يهدي في اخوه اللي ماهو راضي
يهدى : بس حبيبي...... بس خلاص......... انت تعرف تلعب
عمر مارد وتم على حالته.... حاط راسه على كتف فهد وينتحب..... بعد مامسحت شوق دموعها واستعادت توازنها.... ظلت تراقب عمر وهي في نفسها ندمانه....
حرام انا وش سويت.... ياعمري على هالبرائة ياحبي له....
راحت له ووقفت قدام فهد.... كانت في داخلها تحس بشي غريب.... وباحراج كبير متملكها... بس حاولت تتجاهله....
شوق : عمر....
عمر :........ (مافي رد )..... مجرد بكى
شوق : حبيبي عمر.... رد علي...
عمر : وخلي عني..... ماحبك....
شوق : لييييييييييش؟.... انا احبك عاد
عمر :........
كانت عيون فهد على شوق.... يتأمل ملامحها عن قرب.... يتأمل طريقتها بالكلام.... يتأمل نظراتها.... وابتسامتها... ويتامل وجهها بعد مارسمت الدموع عليه آثارها.....
شوق كانت حاسة بنظرات كلها..... تحس ان رجليها ترتجف تحتها وبتطيح في اي لحظة بين رجليه....
تماسكت قد ماتقدر..... وقالت تكلم عمر بنبره رجا : عمر؟.....
عمر :.......
شوق : عمر رد علي واعطيك اللي تبي.... اي حلاو تبيه...
عمر :...........
مارد.... وهالاسلوب ما ينفع معاه... وشلون ينفع وهو كل اللي همه كرامته اللي انجرحت...
شوق : ياربي.... عمر رد علي والا ترا بصيح....
فهد هالمرة هو اللي رد... بصوت كان هادي وأسر.... تسلل لاعماق شوق وحمد كل شي فيها حتى عيونها اللي تعلقت بعيونه....
فهد بابتسامة وعيونه عليها : رجعي له كرامته ويرضى....
شوق ظلت للحظات على حالها ماقدرت تحرك ساكن فيها.... قلبها يتحرك بجنون بمكانه ونبضاته تهزها هز.... ماتدري ليش.... تحس به بيطلع من بين ضلوعها...
شوق بهدوء : وش يبيني اسوي له؟
فهد : وهو وش كان يبي ورا هالطقاق اللي تو.... الا انه يبيك تقولين له انه يعرف يلعب....
شوق بعدت عيونها عنه بسرعه والتفتت لعمر اللي لازال حاط راسة على كتف اخوه ويبكي بهدوء....
شوق : عمر كنت امزح معك.... انت تعرف تلعب احسن من كل الناس.... حتى من فهد...
ماتدري شلون طلع هالاسم منها... كلنت تبي تقول نايف بس اسم فهد سبقة... التفتت لفهد بسرعه تبي تعرف ردة فعله لقته يبتسم لها... طنشته ورجعت لعمر اللي رفع راسه والتفت لها وهو مبرطم.... لما شافت شكله عصرها قلبها...
شوق : عمر..... انا اسفه....
عمر : قولي تعلف تلعب احثن من نايف....
شوق ماقدرت تكتم ضحكتها : ههههههههههههههه.... تعرف تلعب احسن من نايف وكل ناس..... ها وش تبي أكثر بعد.... ؟؟
عمر وهو يفرك عيونه ونبوز : ابي حلاو....
ضحكت شوق ومعها فهد.... مدت يدها تشيل عمر من حضن اخوه.... استسلم وحط راسه على كتف شوق... اللي ميته ضحك عليه....
فهد : ها عمر... رضيت الحين...؟
عمر مبرطم :.......... ايه..
رجع فهد يضحك وقرب من اخوه وباسه على خده مما زاد من قربه لشوق..... رفع عينه لها واهتزت من الأعماق على هالنطرات....
