اعلنت عليك الحرب

بارت 2

هلوو حبايب شكرا لكل شخص مهتم بقصتي و لو هو النزلته بارت اعتيادي تعريفي و الاحداث بعد ليكدام و هوايه قصص وامور راح تصير لتغير من حياة ابطالنا
اليوم البارت الثاني
#اعلنت_عليك_الحرب

كتلها ممكن نسولف اذا ما عندج شيء
كالت :- اي ليش لا
حمزة :- اني حمزة وانتي
أية :- اني أية
و تعرفنا على بعض فاكتشفت انو هي انسانه كلش طيوبه و تدرس مرحله ثانيه مثلي بس بكليه التربيه و عدها صديقه وياي طلعت بنفس شعبتي
المهم اخذتنه السوالف و سهرنا للفجر 😁هسه تكولون اكو مبالغه بالموضوع بس بصراحه اني عندي اسلوب يشجع عالسوالف 😉
فسألتها :- هم حبيتي من قبل!؟
سكتت وبعدين جاوبت :- بصراحه اي
حمزة :- وشنو الصار؟
أية :- ما صار نصيب و كل شخص راح لطريقه وانت؟
حمزة :- اي عده مرات بس ما نكمل لعده اسباب
أية :- الله يعوضك
حمزة :- ان شاء الله و احتمال يعوضني بيج
أية :- هههههه هيج عسريع بعدني توني حجيت وياك
حمزة :- وان يكن ما تعرفين شنو يصير مستقبلاً
أية:- الله كريم يلا اني اروح انام قفلت 😅
حمزة :- اوك عيوني تصبحين على خير ❤️
أية :- وانت بخير 😊
بصراحه حبيت اسلوبها الهادئ والمتواضع و ظليت يوميا احجي وياها وانعجبت بيها فيوم من الايام
عنسولف و جنت مشتاق الها واريد اسمع صوتها للان ما سمعت صوتها و لا شفت صورتها فاتصلت عليها جاوبت وكوه تحجي و خجلانه مني و صوتها ناصي
أية :- نعم 🙊
حمزة :- اروح فدوه لصوتج ولج ارفعي صوتج داسمعج زين اني متلهف لاحجي وياج صوت
أية :- اي رفعته اتفضل احجي اسمعك
حمزة :- أية اني من اول مره حجيت وياج اجاني فضول لاتعرف عليج بصراحه واني انعجبت باسلوبج بخجلج و باخلاقج ما اكول حبيتج بس حيل معجب بيج و يوميا اذا ما احجي وياج ما ارتاح صدكيني
أية :- 🙊🙊
حمزة :- جاوبيني فدوووة 🙂
أية :- شجاوب
حمزة :- انتي تحسين بمشاعر تجاهي؟
أية :- بصراحه اي 🤭
حمزة :- مدري ليش احس خدودج حمره هسه و كَلبج ديرجف هههه صح لو لا
أية :- هههه اي
حمزة :- كولي حمزة اريد اسمع اسمي بصوتج
أية :- حمزة
حمزة :- يروحلج سبع فدوات
أية :- هههه اسم الله عليك
حمزة :- وعليج يا ملاكي 😇
واستمرينا هيج و مشت الايام و حبيتها اي حبيتها كلش و صرت اغار عليها و اخاف عليها و نسهر يوميا بالليل للفجر نسده و ننام و تعلقت بيها و ردت بس يجي الدوام لاروح واقابلها لان للان ما شايفها اخاف لا انضرب بوري 😁😂
ولو هو الحب بالروح مو بالشكل بس صراحهً اني هم اهتم للشكل 😁

وصار وكت الدوام كعدنا كلنا الصبح و اجتمعنا بالمطبخ لان متعودين نفطر قبل ما نطلع للدوام
زينب :- اليوم اول يوم دوام بعد العطلة واكثر يوم يكون مزعج و هوسة الله يعديه على خير بس 😒
عبدالله :- لا تحجين هيج تعالي جربي تكونين بالجامعة وتشوفين بالشعبه كل سكَط ولا الثاني مثل اولادج الا تتخبلين و تقدمين استقالتج
طبعا احنا هنا اختنكنا بالجاي من كلام ابويه اني و مهند لان نعرف يقصدنا 😂😂
اباوع لاهلي ديتشاقون و يضحكون افرح من كل كَلبي واتمنى من الله يديم هالنعمه علينا و سرحت بغير عالم و اتذكرت انو اليوم موعدي مع الحب لاول مرة راح اشوفها.
هوايه عندي فضول لاتعرف ع شكلها.
طلعنا كلنا من البيت و صوفي (مصطفى ) وصلناه للحضانه و وصلت الجامعه الازدحام بكل مكان وإقبال كولش جبير تكولون بغداد كلها طلاب فقط😂😂
دخلت و رحت فورا لكافتيريا.... مكان ما اتفقنا نلتقي
وطلبت نسكافيه و كعدت انتظرها لحد ما صار الوكت و هي ما بينت بعد 🙄
هاي من البداية تبيع ثكَل برآسي 😑
مرت نص ساعة وهي ماكو اتصل عليها ما تجاوب😒
اخر شي هي اتصلت و كال تعال للحديقه..... كذا
رحت الها واتصلت عليها
حمزة :- الوو.. هلا أية وينج
أية :- وراك اني التفت عليه لابسه فستان طويل ابيض و مخطط اسود
حمزة انداريت و شفتها وكلش فرحت بشوفتها
جانت واكفه مثل الملاك لابسه شال ابيض ع فستان ابيض مخطط اسود انيق و هادئ يمثل شخصيتها
صح مواصفاتها مو مثل ما جان ابالي و متخيل بس حبيت شكلها فوك ما اني عاشكَ روحها شافتني و خجلت و دنكت عيونها الذبلانه الصغيره من عكست بيهم اشعه الشمس بين لونهم اخضر و شفايفها الصغيرونات و وجهها الطفولي اللي اسرني حبيت كولشي بيها و خصوصا خجلها واقتربت منها و كلت