اعلنت عليك الحرب

بارت 1

انقسمت حياتي لنصفين منذ يوم زواجي
لادخل القفص الذهبي مع من احببتها
في ذلك اليوم احسست بنعمة الله فيما رزقني
وادركت ان لكل بداية نهاية وان حياتي قد بدأت الان
وان قلبي هام في حب عصفورتي الرقيقة
و اني مُقبل لحياةٌ اخرى تختلف عن ال25 سنة التي عشتها من قبل لاصبح زوجاً وأباً و رب أسرة

قصتي تبدأ وانا في عمر ال20 في مدينة بغداد
في شهر تموز يوم 20 من الشهر حيث درجات الحراره المرتفعه و الجفاف المناخي المزعج 🙄

حمزة : - يمه ضايج شسوي
أم حمزة(زينب) :- يمه شسويلك يعني حالنا من حالك 😐
حمزة :- بالله هاي مو حالة الجو نار واني متت حر و فوكاها انقطع خط المولده و كاعد وصافن ومتمد عالارض وماكو لان نت ولا كهرب ليبرد كَلبي 🙄
أبو حمزة (عبدالله) :- ولك كافي تتشكى😑 مثل النسوان لو بيك خير جان رحت ويا اخوك و ساعدته يصلح الخط مو كاعد هنا مثل البنات و تنعوص فوك رأسي 😤
حمزة :- لا يابه لا ما حبيتها منك هاي😁 اني اخر العنقود المدلل مالتكم🙂 تريدني اطلع انشوي بالحر😏
ابو حمزة :- محد راح يخرب هالعنقود غيرك 😒
حمزة :- احبكم 😉
..... طبعا ابوي كلش انسان واعي ومثقف و يشتغل استاذ جامعي بكليه التربيه شكد جان يريدني افوتها بس اني مقبلت ما احب اكون مدرس بالمستقبل 😑
واصريت افوت هندسة اتصالات كلش احبها 😍و يا ريتني ما فتتها اكلت وحل بيها 😂 دراستها صعبه بس عالاقل اني ضامن من اتخرج اذا ما تعينت عالاقل اشتغل بشركة عن طريق معارف ابوي 😌😁
وأمي كذلك انسانه راقيه بكل معنى الكلمة تشتغل مديره مدرسه إعداديه للبنات بس سباعيه هوايه 😁 وكفت بوجه اهلها لتزوج ابوي جانوا ما موافقين لان امي شيعيه وابوي سني بس هالشيء ما وكف بوجه حبهم لبعض ايام الجامعه و استمروا يحاربون العالم كلهم لحتى يتزوجون 🙂 والحمدلله اتزوجوا بعد معاناة و الله رزقهم باخوي اكبر واحد بينا و المسؤول عن البيت من بعد ابويه
خالد هو موظف بالبنك و متزوج من بنت عمي زبيده معلمه بالابتدائية و عنده ولد مصطفى اسمه و اخوي البعده مهند خاطب وحده اسمها رقية ويا بالمعهد البنت حبابه وأخلاق و انعجب بيها و خطبها همه ثنيناتهم معهد نفط مرحله اخيره.
واني اصغرهم اخر العنقود 😎 حمزة طبعا ميحتاج اوصف نفسي للن باختصار اني اخبل😁😁طول بعرض و شعر و لحيه وعضلات و شخصيه و هيبه 😎اي اي واكثر كلش اهتم بنفسي و شخصيتي وثقافتي و البنات يركضون وراي ولابسهم ليش مدري 🙃 احب اصادقهم بس مو لدرجه حب و جديات و زواج 🙄 بعد وكت خلي ابني مستقبلي وبعدين لاحكَ للزواج و الاطفال و حياة التقيد 😑
حياتنا حلوه ومتفاهمين كلنا مع بعض صح تصير مواقف ومشاكل بيناتنه بس عادي نمشيها وتمشي....
احنا تربينا عالغيره و المحبه و مساعده الغير و خيرنا لغيرنا 😊ابوي تعب بتربيتنا و يكول ما ارتاح لحد ما اشوف كل شخص بيكم عنده وظيفه و بيت واولاد
اما امي💗 الله يحفظها جانت نعم السند لابويه بكل الاوقات هو ما حرمها من شيء و هي كذلك و تعبت علينا مثله تركض بالبيت و بالدوام و لا تكعد امنياها تشوفنا احسن الناس و مرتاحين بحياتنا صح مرات تتعصب و تعبر ابويه باشواط بعصبيته😂بس حنونه