فهد بهدوء قاتل : ترا كل شي ولا زعل عمر أن زعلتي ثانية.... انا اللي باخذ حقه منك....
مفهوووم؟؟...
شوق كانت متماسكة وتدعي ان عمر مايطيح من يدها.... قلبها كان يرقع داخل صدرها ويهزها معه.... كل مايقرب منها فهد بذاك القرب تحس انها ذايبة.....
ابتعد فهد عنها مبتسم وراح يجلس عالكنب...
اما هي راحت راقية فوق لغرفتها تعطي عمر اللي يبيه....

الساعه ت وصل سعود راح له فهد ودخلة... وحلف عليه ابو فهد انه يتقهوى عندهم قبل ما يطلع مع زوجته للمطار...
فضلت نجلاء انها تجلس مع امها وأخواتها على أنها تروح عند رجلها بالمجلس.... يمكن تتم فترة طويلة ماتشوفهم فيها عشان كذا لازم تستغل كل لحظة......
ندى : نجلاء تكفين لاتروحين اقعدي اكثر...
نجلاء : ماقدر حبيبتي لازم اروح.... مو بكيفي ولا بكيف سعود.... شغله يتحكم فيه...
ندى : طيب خليه يروح لحاله مهوب ميت..
نجلاء : لا مااقدر قلبي مايطاوعني....
ندى : ايه قولي انك ماتبينا...
نجلاء : مرة ثانية ان شاء الله اقعد فترة أطول....
ام فهد : عاد متى هالمرة تجي... مطولين
نجلاء : لا ان شاء الله قريب...
دخل فهد الصالة : يالله سعود بيمشي..
نجلاء : طلعت كل شنطي واغراضي؟
فهد : ايه وظهري تكسر منهم.... حشى معبيتهم حصى مو باغراض...
نجلاء : هههههههههه... مشكور يااخي العزيز.... الجايات اكثر ان شاء الله...
فهد وهو يقعد عالكنبة جنب اخته منى : لا لا لا.... لا جايات ولا رايحات.... هذي اخر مرة.... مابعد مليت من عمري.....
نجلاء : ههههههههههههههههه...
قامت نجلاء تلبس عبايتها مدت يدها لشنطتها وعلقتها على كتفها... التفتت لأمها تودعها وتسلم عليها...
نجلاء : فمان الله يمة... اشوفكم على خير ان شاء الله
ام فهد كانت العبرة فيها والدمعه شوي وبتلمع بعيونها لكنها تماسكت وقالت بنبرة طبيعية
ام فهد : فمان الله حبيبتي.... ودقي علينا بشرينا عنك ولا تقطعين...
نجلاء : وانا اقدر؟.... إن شاء الله على هالخشم... سلمت عليها وحبت راسها...
سلمت بعدها على ندى وبعدها شوق...
شوق : نشوفك على خير ان شاء الله
نجلاء : ان شاء الله
التفتت لمنى اللي كانت اكثر وحده متأثرة وباين على وجهها الحزن.... حضنتها....
نجلاء : هههههههههههه.... ميمي خلاص برجع مرة ثانية....
ابتعدت منى عنها وهي تمسح دمعه سألت من عيونها.... وبعدها شالت عمر وباسته على خده ونزلته وراحت طالعه مع اخوها فهد....
برا عند الباب الشارع لقت ابوها ونايف واقفين ينتظروها....
ابو فهد : يالله حبيبتي توصلون بالسلامة ولا تقطعينا....
نجلاء ابتسمت في وجه ابوها وحبت راسه : ان شاء الله يبه.... يالله اشوفك على خير...
وبعدها سلمت على نايف وطلعت ركبوا في سيارة فهد لانه هو اللي بيوصلهم للمطار..... ركب سعود جنبه ونجلاء ورى.... مشوا متجهين للمطار لان باقي على رحلتهم حوالي الساعه...........
انتظروا في بارت جديد.........

واحداث مشوقه اكثرررررر