غارقات في دوامة الحب

تكملة البارت السابع

تكملة البارت السابع.....
فهد ماتم يطلبها..... رمى الحبتين في فمه وكلاها....
فهد : شوق انتي زعلانة؟!
شوق ببرود : وليش ازعل؟
فهد : عاللي قبل شوي.... (وضحك بخفة لما تذكر )
شوق : لا مازعلت...
فهد : بس اللي مبين العكس...
شوق بس تبي  تفتك : لا مازعلت..... تطمن
سكت فهد والبسمة مازالت على شفاته وكملوا طريقهم للبيت
راحت شوق على طول لغرفة ندى ولحقتها ندى بعد عشر دقايق....
****************
غربت الشمس  واختفى قرصها المتوهج رايح لعالم ثاني.... الطيور سكنت في اعشاشها واختفت تغاريدها.... هب الليل ومعه القمر والنجوم اللي تكون حاظرة كل مسا وكل أمسية........
دخلت ندى على شوق فجاةة.....
ندى بصراخ : شوق.... شوق...... شووووووق
شوق كانت قاعدة عالمكتب تقره وحدة من الكتب اللي لقتها في المكتبة ندى...... ومن دخلت ندى عليها بهالطريقة انتفضت في مكانها : يمة شوي شوي.... وش ذا الخرشة.....؟
ندى راحت تاخذ عبايتها اللي كانت مرمية عالسرير : قومي قومي البسي بسرعه
شوق : ليش؟
ندى  : بنطلع مع ابوي بالله بسرعة
شوق قامت تأخذها ملابس مع انها ماتدري هي وين بتروح : اي قوليلي علشان اعرف وش البس.....
ندى : هذي اللي معك تصلح.... بس خلصي لبسوا وخلصوا ويوم جوا ينزلون
شوق : لحظة ندى وين بنروح.....؟
ندى : بنروح لمحلات الأثاث.....
شوق : ليش.... وش الطاري.....
ندى : نسيتي وش قلت لك.... بنروح نشتري اثاث لغرفتك
شوق : وعمي وافق؟
ندى : ايه كلمته بالموضوع..... وخبرني انه اليوم فاضي وهو قالي اجي اقولك تلبسين عشان نطلع.... يالله لاتقعدين تكثرين حكي
نزلوا مع بعض لقوا ابو فهد لابس ينتظرهم تحت
ابو فهد : ها بناتي.... جاهزين؟
شوق : اي عمي جاهزين
ابو فهد : يالله اجل
توهم بيطلعون مع باب الصالة الا  ناط عليهم نايف
نايف : لحظة لحظة لحظة..... وانا بعد يبه بروح معكم
ابو فهد : لابس وجاهز؟
نايف : ايه يبه لابس
ندى : هيه انت وين تروح معنا؟ مانبي بزارين.....
نايف يغيضها : انا..... ما..... خذت.... رايك... وطلع لسانه.... وانحاش قبلهم للسيارة
ندى : ياربي هذا يعرف يرفع الضغط...
شوق :.... تستاهلين..... لاتحارشينة
ركبوا السيارة.... نايف قدام مع ابوه... وندى وشوق ورا
ومشوا على طول لمحلات الأثاث اللي كانت في وحدة من الشوارع الرياض المهمة...
في وسط الطريق....
ندى : يبه وش رايك نروح لإيكيا.... غرفهم مرة حلوة وانيقة....
ابو فهد : خل نشوف هالمحلات الحين...... بعدين اذا ماحصلنا شي نروح للي تبين  وقفوا..... وبدوا دوران عالمحلات.... وكانوا كل ماحصلوا شي موديله حلو..... يكون ضارب بالسعر بشكل خيالي او ألوانه مو مناسبة...
بعد ساعه ونص من لفه هالمحلات...
ندى : يبه.... خلاص مافي الا ايكيا..... مكان كبير..... وفيه أشكال وألوان
ابو فهد : خلاص مثل ملتبون
ركبوا السيارة وتوجهوا لمقصدهم.... دخلوه وتوجهوا لطابق الغرف.... كانت في اطقم حلوة وناعمة بالمرة...
