تكملة البارت العاشر....
دخلوا ابتسام وهدى مع بعض وسلموا وجلسوا...
بعدهم بخمس دقايق جو خلود ونادية.....
واكتملوا أعضاء الحفلة.....
بدت الضيافة من قهوة وحلا.... شاهي ومعجنات... والسوالف والضحك قايم على آخره....
ندى : بنات من يشتهي يرقص ويطلق الطاقات الداخلية..
فرح : انا ابي ارقص....
راحت ندى وشغلت الاستريو على اغنية (أغلى ناسي )..
وبدأ الاستريو يردح بصوت عالي كأنهم في عرس....
دلال الخبلة : الله...!!!... ماقدر اقاوم هالاغنية وهي أول وحدة نطت في الوسط صاله وبدت الرقص... دخلت معها ندى وفرح... وبعدها شوق ونوف وابتسام ونادية... وكل وحدة تطلع مواهبها... وترقص على طريقتها...
انتهت الأغنية وكل وحدة ترامت لها على كنبة....
نادية : يالله... من زمان ما قصت....
شوق : والباقين ليش مارقصوا.....
حنان : انا ابي اغنية دقتها سريعة
خلود : وانا بعد مااعرف على اغاني الهادية...
حطوا مشكلني وارقص
: خلاص الحين شوط لكم انتوا...
راحت وحطت مشكلني.... على طول بدا الرقص عليها... حنان وخلود وسهى ومها يرقصون...
والباقين يصفقون ويصفرون.... اغنية مشكلني
كانت قالبه الجو قلب بصوت راشد اللي أسر المكان... ومصرقع الوضع!!!!
بعد فترة جلسوا يرتاحون... وتقدم العصير والمكسرات.... ورجعوا لسوالف البنات اللي توسع الصدر وماتخلص....
شوق : لاتصدقونها تراها خبلة خبلة......
ضربتها ندى : خبلة في عينك انتي.... ترا بفضحك بمواقف اللي....... ( وغمزت لها بخبث)
شوق بتهديد : ان تكلمتي بحرف بفضحك اللي ساكن قلبك... اندرستاند!!!
فرح : لحظة لحظة هيه هية انتي وياها....
تتكلمون بالالغاز.... فهمونا كل وحدة تقول بفضح الثانية.... قولوا لنا هالفضايح اللي مخبينها.... ندى بلا مبالاة : عادي شوق.... عادي... مواقف وتصير... حتى اسألي كل وحدة فيهم... اكيد صار لها موقف مشابه....
شوق : كيفك انا حذرتك.... وان نطقتي بحرف بقولهم (وقربت من ندى وكلمتها في اذنها )... والكل يناظرهم في ترقب....
ندى : لا اجل خلاص خلاص... مني بمتكلمة....
شوق : ايه.... ماينفع معك إلا العين الحمرا....
دلال : يالله عاد كل وحده تقول اللي عندها.....
ندى بتراجع : لا اسمحوا لي في شر خطييييير
خاص جدا جدا جدا... خليه في بير شوق لان بصراحة شوق هي اللي تعرف هالسر بس....
فرح : ماشاءالله.... فووووو... على طوووول طلعت بينكم أسرار...
ندى خافت لاتجيهم عين... لان بصراحه طريقة فرح وهي تقولها كانت تخوف....
ندى : هيه انتي.... قولي ماشاء الله.... اذكري الله....
بقوم بكرة من النوم وانا كارهتها....
شوق فزت بمكانها من كلامها ندى وضربتها...
وقالت وهي تحرك يدها بوجه ندى : هيه خير ان شاءالله.... وينا فيه تكرهيني... لا حبيبتي
ماتقدرين تكرهيني... (وبكل فخر وغرور ) اصلا انا انحب غصب عن اللي يرضى واللي مايرضى....
نوف : هو هو هو... ندى الظاهر ان الكره بيبدأ من الحين مو من بكرا....
شوق : فال الله ولا فالك.... ندى ان كرهتني اذبحها....
ندى وكأنها قلبت : وليه تذبحيني... مو بكيفك... انا احب اللي ابي واكره اللي ابي... سامعتني يابنت عمي....
الكل : هههههههههههههههههههههههههههه
الكل ضحك الا شوق اللي كانت قاعدة تناظر ندى بنظرات غريبة بي الابتسامه كانت شوي وتنطلق منها..
