اعلنت عليك الحرب

البارت 22

#اعلنت_عليك_الحرب
الجزء الثاني
البارت 22

كملنا طريقنا و وصلنا لاربيل وتوجهنا لبيت عمتي سها رغم تحذيرات ابويه النا انو ما نصل بيتها

و طبينا لشارعها و طبك السياره فراس و نزلنا واكفين بباب بيتها ومنتظرين تفتحه واحنا ما ظل موقف او كلام او اهانه ما تخيلنا تكوله

طلعت عمتي سها و شافتنا.... فتحت عيونها وكالت بحدة :- هم انتو اولاد ال... 🤬

حمزة :- هاا عمة اشتغلنا الغلط 😑

فراس :- فوك ما نشتاكَلج و جايين نشوفج

عمة سها :- الله لا جان جابكم يلا انكَلعوا منا

و حاولت تغلق الباب بس حمزة دفعه وفات

سها :- شكد ما تستحي طبيت للبيت غصب عني

حمزة :- هذا الموجود

سها :- هسه اتصل ع البيشمركة وابلغ عنكم

فراس :- ههههههههه ضحكتيني عيوني هاي ايام زمان هسه احنا ظباط محد يكدر يحاسبنا

حمزة :- وانتي عمتنا و الهويات تثبت هالشيء 😉

سها :- استغفر الله..... شتريدون

حمزة :- حضرينا اكل جوعانين

خزرته سها لحمزة و جاوبت بكل عصبية
سها :- احضرلك سم الهاري

جاوبها حمزة بكل برود و ابتسامة خبيثة :- جا غير شغل الحية تحضر اكل مسموم😉

سها بعصبيه :- الله ياخذك محد مسموم غير امك ابن الدايحة.... امج جانت تستعرض نفسها كدام ابوك علمود ياخذها

حمزة كام بكل نرفزة و ضرب ميز الزجاج الجان كدامه من عصبيته وصاح بيها :- اكص لسانج مرة ثانية تحجين ع أمي هي اشرف منج ومن الف وحدة مثلج ولو تعشين حياتج كلها بصورة مثالية ما تحصلين ربع الاحترام والحب و التقدير العدها تدرين ليش لان المثلج عايشين بوجهين وجه طيب كدام الناس و وجه شيطان من وراهم واصلا انتي فد نعال حتى تحجين ع امي

سها بصياح :- تعال عبدالله و شوف تربية زينب ست الحسن والجمال.... لك ساقط هذا اسلوب تحجي وياي بيه عبالك كبرت ع غمتك وتغلط وتفشر براحتك

حمزة :- ترا اني للان ما غلطت واذا اغلط محد يخلصج مني

سها بكل حقد :- اطلع من بيتي

حمزة :- ما اطلع وكاعد ع كَلبج
وفات حمزة لغرفة الضيوف و حط غراضه و صاح :- يلا لا تتاخرين عليه جوعان

سها غمضت عيونها وكالت :- اوووف منك

فراس :- ههههه عمة مو كافي انسي الماضي جايين نفتح وياج صفحة جديدة

سها :- ما اريد وما مجبورة

فراس :- لازم عاجبتج العيشة هنا وحدج