تكملة البارت الخامس....
وشوق مستغربة......
وش هالمكالمة اللي قلبت ندى لالوان!!!!
ندى نزلت تحت بسرعة لقت امها قاعدة مع عمر ومتى....
ندى : يمه فهد رجع؟
ام فهد : ايه رجع قبل ربع ساعة
ندى : طيب وينه هو...... في غرفته؟
ام فهد : ايه رقى قبل خمس دقايق رجعت ندى لفوق ركض ودقات قلبها مابعد هدت..... دقت باب غرفة فهد...
فتح فهد الباب.... : نعم
ندى : احمد يبيك عالتليفون
فهد : احمد؟..... وليش مادق على الجوال
ندى : ماادري يقول ان جوالك مقفل
تذكر فهد : اه صحيح.... طيب خلاص
قفل الباب وندى رجعت لغرفته وهي سرحانة في احمد وصوته وضحكته.... ياربي من زمان عنه.... دخلت للغرفة وسكرت الباب.... مشت للبلكونه وفتحت بابها وطلعت وبالها مب معها....... قعدت على كرسي..... وشوق تناظرها
باأستغراب....
وش اللي قلب حالها هذي...... توها قبل شوي دموعها اربع اربع.... وش صار لها الحين....
راحت لها وقعدت على الكرسي قبلها......
كانت ندى تناظر القمر اللي اليوم كان مكتمل.... وعيونها اللي كلها احلام....
شوق عقدت بين حواجبها.... شفيها هذي اللي يشوفها يقول غارقة في الحب.... لايكون صدق حبت جاك ذا!!!
شوق : ندى....
ندى :..........
شوق : ندى....... هوو!!..... ندى
ندى انتبهت : ها.... نعم
شوق : لا لا.... حالتك صدق يرثة لها.....
ندى : حالتي؟...... مافيني شي
شوق : علي انا؟...... توك قبل خمس دقايق تصيحين.... الحين انقلبتي
ندى تحاول ترقع الموضوع : لا ابد مافيني شي....
شوق بابتسامة خبيثة : ليش قبل شوي انقلبت الوانك
ندى ارتبكت : متى؟
شوق : تو في التليفون...... من اللي كلم؟
ندى : ا.... هذي وحدة تبغى امي
شوق : زادت ابتسامتها الخبيثة ايه بس انا سمعتك تقولين احمد!!
ندى : احمد ؟.... ايه..... ا.... هو اللي داق يبي امي تكلم خالتي....
شوق : خالتك؟....... يعني هو ولد خالتك
ندى : ايه
شوق : طيب ماقلتي لي.... ليش انقلبت الوانك.... والوجه اعتفس؟
ندى بدت تعصب : يووووو ياشوق..... كل السالفة اني ماشفته ولا سمعت صوته من زمان.... وقام يسلم.... وانا ارد.... بس
شوق تسوي نفسها وكأنها فهمت وهي مب مقتنعة : اها.... طيب ليش عصبت.... مجرد سؤال
ندى : ماعصبت ولا شي.... قومي نتعشى تراني جوعانة
طلعوا من البلكونه ويوم جو بيطلعون من الغرفة
شوق : اقول ندى اخوك بيتعشى معنا؟
ندى : ايه موجود.... اكيد بيتعشى معنا
شوق : اجل لا لا هونت مابي عشا
ندى : وبعدين معك انتي.... وش قلت لك قبل
شوق : ماقدر يااختي ماقدر
ندى : اقول بلا دلع ويالله معي....
ومسكتها مت يدها وسحبتها معها برا الغرفة ومشوا نازلين للصالة...
شوق : ندى اتركي يدي.... ماقدر
ندى : لابتقدرين
شوق : طيب عمي مو براضي.... خلينا نتعشى بالغرفة
ندى : مافيه.... تحت يعني تحت
شوق : يووووه ندى عاد لاتصيرين نشبة..
ندى : ششششششش..... ولا كلمة
وصلوا تحت للصالة اللي كانو كلهم مجتمعين الا فهد وابو فهد
ندى : يمة متى العشى؟
ام فهد : شوي عشر دقايق لين يوصل ابوك...
ندى وهي تناظر شوق : وفهد وينه مهوب متعشي؟
ام فهد : لا فهد طلب نجيب عشاه عنده في الغرفة فوق
ندى التفتت لشوق اللي كانت حاطه يدها على قلبها من الفرحة.... تمت ندى تشوفها بنظرات تقول سلمت منها هالمرة...... شوي ووصل ابو فهد اللي من دخل ركض له عمر الصغير ن فرحان بشوفة ابوه......
على العشا.......