شوق بعد مااخفت الابتسامة : وانا ناقصتني يد ولا رجل يعني؟... انا بعد اقدر اكرهك... لايكبر راسك... مو بانتي لحالك اللي تقدرين تكرهين انا بعد...
ندى باعتراف : عاد تدروووون.... انا اكره اي شخص... الا هالامورة اللي قاعدة قدامي...
الكل : ياهووووووووووو....!!!
ظلت ندى مبتسمة من دون ماتضحك تناظر شوق اللي ضحكت غصب عنها وحبها لبنت عمها يزيد دقيقة عن دقيقة...
وبعد هالسوالف....
فرح : بنات خلونا نرقص بس.... عندكم اه ونص.... ابي ارقص مصري.... من يعرف معي
شوق : انا برقص معك...
خلود : وانا...
ندى صفرت : ياهووووو.... المجموعه الذهبية للرقص المصري...
قامت ندى وحطت نانسي اه ونص... وكل وحده من الراقصات خذت لها طرحة وربطتها حول خصرها... ومن بدت الموسيقى بدى هز الخصر والكتوف....
ندى : ياهوو وووو...... شويق ماقلتي لي قبل انك تعرفين ترقصين مصري... والله منتي هينة....
ضحكت شوق وكملت رقصها....
حنان : والله بنت عمك ياندى خطيرة... رقصها احلى من رقص فرح....
ندى : وجع شوفي شلون تحرك هالخصر يمين وشمال... خلاص مااقدر ابي اروح ارقص... عطيني طرحتك....
خذت طرحة حنان وربطتها حول خصرها... وبدت ترقص
كان شكلها مضحكة بصراحة.... تحاول تهز لكنها ماتعرف.... وكل اللي قاعدين ماتوا ضحك عليها.....
ندى تعبت من الحركات (اقدر اقول ) البهلوانية اللي كانت قاعدة تسويها... عرفت نفسها انها ماتقدر تقلدهم..
فراحت وجلست جنب ابتسام عالارض وهي هلكانة....
ابتسام : هههههههههههههه..... امداك تتعبين؟!!
ندى : اخ ياقلبي.... والله يتعب... شلون ماتعبوا...
ابتسام : بلاهم يرقصون على أصول مو بمثلك..... انتي بس ترمين هالخصر يمين وشمال... لا تزعلين بس بصراحة... الرقص وادي وانتي في وادي....
ضربت ابتسام على رأسها : تتهزين انتي وياوجهك.... عالاقل انا قمت وحاولت مو بمثلك.... كانك شاطرة قومي هزي طولك وورينا اللي تقدرين عليه...
ابتسام : لا حبيبتي انا احافظ على ماء وجهي... مو باخلي نفسي مصخرة عند الكل...
ندى : الا قولي غيرانه.... عالاقل انا هزيت شوي.... (وبغرور) يعني فيني مواهب مندفنه..... بس يبيلها حفر شوية....
ابتسام ضحكت ومعها جنان : هههههههههههههههههه
حنان : تعجبني هالثقة اللي فيك ياندى.... لا تهتمين هي غيرانه بس....
ندى وهي تناظر ابتسام بطرف عينها : ايه... ادري ماله داعي تقولين... ابتسام لو تترك عنها الغيرة شوي كان احسن منها مافيه...
ابتسام ضربت ندى : وانا من متى اغار من ندى حبيبتي وصديقة عمري... ها ياللئيمة؟!
سفهتها ندى ورجعت تصفق وتصارخ : حبيبي قرب... بص وبص بص... زعلان ازعل... ازعل نص نص...
واللي معها بعد رجعوا يصفقون ويصارخون للي يرقصون.... والجو روعه عالاخر....!!
ابتسام لاحظت شي غريب ونغزت ندى.....
ندى : نعم... شفيك؟!
ابتسام وعيونها على مها : شوفي مها... ماكنها معصبة؟
ندى التفتت لمها اللي كانت جالسة عالكنب واللي يشوفها يقول شاب نار....!!
ندى بهمس لابتسام : هوو هوو شفيها ذي طاق الطبلون عندها....
ابتسام : ماادري... بس شكلها معصبة على شوق... ماشفتي نظراتها لها....
ندى : هو هو... مهي بصاحية... شوي وتقوم تفلق بنت عمي بالجزمة....
ندى نادت مها وهي مبتسمة : اقووول مها...
