ها انا ذا
ودعت 16 سنة التي مضت من حياتي
لابلغ 17 عاماََ
ابلغه بكل اسف و كَسرة قلب و نفس تائهة
لا اشعر بانني كبرت عام و انما 10 أعوامتذكرت كلامه و هو يحادثني و يقول لي :- يوم ميلادك اعلن بأنكِ جيشي الوحيد يا سيدتي وان حضنك موطني و عيناكِ عاصمته
ها انا ذا
وحيدة......
النار تأكل قلبي.....
الفراغ يقتلني......
والشوق يعذبني.....مضت 3 اشهر لم اسمع صوته ولم احدثه......
لا اخبار عنه.....
يالله لا تكتب لنا فراقا....
يالله لا تحرمني من رؤية وجهه....
يالله لا تجعلني اعاني فقدانه طول العمر....يالله......
إشتقت لشخص كنت
أسرد له تفاصيل يومي بدقة 😔............. ..........
اخر مرة حجيت ويا حمزة ورا ما خلصت امتحانات نص السنة بشهر الثاني ونجحت بتفوق عالي وهيج ضمنت ادخل السادس مباشرة بس ظل اخير السنة الي جنت ادرس ليل ونهار لحد ما اجا وكتها وامتحنت و نجحت بأعلى الدرجات و نجحت للسادس الحمد لله والشكر وما ضاع تعبي و جنت كلش فخورة بنفسي وجنت اتمنى حمزة وياي ليشاركني فرحتي و ليكون رافع راسه بيه 💔
هسه احنا بشهر السابع ومع الاسف صارلي خمس اشهر ما حجيت وياه كل الاعرفه هو بخير و ديقاتل بالجانب الايمن وماكو لا شبكات و لا اكو مجال اصلا لحتى الواحد يرتاح لو يخابر
انجنيت.... وتخبلت... من غاب عني
حتى امي انقهرت عليه و ظلت تصبرني لان شافت حالتي مو زينه و جنت افرغ وكتي كله بالدرسحتى ام حمزة ست زينب جان دوم تبعث ورايه و تشوفني وتسأل عن حالي
بس اني مليت اريد حمزة... اريد بس رسالة منه عالاقل
وكفت كدام المرايه حطيت شويه بودره و حمره ورديه و ايلاينر و مسكارة و هايلايتر شوي و سويت شعري سنبلة على صفحة طلعت اخبل 🤭 ولبست تراكسود رياضي لونه اسود و وردي 😉
اليوم راح يجي عدنا اخويه اللي اصغر من شعيب بسنة اسمه كرار بس متزوج و يشتغل بشركة اهلية خارج بغداد هو و مرته اسيل و عدهم طفل عمره سنة اسمه نوار ... هو سمئ ابنه نوار حتى يصير نوار كرار 🙄
طبعا اني واسيل رغم فارق السن اللي بيناتنا بس كلش صديقات و دائما تنصحني واتوجهني وتعلمني باعتبار هي اختي الجبيرة لان ما عندي اخت و احجي لها اسراري وهي همين ما تخبي عني شيءنزلت للصالة و جانوا همه توهم واصلين و ركضت ع نوار و حضنته وبوسته فدوة لكَلبه صاير يخبل و ديمشي زين و يركض لان اخر مرة جان كوه يمشي يعني قبل شهرين من اجوا عدنا و سلمت ع اخويه و بوسته
كرار :- شهل جمال حياتي ❤️
هيام :- انت اصله كبدبد😘😉و سلمت ع اسيل و حضنتها :- مشتاقتلج كلش 🤩
اسيل :- اني هم مشتاقتلج كلش 😃هيام :- شلونج 😍
اسيل :- تمام وانتي؟
هيام :- الحمد لله 😊
أنت تقرأ
اعلنت عليك الحرب
غموض / إثارةلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها