اعلنت عليك الحرب

البارت 31

هلو حبايبي شخباركم

تأخرت اليوم بتنزيل البارت لان كتبت بارت كلش طويل بدل 2500 كتبت 3600 كلمة اقروا و انطوني رايكم و توقعاتكم 😇

#اعلنت_عليك_الحرب
الجزء الثاني
البارت 31

كانت بسطيه كما انا
مملوحه  كمائنا

كـ عـلو غيم بل سمـﭑ
فوق الجروح بلسمـﭑ '

شجابچ ويانه ونزلتي
ادم التفاحه مآكل
انتي حوريه شـ اكلتي

شيلحك كبريائچ وانتي صرتي !
حرب چنچ دخلتي وانتصرتي

وعلئ خطوة رجوعج مابصمتي
وعبرتي وماقريتي ما بـ صمتي

رقم ساعهَ ﭑنهَ اخرس وانتي ميلي                 احچيلي اريد انتميلج وانتميلي

بعد ما بهت لوني وانتي بهتي
حسبتي حسابي هسه وانتبهتي !

هسة انتبهتي 😅💔

بعشرتج ياعتبتي ياشكرتي ♥️'
الئ ﭑن ذاب طعمچ ياشكرتي ؛

يمكياج الصواني يا سمرتي ❤
يسألوني واكلهم هيام مرتي 😘

هيام :- يالله شكد حلو انت كتبته؟؟

حمزة :- يعمري لا والله مو اني هذا شعر حسين علي المطوري

هيام :- بس هو اكيد ما كال هيام بشعره😏

حمزة :- هههههه لا طبعا اني كلت و اني حفظت الشعر و الالقاء لخاطرج يحياتي

هيام :- فدوووة يخبل😍

حمزة :- يلا حروح عندي شغل هسه

هيام :- اوك حبيبي يلا باي

حمزة :- باي

سديت الاتصال من هيام و رحت طلعت دورية حول المنطقة
جانت ساعة 11 بالليل و الاجواء هادئة كلش و دنمشي اني و الجنود و فجأة سمعت صوت حركة غريبة اشرت للجنود بالانتشار و انتشرنا كل شخص بمكان مختبي و محضر اسلاحه بيه
لاحظت شخص مرتبك و ديمشي ع كيفه و بيده كيس اسود و جان واضح عليه التوتر و الارتباك

حجيت باللاسلكي للجنود :- اني راح اقبض عليه اريدكم يحمون ظهري خاف احد يغدر بينه

الجنود :- امرك سيدي

تقدمت و مشيت بكل هدؤء من وراه و لحكته و جان راح يدخل على بيت بس اني لزمته من ورا و وجهت سلاحي ع رأسه هو خاف و وكف و جان اعزل اي ما معه سلاح
واجوا الجنود حوالينا و قبضنا عليه و سحلته للمركز لكيته شايل وياه متفجرات و بعض المواد اللي تصنع المتفجرات عرفت راساََ انو ناوي يصنع متفجرات

و امرت بحبسه و التحقيق وياه بس ما اعترف بشيء و طبيت اني لعنده و باوعت عليه جان صغير بالعمر حوالي 17 سنة

كتله :- انت شسمك

جاوبني :- اا..  ااسمي نبيل

حمزة :- نبيل اسمعني اني اوعدك محد يأذيك و يتقرب منك بس راح تعترف بكولشي