تكملة البارت التاسع.....
نوف صرخت : هاه وش تبي؟!.... خلني اشوف البطل بيموت وانت تزاعق فوق راسي...
احمد : لما اناديك ردي علي...
نوف : منيب... ارتحت الحين...
احمد رجع يستفزها : نيووووف.....
نوف : تبن....
احمد مسك المخدة ورجمها عليها وضربت براسها....
نوف : اي..... احمدوووووه خلني رايقة.... لا تعفس لي مزاجي.... خلني اشوف على راحتي....
احمد : هههههههه خلاص شوفي على راحتك لاتاكلينا بلسانك الحين.....
قام رايح لغرفته يغير ملابسه.....
بعد ماغاب احمد فوق دخلت ام احمد للصالة.....
وشافت حال بنتها ريم اللي قاعدة ومسنده وجهها على يدينها في وضع يشير للملل.... التفتت لنوف... نوف وراك ماتدىسين اختك؟!
نوف : قلت لها يمه بعد الفلم..... بيخلص الحين مابقى عليه شي.....
ام احمد : اختك اهم من الفلم.....
نوف : بضيق تنهدت يمة تكفين ترا من زمان ما تابعت فلم كامل بدون ماتخربونه علي.... خليني هالمرة اشوف على راحتي....
ام احمد : واختك مين يدرسها؟!.....
نوف : حاضر يمة حاضر.... انا بدرسها بس بعد الفلم... اوكي؟!.....
سكتت ام احمد وراحت للمطبخ تشوف وش صار عالعشا
أثناء العشا..... كانت نوف قبله درست اختها وساعدتها... جلسوا على طاولة الطعام....
ابو احمد : نوف شخبار الجامعه اليوم؟!.....
نوف : كويسة
ابو احمد : حلوة مثل ماتوقعتيها ولا العكس؟
نوف : والله فيها محاسن ومساوئ
ام احمد : انتي اصلا مايعجبك العجب ولا صيام برجب
نوف : يمة مو انا لحالي... فيه دكتورات يرفعون الضغط ويكرهون الوحدة بالمحاضرات والجامعة بكبرها.... حتى اسألي شوق....
ابو احمد : الله يوفقك ان شاء الله
في نصف العشا.... تذكرت نوف مكالمة ندى لها وطلبها... رفعت راسها لاختها سهى...
نوف : ايه سهى.... صدق ماقلت لك
سهى : وشو؟
نوف : ترا ندى عازمتنا يوم الخميس لحفلة....
سهى : حفلة؟.... وش المناسبة؟
نوف : مدري..... بس تقول حفلة لشوق
ام احمد : ابتسمت ياحليلها ندى.... مابقت في رأسها شي الا وسويته لبنت عمها.... يابختها شوق فيها.....
احمد : مسكينه هي بعد.... فهد هالخبل موريها الويل ونجلاء مسافرة..... من لها الحين غير بنت عمها
نوف بقهرر : تدري احمد.... ولد خالتك هذا ودي ازنطة....
احمد : هههههههههههههه.... لا يسمعك تقولين عنه كذا ولاترا بيحطك في الصورة وبتشوفين منه الويل انتي بعد....
نوف : يمممممممه.... لا خليني بعيد عنه احسن...
رجعت سهى تكلم اختها عن سالفة الحفلة : والحفلة هالخميس ولا اللي بعده؟!
نوف : لا هذا اللي جاي.... وقالت لي بعد ندق على بنات عمي ونعزمهم...
سهى : اهااا.... ودقيتي عليهم ولا لسا....
نوف : لا توني.... دقي عليهم انتي اخاف انسى.....
سهى : خلاص بعد العشا بروح أدق على فرح واخبرها
هنا احمد تذكر شي وضحك....
احمد : ههههههههههههههههههه...... الا على طاري بنات عمي... مادريتوا ؟!...
ابو احمد : خير ان شاء الله
احمد : بدر ولد عمي بيرجع بعد بكرة
ابو احمد تهلل وجهه : ماشاء الله... زين زين.... يني خلاص خلص دراسة برا.....
احمد : ايه دق على اليوم يسأل عن الأحوال وقالي انه بيوصل ان شاء الله بهد بكرة
ام احمد : ماشاء الله عليه..... عيني عليه باردة.... الا هو كم عمرة... ؟
احمد رفع راسه بتفكير يحسب : هو يوم يروح اذكر انه كان عمره 22 وقعد هناك ثلاث سنوات.... معناته عمرة الحين 25... (والتفت لنوف مبتسم ) .... ويسلم عليك يانوف؟!....
بقتت نوف عيونها مرتاعه.... الظاهر ان الولد عمها على أطباعه.... وما أرسل سلامه مع احمد الا بمثابة التحذير والوعيد.... يعني قصده انا مانسيت والسفره الطويلة هذي مانستني.....
تركت موف الملعقة من يدها.... وقالت بحده : وولد عمك هذي مايتوب عني.... كني ذابحة له أحد....!!!
احمد : ههههههههههههههه... يقول مشتاق لسوالفك بعد....
نوف بحده : اقول قله نوف اللي انت تعرفها من ثلاث سنين كبرت ولاعاد همها اللي كنت تسويه فيها....
احمد : ههههههههههههههههههه... اقولك شي نوف... من طريقة كلامة معي باين انه ماتغير.... وهو نفسة بدر اللي قبل ثلاث سنوات....
التفتت نوف لابوها : يبه... شف ولد اخوك.... مايحل عني.... لاحقني حتى بعد سفرة....
ابو احمد ابتسم : ياحليلة.... كان معتبرك مثل خواته ويستانس معك يمكن اكثر منهم بعد....
نوف بحسرة : يبه... ترا انا مانسيت كل اللي سواه فيني.... واخاف يجي ويكمل علي.... تعرفة ولد اخوك مايمسك لسانه....
احمد : وانتي بعد.... فيك حقك....
برطمت نوف ساكتة.... بدا الرعب يدب في قلبها من سمعت باسم بدر ولد عمها.... وش معنى توه يذكرني من ثلاث سنين ويرسل سلامة مع احمد..... ليش الحين يتذكر لما جا يرجع.... اتمنى مايكون ناوي على شي.... عساه بس تغير وتغير اسلوبه معي.... من يشوفني ابد مايمسك لسانه واللي في قلبة يطلعه كله في وجهي.... الله يعيني عاللي جاي.....
************************
أنت تقرأ
غارقات في دوامة الحب
Romanceطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
