ندى : ايه اختها اللي اكبر منها..... و بيجون بعد صلاة المغرب
شوق : حلوووو!!! وانا بعد ابغى اشوفهم
ندى : يالله اجل..... قومي خلينا نتغدى ترا تأخرنا عليهم تحت
شوق بارتباك : وفهد؟
ندى بقلة صبر : ياذالفهد اللي مسوين سالفة..... ياحبيبتي فهد من كم يوم وهو يتغدى برا..... يالله كوه....
قاموا كلهم ونزلوا تحت يتغدون مع الباقين..... ماعدا فهد اللي ماكان موجود مثل العادة.....
...........................
بعد صلاة المغرب... الساعه سبع الا ربع شوق وندى كانوا بالغرفة يتجهزون.....
شوق : اقول ندى ملابسي حلوة
ندى : ياربي..... انتي كم مرة سألتيني هالسؤال... هاذي عاشر مرة
شوق : وش اسوي احس انها مب مناسبة
ندى : الا مناسبة ونص...... تراهم موب غرباء
شوق : بس بالنسبة الي اول مرة اشوفهم
ندى : يالله عاد..... انت بتشوفين ملابسهم شلون بتصير..... بسيطة.....
في هاللحظة سمعوا جرس الباب يرن.....
ندى : يالله ننزل.... اكيد هم
نزلوا تحت للصالة اللي كان فيها بس منى تحل دروسها.... ونايف يلعب بلاي ستيشن
ندى : قلتوا للخدمة تفتح الباب؟
منى : ايه قلتلها
شوي وانفتح الباب الصالة ودخلوا بنتين
ندى : هلا والله.... بالطش.... والرش..... والبيض المفقش
نوف تضحك على طريقة ندى اللي ماتتغير : ههههههههههههه هلا قلبي
تقدمت نوف لندى وضمتها
ندى : شخبارك؟
نوف : تمام الحمد لله
تقدمت ندى لسهى....
ندى : وش هالغيبات يالقاطعه.... ابد مانشوفك
سهى : هههههههههههههه...... حقك علي حبيبتي
ندى بعد ماسلمت : تدرين لو انك ماجيت اليوم وش بسوي فيك؟
سهى : اجل اشوى اني جيت
التفتت ندى لشوق
ندى : وهذي بنت عمي شوشو
نوف تقدمت تسلم على شوق : ماشاء الله وش هالحلاوة
شوق : تسلمين ياعمري.... شلونك؟
نوف : انا الحمد لله تمام انت كيفك؟
شوق : بخير
ومن بعدها سلمت سهى على شوق وراحوا يجلسون على الكنب
ندى توجه كلامها لمنى ونايف : وانتوا ورا ماتقومون تسلمون..... عيب عليكم
قامت منى تسلم.... أما نايف جالس يكمل لعبة ولا عبرهم
ندى : نايف.... قم استح على وجهك..... قم سلم
سهى : خلييه شكله متحمس في اللعبة
نايف : لحظة شوي.... مو بطايرين
ندى : عصبت.... قم عيب عليك
قام نايف وهو يتأفف..... وسلم من غير نفس
ندى : ابتسم على الاقل بدال هالبرطمة
مارد نايف ورجع يكمل لعبة..... ورجعوا البنات لأخذ الاخبار والسوالف.....
ندى : وش تبغون بنات.... عصير ولا قهوة
نوف : خليها عصير احسن.... انا مااشرب قهوة كثير
ندى : وانتي سهى
سهىى: وانا بعد عصير
ندى : وشوق؟
شوق : عصير بعد
راحت ندى تقول الخدامة ورجعت
ندى وهي تجلس : ايه نوف ماقلتلك
نوف : خير
ندى : شوق معك بالجامعة وبنفس القسم.....
نوف : والله؟
ندى : ايه والله.... لا جدولها نفس جدولك يعني بالكلاس معك
نوف ماصدقت : حلووووو..... اخيرا لقيت احد اعرفه معي بالكلاس
شوق : وليش فرحانه كل هالقد
نوف : ماادري ماحب اقعد لحالي
شوق : شوي شوي..... وبتعرفين على بنات
نوف : هذي يبيلها وقت..... وانا ماحب اصادق اي وحدة كذا عالماشي..... لازم اعرفها زين
شوق : الحمدالله حتى انا كنت خايفة من هالسالفة
سهى : وانحلت لثنينكم
ندى : وانتي سهى.... مستعدة للكورس الاخير؟
سهى : تقدرين تقولين
ندى : الله يعينك يارب
بعد ساعه نزلت ام فهد..... قاموا كلهم يسلمون
ام فهد : حيالله من جانا....