وقت ماكانت تتمشى ندى وتلف وجهها يمين وشمال تتفرج عالاطقم... لقت كتالوجات محطوطة على طاولة.... خذت لها واحد وقعدت تتصفحة.... اعجبتها أشكال كثيرة.... رفعت راسها تنادي شوق.....
ندى : شوق
شوق اللي كانت واقفة جنب عمها يتناقشون الاراء على المعروض...... التفتت.....
شوق : هلا
ندى : تعالي شوفي...... في هنا اشياء حلوة بتختصر عليك التعب.....
راحت لها.... خذت لها كتالوج ثاني وقعدت تتصفحه....
بعد البحث.... وتبادل الاراء هي وندى ومعهم عمها.... اتفقوا.....
واختارت شوق.... طقم سرير بفراشه الكبير ذو موديل ناعم انثوي وروعه......
ومعه مكتب مزدوج للكمبيوتر والكتابة ومكتبة متوسطة وكمدينة...... وكرسي هزاز وكل مستلزمات الغرفة اللي انتوا تعرفونها...... يعني الغرفة كانت مرة كيوت مناسة لبنت مثل شوق اتفق ابو فهد مع موظفين المحل انهم يجيبون الغرفة بعد ثلاث ايام ويركبونها طلعوا وركبوا السيارة راجعين البيت
...............................
دخل الصالة وهو يدندن بأغنية ويلعب بالمفتاح في يده..... كانت امه جالسة بالصاله معا عمر تاكلة....
ام فهد : هلا فهد.... من وين جاي؟
فهد : والله كنت مع احمد...
عمر شاف فهد راح راكض له.... وفهد استقبله بضحكة وشاله وحطة على رجله
فهد : ياحلو يازينك....
عمر تم يضحك.... يحب اخوه ومايصدق يشوفه من من برا الا وهو جاي يركض له...... ينتظره بس يلاعبه ويضحكه.....
فهد : تدري ياحبيب قلبي ليش انت تهبل.... ؟
عمر ينطط في حضنه مستانس ويسولف سواليف غير مفهومة......
فهد : لأنك مزيون وطالع تشبه لي.....
ام فهد ضحكت : ياحظ عمر إذا طلع يشبهك.....
فهد : وهذي فيها كلام..... اكيد ياحظع...
عمر حط يده على وجه فهد وبدأ يلحوس فيه وفهد يلاعبه والثاني ميت ضحك
ام فهد : لاتضحك كثير..... تراه توه ماكل ويطلع اللي كلاه كله في وجهك
فهد انقرف وكشر : لا اجل مادام كذا خذيه عني.... ماني بناقص بلاويه....
ونزله على الأرض جنب امه...
فهد : اجل يمه وين ابوي.... نام؟
ام فهد : لا طالع
فهد : طالع؟..... غريبة الساعه الحين 11:30 ومب عادته يتأخر لها الوقت
ام فهد : طالع ويا البنات ونايف يشترون اثاث لغرفة بنت عمك.... واكيد هم في الطريق الحين
انفتح باب الصالة
ابو فهد : السلام عليكم
ام فهد و فهد : وعليكم السلام
شوق كانت الطرحة على رأسها.... لكنها من شافت فهد..... تغطت بطرف الطرحة بدون ماتحس
ندى بهمس : شوق...... ليش تغطيت..... نزلي الطرحة
شوق : مدري..... خفت
عرفت ندى ان الكلام معها ماينفع.... قامت هي وسحبت الطرحة
ندى : اتركيها لاسحبها منك.....
