اعلنت عليك الحرب

البارت 28

#اعلنت_عليك_الحرب
الجزء الثاني
البارت 28

بهاي الاثناء وصلت رسالة من نفس الصفحة لهيام و هيام هوايه انزعجت وانصدمت بسبب اللي شافته بالرساله واللي جان عبارة عن وحدة كاعدة بحضن حمزة و ديضحكون و هي مخليه رأسها ع صدره و حمزة هو اللي ساحب الصورة

توترت هيام و انزعجت و ما بعد تعرف شنو تسوي و جان واضح عليها منزعجة و دمعت عيونها
جانت تريد تكوم تريد تبجي
اختنگت و محد يحس بوجعها

باوعت لشعيب و اشرتله عالموبايل هو رأسا افتهم
واشرلها تكوم

هيام :- من رخصتكم حروح للحمام

ابو شعيب :- يي لا تتأخرين

فتت للحمام و اختنگت ما كدرت اكتم دموعي اكثر من هيج بجيت و بجيت لحد ما تعبت و سمعت صوت موبايلي باوعت لكيته حمزة دازلي
" يلا حبيبي جابوا الاكل اني ما راح اكل شيء الا انتي كدامي"
من قريت الرسالة كمت ابجي اكثر يالله شگد جذاب انت هيج بكل برود تسوي نفسك ملاك كدامي

اكيد هسه يكللها نفس الكلام...
اكيد هو  يروح و يجي وياها...
وكاعدين بحضن بعض و اكيد باسها مثل ما باسني و اكيد يحبها و احتمال كبير ما يحبني...
زين معقولة هاي وكت اللي تركني بهذا الشهر سوا علاقة وياها؟؟؟
يالله راح انجن شسوي💔😔

اتصل عليه شعيب و رديت :- هاا شعيب

شعيب :- ادري بيج كاعده تبجين بس امسحي دموعج و عدلي مكياجج و اطلعي و لا تخلين احد يحس بشيء و اتذكري هيام مو ضعيفة لحتى تنهار كدام الكل

جريت نفس و كتله :- احاول

شعيب :- يلا منتظرج

سديت الاتصال و فعلا سويت مثل ما كال شعيب
مسحت وجهي و عدلت مكياجي و جريت نفس و رجعت مثل الاول و طلعت

عبدالله :- تعالي بنيتي كعدي يم حمزة

هنا اني انحرجت و باوعت لابويه دنك رأسه بمعنى اي يعني يقبل اكعد يمه رحت و كعدت بالكرسي اللي جنبه
حمزة :- حبيبتي شكو
هيام :- ولا شيء

حمزة :- بس شكلج ما يكول انو انتي بخير

هيام :- حمزة كافي

مد حمزة ايده ع ايدي بدون ما يشوفنا احد بس من لزم ايدي حسيته لازم گلبي سحبت ايدي منه و هو ضاج
و الكل جانوا ديحجون و يشاقون و فرحانين بس شعيب جان يدري بالوضع و ساكت و لاحظت خالد دياشر لحمزة ع موبايله يمكن يريد يسأله شكو لان انتبه علينا
اني ظليت جامدة بمكاني و ما اعرف شسوي

عبدالله :- اي ابو شعيب الغالي ان شاء الله بعد ما تخلص هيام امتحاناتها و تطلع نتيجتها احنا نبلش بالخطوبة ع اتفاقنا

ابو شعيب :- اي اكيد ان شاء الله بس خلي حمزة يخفف حركات شوي وياها لحتى تركز البنت

زينب :- هههه شباب عاد احنا من جنا بعمرهم هم مو راحه