غارقات في دوامة الحب

البارت الخامس عشر

بارت الخامس عشر....
بيت ابو احمد....
كانوا نوف وسهى جالسين عند امل اختهم، اللي كان تعبها يزيد مع قرب موعد ولادتها، كانوا يسولفون ويضحكون... ومعهم ابو احمد يخفف على بنته..
ابو احمد (سعد) : عرفتوا اذا هو ولد ولا بنت؟
امل : لا... بندر كان يبي يعرف... لكني اصريت عليه يخليها مفاجأة، اللي يجي من الله حياه الله.... مايهمنا وش يصير اهم شي يجي بالسلامة
ابو احمد : وش قررتوا تسمونه؟
امل : اذا كان ولد بنسميه خالد واذا بنت بنسميه رغد
نطت نوف : ووع رغد... سموها غادة احلى
امل كشرت : لا... يع غادة... رغد احلى من غادة..
نوف : حرام عليك غادة حلو..
امل : حلو بس رغد احلى... وش رايك يبه؟
سعد (ابو احمد) : غادة ورغد حلوين.... بس الرأي رايك انت وبندر...
امل : لا بندر موافق على رغد...
نوف : مالت عليك انت وبندر... صدق ماعندكم ذوق... اقولكم من الحين... خذوا براي... ترا ذوق نوف بنت سعد غييييييير...
رمت امل عليها المخدة : لاتجيبين طاري بندر على لسانك فاهمة
سهى : كم مرة قلت لك بندر هذا غالي لاتجيبين طاريه بالشين.
نوف : ماقلت شي بس غادة احلى...
سهى : لا بالعكس... انا احس رغد احلى وأنعم..
رمت نوف المخدة على سهى اللي تفادتها بسرعه : كلكم اذواقكم شينة
ابو احمد : بس بس بلا طقاق... اهدوا خلوا اختكم ترتاح من صجتكم
دخلت ام احمد بهاللحظة : شوي شوي وش فيكم.... صوتكم واصل الحوش
سهى : نوف الملقوفة تدخل نفسها في كل شي
نوف : ماقلت شي... رأيي واقوله عيب يعني؟
سعد : لا موعيب... بس خلاص ماله داعي هالصراخ كله... اختك تبي ترتاح..
نوف مبرطمه : طيب لاتصارخون علي...
سهى : يعني ماتدري ان احمد عنده شباب بالمجلس ولسانك هالطويل اكيد وصل لهم
نوف : قولي والله
سهى : تسوين نفسك ماتدرين !؟
حطت يدها على خدها من الخوف : ماكنت ادري.... ياويلي بيذبحني احمد....

بعد نصف ساعه دخل احمد عليهم.. : السلام عليكم
الكل : وعليكم السلام
راح احمد وجلس جنب امه
ابو احمد : راحوا الشباب؟
احمد : ايه راحوا
ام احمد (سارة) : غريبه راحوا مبكرين اليوم...
تونا الساعه 10:15
ابتسم احمد وهو يتذكر كلام فهد : على قوله فهد... بينحاشون مبكرين... مادام الجلسة بدونه
سهى : وفهد ماحضر معكم...
احمد : لا..... نسيت اقولكم ان نجلاء جتهم اليوم
امل ماصدقت وقالت بفرح : لاه؟..... ياحبي لها مشتاقتلها...
ام احمد استانس... وماقلت فرح عن بنتها : متى؟
احمد : اليوم بعد المغرب راح فهد لبيتهم عشانها...
ام احمد : ياحبيبتي بنت اختي... تلقى اختي طايرة من الفرحة.....
نوف : أدق عليهم يمه اسلم عليها...؟!
ام احمد : دقي... وعطيني اكلمها
تو نوف بتقوم للتليفون... لكن احمد سبقها وقام قبلها : لا ارتاحي... انا اللي أدق عليهم اسلم
حطت نوف يدها على خصرها : ياسلام... وانا بعد ابي
احمد : لين كلمتها امي كلميها
راح للتليفون ودق على رقم بيت خالته...
~
~
~
~
في الصاله ابو فهد... كانوا نجلاء وندى وشوق ومنى جالسين يسولفون، وياكلون الحلى والكيك اللي تجهز مخصوص عشان نجلاء.....
ام فهد كانت توها تاركتهم ورايحه للمجلس عند سعود ورجلها وعيالها
ندى وشوق مسكوا بطنهم من الضحك : هههههههههههههههههههههههههه..!!