مها صحت من اللي هي فيه.... والتفتت لندى بابتسامة : هلا ندى....
ندى : شفيك ساكته...؟.... ورا ماتقومين ترقصين معهم...؟!
مها : لا مااعرف... خليني كذا احسن لي
ندى : ايه عاد لاتعبسين.. مو حلو عليك...
ابتسام بهمس : اللي يسمعك يقول مرة مهتمة فيها...
ندى بهمس : بالطقاق اللي يطقها... اصلا انا ماعزمتها امي اللي عزمتها... بس انا ابيها تبتسم لاتناظر شوق بهالنظرات تصكها بعين....
ابتسام : ههههههههههههههههههههه....!!
بعد الرقص والوناسة... بعد ساعتين... طلعوا للحديقة اللي كان فيها بوفيه صغير... كان سلطات وفطاير ومشويات.. وحلويات وعصاير... يعني تقدرون تقولون يليق بحفلة بنات...
جلسوا على طاولة كبيرة بالحديقة وجنب النافورة...
ومع صوت خرير المويه وعسعسة الحشرات كان الجو جدا شاعري...!!!
ورجع الضحك والسوالف عالعشا
فرح : انطني يالدبا... دلوووول استحي على دمك شوي!
دلال : عادي ياعمري.... مو انتي اول وحدة بتملك ولا اخر وحدة...
فرح : دلال تادبي شوي انا اختك الكبيرة
دلال : انا ماغلطت عليك ولا قلت شي غلط صح ولا لا يابنات....
الكل : صح.......
ندى : الا متى زواجك فرح.... ؟
فرح وهي تفكر : مدري للحين ماحددنا وقت معين بالضبط... بس اعتقد اعتقد انه بيكون بعد ثلاث شهور....
ندى باستهبال : وشو شعورك وانطباعاتك... بهالوقت ككونك تملكت خلاص؟
فرح برطمت : مدري.... خايفة...!!!
دلال وهي تغمز لها بخبث : خايفة؟!.... خايفة ياخراطة... ولا اقولهم عن حركاتك اللي القاك تسوينها كل مادخلت الغرفة عليك... اقولهم عن المناقز فوق السرير...؟
احمرت خدود فرح زيادة عالحمرة اللي هي حاطتها... وبلا شعور شدت اذن اختها بقوة...
فرح بغضب وخجل : اي مناقز فوق السرير اللي تحكين عنه... من متى انا انطط فوق السرير... لكن صدق اللي قال ( كلن يشوف الناس بعين طبعه) ... مو بانتي اللي تناقزين وتنططين فوق السرير كل ما جا مشعل ولد عمي؟!!... صح يابنت امي وابوي؟
الكل ضحك على شكل دلال اللي انقلب فجأة....
دلال : ايه وش فيها هذا مشعل ولد عمي وحب الطفولة... عيب يعني... وبعدين هو مثل اخوي لا أكثر ولا أقل...
فرح تبي تحرجها اكثر عشان تادبها... : والسري. اللي ينعفس وينقلب فوق تحت كل ماجا لبيتنا... وش سره... والله لو ان اخوي عبدالله كان مسافر ورجع مافرحتي له كل هالفرحة....
الكل : هههههههههههههههههههه...
ندى : هههههههههه..... حرام فرح احرجتني البنت...
دلال تبي تردها لاختها : اصلا فرح من يوم ماتملك على خالد وهي كل ساعه تدق عليه ازعجته المسكين... حتى نومه ماخلته يتهنا فيه.... الفجر تدق الظهر تدق وبكل وقت..... صدق بربارة ولزقه....
فرح بقبقت عيونها على اختها وكانها عصبت
شوي : انا يا دلوووول......؟.... انا يالتافهه... اصلا انا للحين ماخذت رقمة ولا كلمته....
حنان حست اختها فرح انحرجت مرة من دلال المراهقة... والمفروض انها ماتتكلم بالمواضيع الخاصة وكأنه موضوع عادي...
حنان بشوية جدية : دلال انتي من وين جبتي هالحكي... عيب هالكلام... ماتعرفين الأصول انتي... ولا لساتك يعني بيبي... بس هين كل هالكلام اللي قلتيه عند امي...
ندى رحمت البنت : شفيكم عليها هو ياكافي.... البنت قصدها تفرفش وبس...
أنت تقرأ
غارقات في دوامة الحب
Lãng mạnطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
