غارقات في دوامة الحب

تكملة البارت الرابع

تكملة البارت الرابع.....

بعد ساعة ونص......
ندى : شوق يالله قومي
شوق :على وين؟
ندى : قومي بوريك بيتنا....
ابتسمت شوق وقامت معها وطلعوا من الغرفة.... وتوجهوا اول شي لغرفة شوق اللي إلى الحين ماجهزت..
فتحت ندى الباب الغرفة : ها شوق هذي غرفتك..
شوق وهي تقلب عيونها في أنحاء الغرفة : الله..... نايس!!!
ندى بسخرية : أي نايس؟!!.... مافيها غير كومدينة والموكيت..... بس
شوق : حتى لو.... حلوة مادامها في بيت عمي وجنب غرفة ندى حبيبتي....
ضحكت ندى وحطت يدها على كتوف شوق : شوفي عاد ياحلوة.... غرفتك هذي نبيك انت اللي تختارين اثاثها ولونها عشان نصبغها لك....
شوق ابعدت يد ندى عن كتفها وتراجعت وهي تقول :لا عاد ياندى.... ذا كثير
ندى : أي كثير انت بعد..... هذا كلام ابوي ومانقدر نخالفة.... وبعدين هو يبغاك تختارينها عشان تكونين مقتنعة وترتاحين فيها أكثر...
شوق في هاللحظة حست بفرحة كبيرة تغمرها.... معناة كلامك ياندى ان عمي فعلا يبيني اسكن عنده......
الله لايحرمني منك ياعمي
ندى لاحظت سرحان شوق والابتسامة اللي مازالت مرسومة على وجهها
ندى : ها ياحلوة.... وين رحت؟
شوق انتبهت : ها..... رحت بعيد معك....
ندى : طيب تعالي اوريك باقي البيت طلعت وعلمتها وين غرفة عمها وزوجته اللي كان لهم جناح خاص..
وغرفة منى اللي كانت قبال غرفة شوق.... وغرفة فهد كانت ملاصقة لغرفة منى.... وبعدين غرفة نايف اللي بجنب غرفة ندى..... كانت الغرف على شكل دائرة وفي وسط الدرابزين اللي يطل على دور السفلي.... كان البيت كبير وعلى درجة من الفخامة والرقي....
بعد كذا نزلت بها للصالة.... وكانوا نايف ومنى يلعبون بلاي ستيشن.... من شاف نايف شوق نازلة ابتسم لها والتفت لمنى...
نايف : هي انت.... قومي خلي بنت عمنا الجديدة تجي تلعب بدالك.... انت زلابية ماتعرفين تلعبين....
ظحكت شوق على ( بنت عمنا الجديدة)..... راق لها اللقب منة حطت يدها على خصرها : لاه وليش انت الي ماتقوم وتخليني العب معها.....
ندى : اقووول بلا طقاق انت وياه....
شوق مهي بفاضية للعب ( والتفت لشوق)... يالله شوق اوريك الحديقة....
طلعوا من الباب الصالة المطل على الحديقة (كان الصالة بابين... باب على الحديقة على طول وباب عالحوش) شوق لما شافتها شهقت
شوق : الله..... مرة مرة مرة روعه.... خيال!!!!
ندى ظحكت : عجبتك اكيد.... هذي الله يسلمك ابوي مختار تصميمها كيف تكون.... من أحواض ورد وأشجار والتوزيع وشكل النافورة..... عاد ابوي ماشاء الله عليه ذوق في هالاشياء ..... وجايب متخصصين بالحدايق عشاء ينسقونها ويرتبونها ........
شوق :بصراحة ندى.... تجنن..... مع النافورة طالعة روعه
ندى : تعالي خلينا نشغلها.... بتلطف الجو وبتكون الجلسة احلى.....
توجهوا لطاولة وكراسي في وسط الحديقة بجنب النافورة اللي كان ديزاينها عجيب وجاعلة للحديقة رونق رائع......
ندى : اجلسي وانا بروح اشغلها ندى توجهت للمفتاح اللي كان بزاوية في الحديقة..... وأما شوق بدل ماتقعد قربت من النافورة اللي ادهشتها فعلا.... وطلت بوجهها على احد النوافير الصغيرة.... وتمت تتأملها فترة.....
فجأة...... اندفعت المويه في وجهها.... فصرخت من الروعة...
شوق : حسبي الله على العدو
رجعت ندى وهي تضحك....
ندى : هههههههههههههههههههههههه
ماقلت لك بشغلها.... ليش قربتي منها!!
شوق ببراءة : مادري... جذبني شكلها.... ش في وجهي شلون صار... يقطر
ندى : هههههههه.... تعالي اجلسي وتفرجي عليها مثل ماتبين..... راحوا لطاولة وجلسوا عليها اللي كان الستايل حقها حلو أيضا... وكملوا سوالفهم
وهم في غمرة السوالف والضحك... شافت ندى عمر جاي من بعيد يمشي ببراءة
ندى : عمر حبيبي تعال....
راح عمر جنب اختة وسأل : ندى... مين هذي؟!
شوق سبقتها... وهي مبتسمة في وجهه : انا شوق بنت عمك ياحلو...
عمر بتساؤل : سووووق؟!
شوق : ايه... شوق... ماتعرفين...؟!
عمر : لأ.... ليث ديتي؟... ( ليش جيتي)
شوق وهي تضحك : جيت عشانك.... مادريت؟! 
عمر مافهمت : هاه؟!
شوق سحبته وحضنته وهي تضحك... : ندى اخوك هذا عاجبني من أول ماشفته.....
ندى بفخر : من حقك.... وين تلقين مزيون مثله.... ؟!
شوق : اقول لايكبر راسك.... انا قلت هو مو بأنت...!!
ندى : أصلا هو ماطلع مزيون الا عشاني اخته....
شوق : وفي هذي صدقتي... كم عمره..؟!
ندى : ثلاث سنين تقريبا..
عمر : من انتي؟
شو ق التفتت له مبتسمة : انا شوق.... قول شوق...
عمر : سوق
شوق : شوق
عمر : سوق
شوق وندى : ههههههههههههههه
عمر كان واقف ومطلع لسانه من الحيا... ش ق كانت حاضنته وتبوس فيه كل ش ي....
شوق : عمر عطني بوسة....
عمر على طول طبع بوسة على خدها....
شوق : الله... وهذي مني الك... وباستة على خده...
بعدها قام عمر من حضنها وراح راجع لداخل....
شوق : ياحبي له... يجنن...
ندى : مستحي... للحين مستغرب وجودك عندنا....
شوق : ايه من حقه... المهم يالله سولفي لي عنكم...
ندى : وش تبيني اقول....
شوق : كل شي يخطر عالباب...
ندى : ههههههههههههههه... اوكي... وقعدوا على حالهم ضحك ومزح وسوالف....
******************