نجلاء بحرج..... وحمرة تلونت بخدودها : لا تضحكون..
ندى مسكت يد شوق من الضحك وشوق معها دمعت عيونها من كلام نجلاء...
ندى : هههههههههههههههه..... صدق انك خبله..... هبلتي بالرجال..... جننتيه....
ههههههههههههههههههه
نجلاء : والله كل ماتذكرت اللي سويت فيه... ارحمه.... احس اني عذبته معي الايام الأولى
ندى بعد ماهدت : والحين شلونك معه؟!
تنهدت نجلاء تنهيدة لها معاني كثيرة : لا الحين خلاص، الخوف اللي في داخلي اختفى....
سعود شخصية ماكنت احلم فيها بحياتي... عفوي ومرح
شوق : اوووه.. اووه... أثر الزواج عامل عميلووو...!!
ضحكت نجلاء : الزواج حلو اذا صار فيه تفاهم وحب بين الزوجين..
ندى بابتسامة : افهم من كلامك انك حبيتي سعود؟
نجلاء :..... فوق ماتتصورين..
..... رن جرس التليفون....
اللي كانت أقرب وحده له ندى.... فقامت ترد... : الوو
السلام عليكم
ندى : وعليكم السلام
هلا ندى شخبارك؟
اختفت الابتسامة العريضة اللي كانت مرسومه على وجهها... ورجع شريط ذكريات الأمس يمر قدامها... هو الوحيد اللي ينطق اسمي بهالطريقة.... مافيه غيره يقول ندى بهالنبرة....
حست بقلبها تتسارع نبضاته... والدموع بدت تتسابق لعيونها... يدها الماسكة للسماعه بدت ترتجف بدون ارادتها....
وجهت ظهرها لنجلاء وشوق عشان ماينتبهون لها.... وبهدوء قالت : هلا أحمد... الحمدلله... كيفك انت؟
احمد : الحمدلله... سمعت ان نجلاء جت عندكم..
ندى : ايه جت اليوم العشا...
احمد : وشخبارها؟
ندى : الحمدلله بصحة وعافية
احمد : ممكن تعطيني اياها اسلم عليها... وامي بعد تبيها
ندى : لحظة شوي...
نزلت السماعة لصدرها... ومسحت بيدها الدموع الحارة اللي سألت وهي تسمع صوته... ماكنت تحس من نبراته اي مشاعر عاطفية... ولا لمست من همساته ذرة حب وحدة.... وهذا الشي أكد لها انه مافيه قلبه عاطفة تجاهها... مما زاد همها هم...
التفتت لنجلاء : نجلاء
نجلاء : هلا..
ندى : تعالي احمد ولد خالتي يبي يكلمك يسلم عليك
قامت بسرعه وهي تبتسم ومسكت التلفون
وردت : هلا والله بولد خالتي...
احمد : يامرحبا يامرحبا بالعروس...
نجلاء : هههههههههههههه.... العروس هذي. من سنة...
احمد : والله كأنها من شهر... المهم شخبارك؟
نجلاء : الحمدلله بخير وصحة وسلامة.... انت شلونك وشلون خالتي والخوات؟
احمد : كلهم بخير..... كلهم بخير ويسلمون عليك...
نجلاء : ياحبي لهم... سلم لي عليهم كلهم وحدة وحدة
احمد يكلم اهله : تسلم عليكم كلكم..
في أثناء مكالمة نجلاء.. ابتعدت ندى بدال ماترجع لمكانها توجهت للمطبخ..
شوق : وين ندى؟
كملت ندى مشيها وبدونها ماتلتفت : بروح اشرب موية..
هزت شوق راسها وتاففت.. هذا أحمد!!.... كل ماقلت نست جاها شي ينكد عليها.... ياليتني انا اللي رديت ولا هي... الحين بترجع لحزنها من اول وجديد... وش اللي بينسيها هالمرة.....
رجعت انتبهت لصوت نجلاء اللي ارتفع : هلا خالتي... هلا شلونك؟.... والله الحمد لله... نحمد الله ونشكره... بخير........ شلونك انت؟.... وشلون امل والبنات... الله يسلمك يارب...
الحمدالله مرتاحة..... أمين يارب... والله دارية ياخالتي اني مقصرة معك.... بس وش اسوي... انشغلت..... ولا بصراحة ودي ادق عليك كل يوم.... انت بغلاة امي.... يابعد عمري...
