غارقات في دوامة الحب

تكملة البارت

تكملة البارت الرابع عشر...

والأحزان تلف حولها.... بانت العيون اللي اصطبغت باللون الأحمر من البكي.... راحت وجلست جنبها : خير مدى يعورك شي.... ؟
ندى بصوت مبحوووح : لا....
نقلت شوق عيونها لطاولة..... شافت نفس الصورة اللي بالدفتر عندها لكنها مصغرة....
شوق : ابتسام والشلة يسألون عنك... يقولون وش فيها؟
رفعت ندى عيونها لها : وقلتي لهم؟
شوق هزت راسها : لا طبعا....
هزت ندى راسها بعلامه الرضى... ورفعت المنديل اللي كان مبتل... ومسحت به خشمها....
ابتسمت شوق وحبت تلطف الجو... طلعت منديل جديد من جيبها : خذي... خلاص فكي هالمنديل اللي بيدك.... ارحمي تقطع....
خذت ندى المنديل ومااظهرت حتى ابتسامة..... ضربتها شوق بكتفها....
شوق : يالله عاد ندى اضحكي.... والله ماتسوى عليك...
ندى : والله مالي خلق شوق... خليني لحالي....
شوق : منيب.... الحين اقولك امس انسي احمد تروحين تجيبين صورته معك للجامعة... تزيدين الطين بلة يعني؟!!
ندى : صورته دايما معي مااقدر اتركها.....
شوق : تقدرين لو حاولت...
ندى : رجعت لها عبرتها ودموعها رجعت تذرف وتأخذ نفس الطريق على خدودها الحريرية : ماقدر قلت لك ماقدر..... خليني لحالي تكفين... تكفين
وخبت وجهها بين يديها وبدت نوبة البكي....
شوق حست بالضيق لبنت عمها... وكانت العبرة فيها من شكلها اللي يقطع القلب...
رفعت يدها وحطتها على كتفها... : ندى خلاص لاتصيحين... ترا والله اصيح معك... ماتحمل اشوفك بهالشكل... انت اكثر من اختي
ندى من بين شهقاتها : روحي شوق... خليني لحالي..
ابي اجلس لحالي مالي خلق اتكلم مع احد...
شوق : مااقدر ياندى اخليك وانت بالحالة هذي... قلبي مايطاوعني...
قامت ندى وتمالكت نفسها ومسحت وجهها من الدموع : خلاص روحي... انت وراك محاظرة... مايصير تفوتينها...
شوق : منيب رايحة قبل ماتطمن عليك..
ندى : والحين... ماتطمنتي ؟....
شوق : لا.... دقي على وحدة من البنات وخليها تجي تجلس معك...
ندى : مابي احد... ابي اقعد لحالي... مابي اقابل احد...
شوق بحزم : مب على كيفك.... لا تصيرين معاندية... عطيني شنطتك....
سحبت شنطتها وطلعت الجوال... ودقت على رقم ابتسام....
شوق : ألوو... هلا ابتسام.... وينك فيه... اوكي ندى تبيك تجين تجلسين معها.... ايه في القاعه... انا وراي محاظرة ومااقدر اجلس... اوكي.... تنتظرك... باي...
ندى : وخليتني انا اللي ابغاها...
شوق بمرح : اييييه.... يالله حبيبتي هونيها وتهون....  سي يا
باستها على خدها... وطلعت من عندها بسرررعه.... ويالله لحقت عالمحاظرة قبل ماتدخل الدكتورة بلحظات
ندى من بعد ماتركتها شوق شالت الصورة ودخلتها في محفظتها ودموعها تزيد... دخلت المحفظة في الشنطة وحطت راسها عالطاولة وبدت تجهش وتشهق من شي كبير داخل قلبها.... ليش؟!... ليش؟!... مااقدر أصدق... مااقدر... ليش ياأحمد من بعد هالسنين تجي ترميها بوجهي وببرود..... مااقدر افكر بغيرك..... حاولت انساك بس قدرت..... ليش الحين توك تقولي.... ليش ماقلتها من قبل..... ليش ماقلتها قبل مااحبك كثر ماحبيتك.... وقبل مااتعلق فيك واتولع اكثر.... حرام عليك... حرام عليك... ليه ماحسيت فيني... ليه رميتني بهالدوامه.... محتاجتك ياأحمد محتاجتك... حست بيدين تلمس كتفها برقه وحنية.... رفعت راسها متفاجئة.......
ندى بهدوء :........ ابتسام...؟!
ابتسام ببسمتها الدايم : ايه ابتسام..... والا نسيتيني؟!
ندى ماضحكت ولا حتى ابتسمت... كل اللي سوته انها نزلت راسها للارض وتمت تمسح عيونها ووجهها بالمنديل....
جلست ابتسام جنبها بهدوء : ندى حبيبتي شفيك؟!... تعبانه شي؟!
ندى : يعني شوي...
ابتسام بنظرة قلقة : وش حاسة فيه...؟!
ندى : ماادري ابتسام... احس اني تعبانه وبس... مادري شفيني.....
ابتسام : شلون ماتدرين... ماتدرين وش اللي يعورك؟!
ندى حطت راسها بين يديها وبدت تضغط عليه من زود الصراع اللي عايشته...
ابتسام : ندى بسم الله عليك..... وش فيك؟!.... خوفتيني
ندى ماردت وغمضت عيونها بألم وشدة دموعها رجعت تذرف وبدت تتساقط على الطاولة....
ابتسام : ندى ردي علي.... وش فيك.... والله خوفتيني!!!
ندى تكلمت بصوت غلبت عليه البحة.... : مافيني شي...
تكفين ابتسام خليني... ابي اقعد ويا روحي لحالنا....
ابتسام : كيف تبيني اخليك لحالك وانتي بالحالة  هذي.... لا والله مايطاوعني قلبي... ظلت ابتسام جالسه عند ندى بس الصمت كان لحظات وشافت ندى تطلع جوالها من شنطتها وتدق على أرقام معينة......