شوق : طيب خلينا نرقى لانقعد
ام فهد : ها ابو فهد.... بشروا.... عسى حصلتوا شي زين
ابو فهد : لا الحمد لله.... وبعد كم يوم بيجيبونها
فهد التفت لشوق بسرعه وعلى طوول حول نظره لندى اللي جنبها : ها ندى..... برد قلبك الحين..... حصلتي روحه مع ابوي
ندى تغايضة : ويزينها من طلعة..... مافيها لا حنة ولا رنة.... موب مثلك انت.... تخلي الواحد مايحب يطلع معك لأي مشوار
فهد : اشوى اعترفتي بنفسك.... عشان ماتنشبين فيني ودني لذا وودني لذا
ابو فهد : فهد.... هذي اختك... اذا ما وديتها انت من يوديها
ندى : اصلا الواحد اذا حب يطلع ومالقى قدامه الا فهد..... لازم ينذل عشان يقضي اللي يبيه....
ام فهد قطعت هالحوار : ندى روحي انت وشوق غيروا وغسلوا.... وتعالوا للعشاء
ندى : ان شاء الله.... يالله شوق
راحوا مع بعض لفوق ينفذون اللي قالتلهم عليه ام فهد ورجعوا نزلوا
جلسوا العشا......
كان أبو فهد في كرسي لحاله وأم فهد وفهد ومنى على يمينه.... ونايف وشوق وندى على يساره.... ومن الترتيب يبين ان شوق وفهد كانوا متقابلين.... طبعا هذا كان من غير قصد.... وشوق جلست والصدقة خلت فهد قبالها 
كانت تاكل بصمت.... وان تكلمت تكلمت مع ندى بهمس..... كانت تحس بتوتر وارتباك.... هي في وضع اول مرة تكون فيه بحياتها.... كانت منزلة راسها للأرض من الحرج.... ولا تجرأت ترفع عينها.... شوي شوي لما حست ان فهد مب لمها.... رفعت عينها بدافع الفضول.... شي داخلها يدفعها تغتنم هالفرصة لانه ماسنحت لها من قبل انها تتمعن فيه...... فلما تركزت نظراتها عليه انصدمت!!

ماصدقت انه هذا اللي جالس قدامها هو ولد عمها..... مو معقول.... هذا فهد؟!!!...... ياربي ياخذ العقل.... ياربي..... ياربي  وشلون ماركزت في ملامحه قبل... وشلون مانتبهت له.....!!!
شلون اركز.... وانا في الموقف اللي صار ماذكر شلون حتى كنت واقفة.... والسوبر ماركت كنت متغطية ولا حتى كلفت على عمري اركز عليه ولو لثواني..... بس الحين غير..... مافي مسافة تفصلني عنة الا متر او يمكن أقل.....
وتقول ندى مغرور.....!!!!
من حقه..... من حقه يغتررر.....
كانت شوق سرحانه وعيونها على فهد اللي منزل راسه لصحن الاكل وسرحان هو بعد.... لكنه فجأة رفع راسه وبشكل غير مقصود طاحت عيونه على شوق اللي عيونها معلقة فيه......
من انتبه لها نزلت عيونها على طول للصحن اللي قدامها ووجها انصبغ للون الأحمر القاتم.... كان فهد يتامع ملامحها اللي كانت في مراحل تغير واضحة.... وفي لحظة تذكر الموقف موقف اموقف امس.... موقف لقائه معها بغير قصد.... اللي خلاه يضحك  ضحكة مسموعة
ابو فهد : خير ليش تضحك؟
فهد والابتسامة على وجهه.... رجع عيونه على الصحن وهو يحرك الملعقة : لا ولا شي يبه...... تذكرت موقف صار بيني انا وواحد اعرفه وضحكت....
شوق كانت عارفة انها هي المقصودة.... ياربي انا وش جابني اقعد اتمحلق فيه..... حطيت نفسي في موقف اسخف من الاول.....
فهد قام : الحمدلله شبعت.... انا راقي لغرفتي
ابو فهد :وين مامداك تاكل 
فهد : لا يبه الحمدلله... تصبحون على خير
كانت آخر نظراته على شوق وهو مبتسم
ابو فهد وأم فهد : وانت من اهله
..........................