~
~
~
في المطبخ اللي كان فاضي من الخدامات... دخلت ندى وسكرت الباب وراها.... تنهدت وعيونها تدور بكل جهه... والدموع مغطيتها... ياربي وش اسوي.... ريحني من الهم اللي انا فيه.... وشلون نسى بهالسهولة كل الكلام اللي قاله لي..... انا الغبية!!!.... انا الغبية اللي صدقت كلام واحد قال شي وعمره 9 او 10 سنين
انا المغفلة.... قلبي ساذج.... مايفكر فيك ياندى!!!.... اصحي من هالاحلام اللي انت فيها...... مواقف كثيرة صارت لك اثبتت لك هالشي.... اصحي!!.... هالاحلام اللي تحلمين فيها كلها اوهام من نسج خيالك..... الحب موجود في قلبك بس..... بس هو قلبه خالي من اي عاطفة تجاهك..... لمتى بتعيشين بهالوهم؟!!!!....
خلاص انسي.... انسي...!!
غمضت عيونها بشدة تبي تطرد هالافكار المزعجة... واللي ترن براسها.....
حطت راسها بين يدها... وجثت على ركبتها....
ندى : لا لا.... مابي انسى مابي انسى.... هذا مو حلم هذا واقع وبيصير......
تلعبين على نفسك.... ندى احمد مايحبك.... احمد يعتبرك اخته لا أكثر ولا أقل
ندى : لا أحمد يحبني.... يحبني... احمد.... لا انا احب احمد وهو بعد
ندى وش فيك
وصلها صوت شوق اللي كانت واقفه على باب المطبخ ونظراتها كلها خوف وقلق....
ارعبها شكل ندى وهي جالسة بهالشكل على أرضية المطبخ.... راحت لها بسرعه وجثت على ركبتها : ندى؟!!... يعورك شي؟.... راسك يعورك؟
رفعت ندى راسها وبأن وجهها اللي كان غرقان دموع : لا مافيني شي.... بس راسي يعورني...
شو ق: تبين اجيبلك بنادول...
ندى وهي تمسح وجهها بذراعها : ايه ياليت لو سمحتي
شوق وهي تمسك يدها : طيب قومي غسلي وجهك... وانا بروح لغرفتي اجيب لك... ساعدتها على الوقوف....
راحت ندى لمغسلة المطبخ وغسلت... ومشت شوق معها للصالة
شوق : روحي اجلسي وانا بجيب لك بنادول... رقت بسرعه لفوق وبالهنا مشغول على ندى معقوله هذا صداع... لا مستحيل... ندى قبل شوي كانت تضحك وتسولف وباين انها ماتعاني من شي.... لكن من كلمت أحمد... انقلب حالها خذت بنادول ورجعت نازلة...
لقت ندى تسولف مع نجلاء اللي خلصت مكالمة خالتها... لكن بمرح اقل من المرح السابق.... راحت لها وعطتها...
نجلاء : ندى وش فيك... وشو له البنادول؟
ندى : مافي شي... شويه صداع
راحت شوق للمطبخ تجيب كأس مويه
نجلاء تناظر اختها باسغراب : ندى عيونك حمر!!...
ندى : لا بس فركتها قبل شوي ومع الصداع احمرت
سكتت ندى وكملت سواليف معها...
بعد العشا بص ساعه...
رجع ابو فهد وزوجته وعيالها فهد ونايف للصالة
ابو فهد : حبيبتي نجلاء
نجلاء : سم يبه
ابو فهد : سعود يبيك بالمجلس قبل مايروح...
قامت : ان شاء الله
راحت للمجلس
ابو فهد : يالله انا رايح انوم... تصبحون على خير
ام فهد : وانا بعد جاية معك.... منى يالله شكلك تعبانه..
قامت منى بدون ماتجادل لأنها فعلا كانت دايخة من النوم..... ونايف نفس شي
مابقى بالاله الا فهد اللي قعد يناظر التلفزيون... وشوق وندى كانوا ساكتين.... لان شكل ندى مالها خلق تتكلم او تسولف...
قامت ندى فجأة
شوق : وين؟
ندى : بروح انوم
شوق : تونا اجلسي معنا شوي
ندى : لا ماقدر...... راسي يعورني
شوق تبي تجلسها باي طريقة... لأنها تعرف اذا راحت لغرفته بتقعد تهوجس وتفكر : طيب عشان نجلاء... بتسأل عنك..
ندى : لا قوليلها تعبانه ومهيب قايلة شي......
شوق تنهدت : ندى....