حمزة :- اني قدمت عالجيش و فتت الاختبارات كلها و نجحت وانقبلت و ايام والتحق وياهم و هدفي من هذا كله ادافع عن ارضي و عن ناسي واقاتل الدواعش و كل شخص جاي يفسد بارضنا
عبدالله بعصبيه :- شنوووو
زينب بصدمه :- لا يا حمزة 💔
حمزة :- مثل ما سمعتم
عبدالله بعصبيه :- يا حيوان!!!! شلون تشتغل من كيفك شنو ماكو اب على رأسك و تاخذ رأيه.... اسمع ولك حمزة من الاخير هذا الشغل و هذا الطريق مو شغلك و لا طريقك....
جر عبدالله نفس و كال :- تروح تسحب اوراقك وتنهي الموضوع
واثناء هالشيء كله حمزة جان جامد ولا اهتز شعرة منه ولا همه كلام ابوه و جاوبه بكل هدوء و برود
حمزة :- ما يخصك.... اني مو طفل و قررت وما اتراجع
رفع عبدالله ايده و ضربه كف ل حمزة
جان اول مرة يضربه ما ماد ايده من قبل على حمزة بالذات باعتباره اخر العنقود و المدلل
عبدالله بكل حزن :- انت شنو من شيء هااا!!؟ ناوي تجلطني تريد تروح من ايديه مثل ما راح اخوك؟ لشوكت تبقى هيج تعاند و ما تفكر بغيرك؟ ما تكول امي ابويه اذا اني متت شيصير بيهم من بعدي؟
حمزة :- ابويه اني اسف.... بس احنا اول وتالي راح نموت هسه لو بعد 100 سنة.... منو جان متصور مهند بين يوم وليله يموت و بهذا العمر....
عبدالله تعب منه وكال :- اسمع حمزة... اني ما ارضى عنك اذا رحت
حمزة و الدمعة بعينه :- براحتك
وتركهم و صعد لغرفته
زينب :- وهسه شلون شراح نسوي وياه 😥
عبدالله :- شسوي يعني ما تفهميني.... روحي لاخوج وافتهمي منه
زينب :- بالعكس يم اخويه احسن مما يروح بمكان وما نعرف عنه شي
عبدالله :- اووف منه.... اجتنا مصيبه من جوه الكاع
ظلت زينب ساكته و تبجي لان تعرف بحمزة عنيد من جان صغير وما راح يفيد الحجي وياه فاحسن شيء يظل قريب من اخوها عالاقل تعرف كل تحركاته
......
حمزة
طلعت لغرفتي و نمت و كعدت ب12 بالليل
كلش ضايج من اللي صار ويا اهلي
ما ردت هيج يصير
كَلبي ما طاوعني اكسر بيهم
بس مع ذلك جان لازم اكون قاسي حتى لحد يمنع
فتحت جهازي وجان الكى 13 مكالمه فائتة من اية
شكد لزكه هالبنت و خفيفه
جنت افرح من اشوف رسايلها و مكالماتها بس هسه لا تغيرت نظرتي عنها لان مخطوبه و تلزك بيه
رغم اني بديت اعاملها كاخت الي بس هي لا تحسب نفسها مثل قبل وتريدني ارجعلها
حتى لو جانت مظلومه و غصب عنها بس عاد ما تسوي هيج
وشفت رسالة وحدة من هيام كاتبه
" هاا شعجب مختفي النهار كله اليوم 🤔"
ضحكت وجاوبتها " هههه يا عيني غير مشغول"
هيام " اوك 😊"
أنت تقرأ
اعلنت عليك الحرب
Mystery / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
