#اعلنت_عليك_الحرب
الجزء الثاني
البارت 42
ضربتها كف وكعتها عالسرير و سحبتها من رجلها و لزمت شعرها مرتلخ ملخته بيدي و صحت
حمزة :- تدرين اني خسرت رتبه بسببج اليوم و ما بقالي اي قيمة او احترام بسببج يا ساقطه انعل ابوج لابو الرباج لابو اللي يريدج بعد
و فقدت من عصبيتي و رفعت ايدي لاضربها مرتلخ و جان تصدمني وتكول
هيام :- ابوس ايدك لا تضربني اني حامل
حمزة :- شنوو!! ؟؟
من صدمتي تركتها و طب خالد للغرفة و سحبني و نزلني جوه
نزلت واني صافن و دارت الدنيا بيه كعدت و خليت رأسي بين ايديه
شلون حامل شلون؟ معقولة ع هذا الوكت جانت دتجذب عليه؟
عبدالله :- انت اشبيك راجع من بره مجنون؟
خالد :- لو تشوف حالته و شلون جان لازم هيام و ضربها همين المسكينة وهي تتوسل علمود يتركها
زينب بكل عصبيه :- نعم؟؟؟؟ شلون تضربها وليش؟؟ انت متفهمني شنو مشكلتك وياها؟ مو هاي الكتلت نفسك عليها؟ لك انت شنو من بشر هاا؟ ما تخاف من الله؟
عبدالله بعصبيه :- يعني اني كلما اكول تربيت و عرفت قيمة نفسك و مرتك و حياتك ترجع تلوص من جديد......... انت شتريد هاا شتريد؟ عايش حياة مئات من العالم يتمنون يعيشون مثلها
صيحت بوجه اهلي :- دكاااافي عاد كااافي...... كل اللوم عليه ليش؟ لعد هي من رجعتها للان و نفسها جايفة و تحجي من رأس خشمها عادي واني مثل الجلب اركض وراها و لا ترضى..... و كاعدة تمثل عليه تحجي ويا واحد علمود تستفزني فأني وين كرامتي هنا و اني رديتلها اعتبارها و كرامتها و دست ع اية و مستعد ادوس على الف وحدة مثلها في سبيل هيام.... لعد هي ما تقدر ما تكول رجلي يموت عليه و يحبني و يحترمني.... و سوت شغلة اليوم لو هي كدامي بهذيج اللحظة جان ملختها
عبدالله بصياح :- اي مو بنت حرام لو بنت شارع علمود تملخها
حمزة :- بويه اسمعني اسمعني.... يعني اني لعد شنو ذنبي اخسر رتبة بسببها
خالد :- يعني هسه الرتبة صارت اهم من مرتك؟
حمزة :- مو قصه اهم والله بس اني تعبت لوصلت لهنا...... و طبيت بمعارك بس الله يعلم شلون طلعت منها و ربي شفت الموت بعيني و هسه حياتي مهدده و بإي لحظة ممكن يرموني واموت فطبعا انقهر وكت اللي اخسر لسبب تافه
خالد :- شلون يعني؟
حمزة :- لان هيام فرمتت الفلاش اللي اليوم الضباط و القادة اجتمعوا علمود يتناقشون بالخطط العسكرية الجديدة للوضع الراهن و علمود نعرف شلون نلزم هاي العصابة اللي دتلحكني و كل هاي الشغلات موجودة بالفلاش و ليش هيام فرمتته مدري........ بس الموقف الجنت بيه و الفشلة الصارت و خلت هوايه من الموجودين يتشمتون بيه فلا انساها...... هههههه لا بالنهاية تطلع حامل و دتقشمرني طول ذيج الفترة واني تأنيب الضمير ماكلني... اوووف اوووف
وهنا دمعاتي خانوني و نزلوا :- اني تعبت والله يوميا تهديد و يوميا مشاكل و كومة ضغوطات عليه ولا بشر حس بيه و لا حتى مرتي اقرب الناس عليه..... والله لو غيري جان راح نام ويا الف بنت بس اني لان احبها و ندمان عالسويته تحملتها و تحملتها لحد ما خلص اني بزعت و ما ظل صبر بيه 💔
أنت تقرأ
اعلنت عليك الحرب
Misteri / Thrillerلم اكن اعلم ان قلبي تغير و مشاعري استيقظت والماضي اصبح ورائي وان عيناها هما مستقبلي انها الخط الفاصل لحياتي و انها محياي ومماتي و عالمي وكوني باختصار اني رجل شرقي تبع هواه في حب مزيف الى ان وجد الحب الحقيقي في ظل عالمها