كان الكل جالس على طاولة الاكل الا فهد مثل مانتو عارفين..... والضحك بيكسر جدران الصالة
نايف : أي يبه..... ماشفت وشلون هزأت شوق ندى اليوم العشا عالبلاي ستيشن.... بصراحة نكبة في تاريخ ندى
ندى : لا هزأتني ولا شي.... انتوا اللي حاطين لعبة صح
نايف : لا مهي صعبة.... وش معنى شوق عرفت تلعبها... انت زلابة ماتعرفين تلعبين
ندى : لا حبيبي تلقاها قبل كذا..... بس تمثل علينا
شوق كانت ميتة ضحك على نايف الخبل : ههههههههههههههههه..... والله هذي اول مرة العب فيها البلاي ستيشن بكبره
نايف وهو يشوف ندى بنظرات سخرية : شفتي الموهبة.... موب انتي اللي قاعد اعلمك شهر شلون تمسكين يد الكمبيوتر....
شوق فقدت سيطرتها : ههههههههههههههههههههههههههههه!!!
ندى تنرفزت...... بعد معد الا هي يجي ذا البزر على اخر عمري ويقول رأيه في لعبي
ندى : ترا ان ماانطميت وصكيت ثمك...... ترا والله بالصحن على راسك
نايف : ترا عادي الاعتراف بالحق فضيلة
ندى : نوييييييف..... انت وبعدين معك...... ماتحب الا الفضايح!!
ابو فهد : خلاص نايف كمل عشاك وانت ساكت....
ندى : احسن ماينفع لك الا ابوي
شوق : ههههههههههههههه.... ندى لاتحطين عقلك بعقله
نايف : شفيه عقلي؟...... سليم والحمدالله
شوق : لا ابد مافيه شي..... بس الله يخليك لاتقلب علي.... وبعدين شلون بفتك
ابو فهد: اجل وين فهد؟.... مابعد جا؟
شوق اللي كانت بتدخل اللقمة وقفت.... ندى تشوفها وتبتسم
ام فهد : فوق في غرفته
ابو فهد : وليش مايبي يتعشى؟
ام فهد : لا.... طلب نوديلة عشا فوق عنده بالغرفة.... مثل ماانت عارف مايصير .....
قاطعها ابو فهد وهو يهز راسه وفاهم وش تقصد....
الكل بقى ساكت وكمل عشاه...
فوق في غرفة فهد اللي كان يتكلم بالتليفون ويتعشى....
فهد : متى بيروحون؟
احمد : يمكن بكره الثلاثاء.... بيقعدون يومين هناك ويرجعون الجمعة
فهد : بصراحة مالي خلق الشرقية الحين.....
نسيت ان احنا رايحين لها ثلاث مرات بالاجازة.... ماملوا؟
احمد : حتى انا..... اعتذرت منهم.... مالنا راجعين منها اسبوعين...
فهد : قلهم ان فهد مو برايح
احمد : خلاص اوك.... الا انت وش بتسوي الحين؟!
فهد : اتعشى....
احمد : وليش تقولها من غير نفس
فهد : لاني اتعشى لحالي في غرفتي قدام اربع جدران
احمد بمزح : هههههههههههه...... وليش؟.... مقاطع اهلك؟
فهد تنرفز : لا..... لان البرنسيسة بنت العم تتعشى معهم تحت
احمد : ههههههههههههههههههههه...... وليش انت متنرفز؟
فهد : متنرفز لان حتى دخلة بيتي لازم اتنحنح فيها....!!
احمد : هد شوي.... ترا الموضوع مايستاهل....
فهد : اذا هذا مايستاهل وش اللي يستاهل اجل....
احمد : خلك من هالموضوع وقلي.... للحين ماسلمت عليها؟
فهد : رفع صوته ترا بذيتني بالسالفة.... خلاص ماني بمسلم.... ماني بمسلم ارتحت الحين.....
احمد : اوووووه..... ليش كل هالعصبية.... هد شوي.....!!
فهد : اوووف... قلت لك مابي اسلم عليها يعني مابي.... فكتي عاد....!!
احمد : اقول مع السلامة لا تدخل علي من سماعة التليفون وتذبحني
فهد من غير نفس : يكون احسن بعد... مع السلامة
وسكر...
رمى جواله عالسرير بنرفزة ودخل الملعقة في ثمه وهو يتأفف.....
***************
أنت تقرأ
غارقات في دوامة الحب
Romanceطبعا هذي الرواية باللهجة السعودية ومن اروع الروايات و بالنسبة الي صار اكثر من مرة اقرأ بيها واتمنى ان تعطوني رأيكم بيها واذا فهمتو هذي اللهجة وحبيتوها رح اكمل باقي الحلقات وهي تكون وعدد حلقاتها (109)