سهى تسلم : الله يحييك خالتي.... شخباركم
ام فهد : الحمدلله.... شخبارك انتي.... وشخبار امك والوالد
سهى : والله الحمدلله بخير وصحة.... ويسلمون عليكم
ام فهد : الله يسلمك وياهم من الشر
تقدمت نوف تسلم بدورها : اهلين خالتي....
? how r u
ام فهد : والله ماادري وش تخربطين
كلهم ضحكوا
نوف : هههههههههههههههههه...... امزح معك خالتي.... اقول شلونك؟
ام فهد : الحمد لله بخير وصحة
ام فهد بعد ماجلست : اخيرا فكرتونا تزورونا؟
نوف : والله ودي ازوركم من زمان.... بس تعرفين خالتي.... امي تقول توني صغيرة وما يصير اطلع لحالي مع السواق...... وابوي واحمد دايما مايفضون..... بس اليوم قدرت اقنع سهى تجي معي
ام فهد : وانتي سهى وش عذرك؟
سهى : ادري اني مقصرة خالتي.... وحقك علي في هالوقت دق جوال سهى..... رفعته ودرت
سهى : الووو........ هلا يمة....... تبينه الحين..... اوكي......
ومن اللي بيجيبنا..... اه اوكي خلاص بقوله يجيك..... مع السلامة.... وسكرت
سهى تكلم نايف : نيوف..... نيوف حبيبي التفت لها نايف : نعم
سهى : ممكن تروح تقول لسواقنا يرجع للبيت عشان امي تبيه
نايف : طيب........ قام وطلع.....
ورجعوا لسواليفهم اللي ماتخلص......
نوف : ها شوق..... عسى مرتاحة هنا مع وحدة بلشة مثل ندى.....؟!
ندى : انا بلشة يانووووف
نوف : ايه بلشتين بعد..... مو بلشة وحدة.....
ندى : حدك عاد يابنت سعد...... وبعدين وش اللي حارق رزك انتي....... وش عليك اذا كانت مرتاحة ولا لا....... قولي انك تبين تعيشين عندنا..... لا قولي.......
شوق : ههههههههههههههه...... هوو شفيك هبيتي في البنت هبة......!!!
ندى وعيونها على نوف : لا خلها ترد...... يمكن غيرانه وتبي تعيش عندنا......... بس بقولك من الحين.... ترا ماعندنا غرف زايدة اذا تبين تقعدين...... عندنا غرفة في السطح تبين تنومين فيها اهلا وسهلا ماتبين تنومين يكون احسن بعد......
نوف : لا حبيبتي..... انا عايشة في بيتنا مثل الملكة..... وش اللي يخليني اتنازل اصلا واعيش مع وحدة مثلك....
ندى بغرور : ياحظك لو تنعمتي بقربي ولو دقايق....
نوف : انا مادري من وين جبتي هالثقة الزايدة اللي بينفجر راسك منها...... اشوف راسك كابر عن آخر مرة شفتك فيها........
سهى : ههههههههههههههههه
نوف طنشت ندى والتفت لشوق تسولف معها....... ندى قامت تقول للخدامات يجيبون صينية الشاهي
جلسوا يشربون وهم يفرفشوووون.....
بعد ساعتين يعني حوالي الساعه عشر دق جوال سهى مرة ثانية
سهى : الووو...... هلا أحمد...... الحين..... إن شاء الله..... خلاص تستناك....... باي.... وسكرت
نوف : وش يبغى احمد؟
سهى : جاي يأخذنا الحين
ام فهد : ايه وراكم مستعجلين عاد..... تونا مبكرين
سهى : الا قولي متأخرين خالتي..... ورانا جامعة بكرة
ام فهد : ايه على راحتكم اجل
سهى : قومي البسي عبايتك نوف..... عشر دقايق واحمد واصل
قامت نوف مبرطمة...... عاجبها الجلسة.... عشر دقايق ورن الجرس.... قاموا نوف وسهى طالعين قامت ام فهد معهم
سهى : لا خالتي ارتاحي مانبي نتعبك
ام فهد : لا ابد.... بروح اسلم على أحمد
طلعوا.... وعلى طووول ندى طارت لشباك الصالة
شوق : ندى شفيك؟
ندى تأشر بيدها : اششششششش..... تعالي شوفي!!
