تكملة البارت السادس...
كان أحمد مسند يديه عالسيارة وكايل بوقفته.... اللي خلا ندى تتعفس فوق تحت.... ومهي بقادرة تحرك اصبع واحد من الاضطراب الشديد اللي معايشته في هاللحظات....
نوف : وش تبي انت الحين؟.... ابعد وخلني الروووح بسلام....
احمد قطب وابتسامة : انت انطمي يم لسان.... مارح اخليك تروحين الا لما تنزلين وتكملين الاونو....
ضحكوا شوق وندى غصب عليهم....
نوف : تضحكون؟.... ( والتفت لقاسم السواق)..... قاسم روح يالله...
احمد بعناد : لا قاسم انتظر لاتروح
طبعا قاسم امتثل لأمر الرجال اللي هو أحمد....
شوق : هلا فيك احمد شلونك.... ؟
احمد عرف انها شوق :هلا هلا شوق...... بخير شعلموك انتي؟
شوق : بخير
نوف : لو تموووووت ياأحمد ماانزل.... كل اللي سويته فيني انت وسهى وتبيني. اكمل.... قسم بالله مصخرة...
احمد : لاتتحديني اشيلك الحين وادخلك داخل..
نوف التجئت لندى : ندى... قولي لقاسم يحرك... ترا بسويها احمدوه...
احمد : نعم؟.... وش قلتي قبل شوي...
نوف : ماقلت شي...
ندى بهدوء : معلش احمد.... سامحها هالمرة
احمد عفس وجهة وتم يناظر في ندى لفترة خلت الدم يتجمع بوجهها..... و أطرافها تبرد من القشعريرة الي سرت في أنحاء جسمها كله... نزلت عينها عنه تهرب من هالنظرات...
احمد : خلاص.... عشانك ياندى انا بسامحها...
نوف : ياسلام!!.... كنها هي اختك وانا مو اختك
احمد رجع يزجرها بابتسامة : انت انطمي... انا عمري ما فضت لندى طلب وهي تدري.....
ندى خلاص لسانها انعقد.... وقلبها فقد دقة من دقاته.... هي تعرف وش يقصد.... يقصد ايام الطفولة....
نوف : خلاص خلاص طيب.... ممكن تخلينا نروح...
رجع احمد يلتفتت لندى : ها ندى..... ماودك تغيرين رايك وتخليني ادخل نوف داخل...
نوف منزلة رأسها : لا.... انا ابيها تروح معنا...
احمد وهو يتراجع عن السيارة بذات الابتسامة : خلاص اجل.... يالله قاسم حرك
سمع قاسم الكلام.... ومشى....
نوف : اوووف.... عيا يحل عني ...
شوق : كان خلصتي اللعبة بسرعة... وانتهيت منه....
نوف : اقولك كنت بخسر للمرة الرابعة... وانا بصراحة كرامتي ماتسمح لهالهزائم...
شوق : هههههههههههه
نوف : معدني لاعبة معهم..... مؤامرة تقهر بصراحة....
التفتت شوق لندى : ها ندى ماقلتي وين بنروح....
كانت ندى سرحانه بوجه احمد اللي كان قريب منها بشكل اول مرة يكون.... تتنفس بصعوبة.....
و بهدوء تحاول تسترجع تولزنها اللي اختل بسبب احمد.....
شوق : ها ندى؟!...... وين بنروح؟
ندى بهدوء غريب : للفيصلية..... اوكي؟
شوق : انت أخبر مني
الساعة 7:30 في الفيصلية...
كان لهم يمكن اكثر من ساعة وهو يدورون بالسوق... وشرت كذا قطعة مناسبة ومعقول للجامعة...
نوف : ندى.... انا بدخل وجوه ترا... ودي اشتر لي ماسكرا... حقتي قديمة....
ندى : خلاص اوكي وحنا بندخل محل الشوز... واشرت لها المحل اللي كان بالمقابل...
نوف : اذا طلعتوا وانا لسا ماخلص دقي لي تلفون...
توجهوا كلهم لمراده... ندى وشوق لفوا المحل الشوز اللي كان يعرض موديلات جديدة وعالموضة....
ندى خذت لها شبشب سماوي بسيور ملونه وفي الوسط كرستالة... جربتها... وطلعت في رجلها ناعمة...
ندى : ها شوق وش رايك؟
شوق : حلوة.... طيب وش رايك في هذي؟
كانت شوق اختارت لها شبشب وردي بعد يس بكعب صغير وسيور تحمل في الوسط فراشة بكرستالتين عنابية....
ندى : مرة حلوة.... جربيها
جربتها شوق وظبطت على رجلها...
خذوا اللي اختاروه... وهم طالعين من المحل كانت نوف جاية لهم...
ندى : لقيتي اللي تبينه؟
نوف : ايه.... بس ماركة جديدة.... قلت خل أخذها اجرب... وشريت بعد غلوس فوشي روووعه...
توجهوا لمحل شوز ثاني... وخذت لها شوق منه شوز يناسب الجامعه وطلعوا...
نوف : اقول.... انا نفسي باكسسوارات...
ندى : اوكي نروح لاكسسوريز... سمعت انهم عارضين اشياء جديدة...
دخلوا لمحل.... واللي شرتلها حلق جديد واللي اختارت شنطة عالموضة واللي خذت لها سلاسل ومداليات... يعني أشكال وأنواع... طلعوا وكملوا لف على المحلات اللي يحبونها واللي دايما يشترون منها......
نوف : انا جوعانة خلونا نروح ناكل شي....
التفتت ندى لشوق : ها شوق... شريتي كل شي تبينه...
شوق : ايه تقريبا... كل شي تمام
ندى : خلاص اجل خل نروح نتعشى
راحوا لدور المطاعم وكل وحدة توجهت للمطعم اللي تبيه... بعد ماحجزوا لهم طاولة....
ثلث ساعة وكل وحدة طلبها مخلص... فرجعوا لطاولتهم... كانوا نوف وشوق يسولفون وهم يتعشون بينما ندى كانت تاكل بصمت وهدوء....
نوف كانت تتكلم عن اللبناني اللي باعها في وجوه : ياربي ياشووق... ماصخ... يتميلح...
شوق : لازم... لبناني ويبيع في محل مكياج شلون تبيه يطلع...
نوف بسخرية : لا وش يقول.... هيدا الغلوس لاحلى شفايف متل هالانسة ... يتكلم عني ليقاله...
شوق : هههههههههههههههه.... وش قلتي له؟
نوف : وش تبيني اقوله... قلت له اخلص اخلص لاتزود حكي...
شوق اللي توها بتشرب من علبة البيبسي.... تراجعت على ورى تضحك...
شوق : حرام فشلتيه... هذا جزاه يمدحك ويتغزل فيك...
نوف : يرحم والديك...
شوق : طيب وش رد عليك؟
نوف : ليش زعلاني.... انا بدي خبرك انو هيدا الغلوس اجدد بضاعة وصلت عنا
شوق : طيحتي وجهه المسكين...
نوف : خليه يستاهل... خلي التميلح ينفعه....
التفتت شوق لندى : ندى وش فيك ساكتة...؟!
ندى بهدوء : عادي... اسمعكم...
شوق وهي تناظر للصحن اللي قدامها : طيب وجبتك مانقص منها شي... كلي لايبرد...
ندى : قاعدة اكل....
كملوا عشاهم وخذوا اكياسهم وطلعوا......
وصلوا نوف اول بيتهم... وكانت ندى تتمنى ان احمد يطلع قدام عيونها مثل قبل ساعات... لكن اللي فتح لنوف الباب كان محمد اخوها الصغير اللي كبر نايف...
فكرت ندى انه يمكن طالع.... فرجعوا للبيت...
****************
أنت تقرأ
غارقات في دوامة الحب
Storie d'amoreطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
