#اعلنت_عليك_الحرب
الجزء الثاني
البارت 29
بستها من رأسها و كتلها :- لعد امسحي ادموعج بالاول و اسمعيني
مسحت دموعها و جاوبتني :- اي اتفضل اسمعك
حمزة :- اولا هالسالفة قبل 3 سنوات و بصراحه اني ما اريد اخبي عنج شيء و اني جنت احبها من صدك
حسيت وكف گلبي هيج بكل بساطة يكول احبها معقولة جان يحب قبلي اتذكر مرة كال جان هوايه عنده علاقات بس ما تصل للحب و الزواج
لقد حاولت التماسك......
حاولت التفهم.....
حاولت ان اتصنع الكبرياء و أُلملم جراحي و اتمسك بدموعي خوفا من ان تنهمر و تكسر قلبي و تمحي كرامتي....
حمزة :- ظلينا ع علاقة حلوه و رومانسيات و كذا لسنة تقريبا بس بعدها انصدمت بيها..... ابويه جان اتهموه بالتحرش بوحده من الطالبات و هي تركتني بأكثر وكت اني جنت احتاجها.... ااااه طلعتلي حجه ابن عمها يريدها و ابوها ديزوجها غصب
هيام :- شنو و لهذا تركتو بعض يعني؟
حمزة :- لا.... انصدمت وكت اللي عرفت بيها جذابه و انو هي تركتني علمود جنا راح نخسر القضية و نخسر هوايه فلوس وياها و هي مو حبتني وانما حبت فلوسي و مكانتي و مكانه اهلي و العز اللي اني بيه
هيام :- بعدك تحس بشيء تجاهها؟
حمزة :- لا والله ابدا بالعكس هوايه نزلت من عيني و احتقرتها لان جانت دتخون ابن عمها وياي و بدون ما اني ادري و حتى ورا ما انخطبت هم حاولت ترجعلي بس بوكتها اني حبيتج و كمت انجذب الج
هيام :- صدك؟
حمزة :- اي والله ابسط شيء لأول مرة اصلي و ما اترك صلاتي بفضلج و لاول مرة شخص من خارج اهلي يبجي عليه تذكرين وكت اللي اني التحقت بالجيش شكد بجيتي و اني ما جنت احبج وكتها
هيام :- اي صح
حمزة :- شكد تحملتي و وكفتي وياي و جنتي تنتظرين مكالمه لو رسالة مني و اني بسبب كل الظروف العشتها صرت انسان قاسي و جنت مرات ما احس بيج بس والله ثم والله مقدر كولشي إنتي سويتي لخاطري
هيام :- لعد شنو هالرسايل و الصور؟
حمزة :- اوك... باعي عالصور يعني مبين اني جنت اصغر و لحية كلش خفيفه عندي مو مثل هسه حتى شعري غير شكل مرتب هسه كفشه 😁 و باعي للبنت جانت حبيبتي شلون صور تريدين اخذ وياها مثلا و بالنسبة الرسايل فمتوقع تحجي اكثر من هيج
هيام :- وليش عاد؟
حمزة :- لاني بيوم و بلحظة عصبية دزيت كل رسايلنا سكرينات لابوها و من بعدها اختفت
هيام :- شنوووو 😮
حمزة :- ادري السويته غلط بس بنظري مو غلط يا هيام التخون زوجها او خطيبها و همه ماسكين عقد هاي تعتبر زنى و اصلا اني الخاينة احتقرها اكثر من بنت الشارع
أنت تقرأ
اعلنت عليك الحرب
Mystery / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