شوق : وش اشوف
ندى : تعالي شوفي وانتي ساكتة
راحت لها شوق ووقفت جنبها
برا في الحوش.... طلعت سهى لأحمد.....
احمد : ها يالله اركبي
سهى : خالتي الجوهرة تبي تشوفك وتسلم عليك
احمد : وينها هي
سهى : واقفة في الحوش تنتظرك
نزل احمد بسرعة ودخل البيت
احمد : السلام عليكم
ام فهد : وعليكم السلام هلا هلا.... شخبارك ياحمد
احمد وهو يحب راسها : بصحة وسلامة.... شخبارك انتي ياخالتي..... بشريني عن علومك
ام فهد : بخير وصحة وعافية....
كانوا ندى وشوق واقفين يراقبون..... خاصة ندى الي عيونها مافارقت احمد
شوق : اقول ندى هذا أحمد؟
ندى وهي ذايبة وعيونها سكرانه عليه : ايييييييييه
شوق : طويل ماشاء آلله
ندى : تتمتم.... ياحلو ضحكته.....!!!
شوق : نعم ؟! وش قلتي؟!
ندى : لا ابد ماقلت شي
شوق : اجل يالله خلينا نبعد..... لا ينتبه لنا
ندى : لا ماراح ينتبه
شوق : كيفك..... انا رايحة
دخلت شوق..... وندى مازالت شرحانة في احمد تراقبة في كل حركاته وسكناتة......
ياربي..... يجنننن..... يجنننننننننن..... عطيني بس نظرة.... نظرة وحدة تكفى
طلع احمد وراح وأم فهد دخلت الصالة وندى مازالت على حالها بالها مو بمعها
ام فهد : شوق.... وين ندى رقت؟
شوق : وهي تأشر للشباك.... لا شوفيها ورا الستاير
التفتت ام فهد : هووو..... وش تسوي ورا الستاير؟
شوق : مادري عنها.... المشكلة مافي شي تتفرج عليه
راحت ام فهد لها وسحبت الستاير
ام فهد : نديوو ووووو..... وش بتسوين هنا؟
ندى ارتاعت : يمه..... روتيني.... ما..... ماسوي شي
شوق ضحكت على شكلها....
ام فهد : اقرضي لو أحمد شافك
ندى : لا يقدر يشوفني.... ماالتفت اصلا وراحت عن امها عشان ماتسالها اسأله محرجة اكثر
ندى : يلى شوق انا بروح انوم..... تجين؟
شوق : لا انا بقعد شوي وبلحقك
ام فهد : والعشاء؟
ندى : مابي اكلت كيك قبل شوي وشبعت
رقت ندى ودخلت غرفتها.... سكرت الباب وطفت النور وتمددت عالسرير....
وبدى بالها يشتغل باحمد.... وبدون ماتحس فتحت نور الابجورة ومدت يدها لدرج الكومدينة وطلعت دفتر وفتحته.... كان مليان ورد مجفف ويفوح منها ريحة ورد ورايحين عطرة..... وبينها كان موجود صورو..... طلعتها وجلست تتأملها.... ياربي شسوي..... افكر فيك ليل ونهار.... وقلبي كل ماله يتولع اكثر واكثر..... و مادري اذا انت حاس فيني ولا لا...... اخ قلبي....... شلون ارتاح شلون؟!!
جلست فترة على حالها هذا.... لما فتح الباب فجأة......
ارتاعت ندى وفزت من مكانها...... دخلت الصورة والدفتر جوا الكومدينة بسرعة
شوق بابتسامة خبيثة : شفيك انعفست؟!!
ندى تحاول تتدارك الموقف.... : ماانعفست ولا شي.... الا انتي اللي دخلتي بطريقة تروع
شوق موب مصدقة وحاطة يدينها على خصرها : لاه!!.... وش اللي كان معك قبل شوي
ندى مسكت المخدة ورميتها في وجه شوق : ماكان معي شي.... وبعدين وش ذا اللقافة..... شي خاص فيني
شوق : افا........ يعني لهالدرجة سري..... ماتبين اعرفة
ندى : بالنسبة لك كو بسري..... ومب وقته اعلمك وشو.... شوق : يعني بتعلميني؟
ندى : ايه....... بس مو الحين..... انا تعبانة وفيني النوم
شوق : طيب ندى نسيت اشتري لي ملابس للجامعة.... ماعندي اي شي مناسب ندى وهي تتغطى باللحاف البسي
أنت تقرأ
غارقات في دوامة الحب
Lãng mạnطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
